رواية كاملة 21 الفصول من السادس للعاشر

لو شايف انه غلط كنت رفضت طلبه من غير ما اقولك انا شايف انه عين العقل 
ابراهيم   يعني انت عايز ايه 
يوسف تدخل تقولها  تجهز و انا هعرف هيقابلها فين و هبعت معاها السواق 
ابراهيم يوووه يا يوسف 
يوسف مفيش يوووه و لا بتاع انت حرمتها من حاجات كتير كفايا موضوع تعليمها سبها تختار شريك حياتها علي الاقل ارحم شويه  
ابراهيم يعني ابقي ملطشه وسط عيالي كل واحد يعمل اللي هو عايزه
يوسف اتكلم في ايه و انت بتتكلم في ايه سببها تقعد و نشوف هي هتقول رايها ايه  
ابراهيم والله بقا انا زهقان اعمل اللي انت عايزه
يوسف احسن كلمه قولتهااا 
خش قول لبنتك تجهز الراجل قالي انه فاضي طول اليوم 
ابراهيم خرج للخارج 
و صاح بصوت عالي 
ابراهيم موده 
جائت موده فزعه خير يا بابا
خرج يوسف ايضا 
يوسف بضيق من تصرفات اخيه    هو انت هتقطع خلف البت في حد ينادي كداا
ابراهيم بضيق جهزي نفسك 
موده باستغراب  ليه 
ابراهيم رايحه تقابلي عريس الغفله ياختي هعلق قرون علي دماغي
ثم دخل مكتبه  و هو متعصب فانه يحترم كلام اخوه احيانا  و هو يري كلامه منطقيا قليلا و لكن لا يحب عدم مشيان كلامه 
يوسف بحنيه محمد طالب يقابلك في اي مكان يتعرف عليكي  اكتر و انتي تتعرفي عليه علشان بعد القعده ديه تتحددي قرارك بعنايه
موده بنفسها   ياااااارب بقا مش هيبطل رخامه و غرور اقعد معاه اهبب ايه واحده ماسحه بكرامته الارض و قالتله انا مغصوبه عليك برضو لسه عايز  يتعرف معرفه سودا علي دماغي 
يوسف رحتي فين يا بنتي 
موده معاك يا عمي
يوسف جهزي نفسك و السواق هيوصلك للمكان
موده باستغراب هو بابا موافق ! 
يوسف انا اقنتعته  
البسي بقا سيبك منه هو مش قالك اصلا  هو موافق بس انتي عارفه طريقته  
موده باستسلام طيب   
و ذهبت لغرفتها 
موده يعني عمي مكنتش بيعرف يقنعك بحاجه و لا اني ادخل الجامعه او اني انيل حاجه و دلوقتي  عرف يقنعك اني اقعد معاه لوحدنا  اقتنعت يعني  في ديه علشان حاجه مش عيزاها ده انت ماشي عكس عكاس معايا فعلا
سمر انتي  بتكلمي نفسك يا بت 
موده هاااا 
سمر ابوكي كان عايز ايه
قصت لها ما حدث
سمر طيب  ياله خشي اجهزي 
و دخلت موده و هي تكاد تصرخ بالجميع بداخلها براكين لا تهدأ ابدا 
و ظلت تبحث في خزانتها علي ماذا ترتدي  
فلو كان الامر بيديها لارتدت عبائه سوداء  و طرحه سوداء كما تسميها كحياتها 
و لكن تعلم جيدا انها قبل ان تخرج سينهرها الجميع فارتدت فستان موف انيق جداا و هادي كملابسها
جميعا فهي لا تحب ان تكون ملفته للنظر تحب البساطه ارتدت الفستان  و مع طرحه اوف وايت و لم تضع اي من مساحيق التجميل فهي تريد ان تكون كما هي امامه حتي لا يظن انها متهيمه لتراه 
فهي ذاهبه و هي في أشد ضيقها مؤمن ذهب ليزور احد اصدقائه  بالمستشفي فكان صديقه وقع في حاډث سير و ثم كسر رجليه فكانت هناك دكتوره هي من تشرف علي علاجه اعجب مؤمن به احترامها و هدوئها في الحديث ثم ذهبت و ام تذهب من باله فهذه المره الاولي التي تلفت انتباهه واحده
ركبت موده السياره و معها السائق لايصالها الي احد الكافيهات و بالفعل عندما وصلت وجدت  محمد يفتح لها باب السياره
محمد اهلا  
نزلت موده 
و دخلوا  في الكافيه 
و جلسوا علي احد الطاولات 
كانت موده من داخلها متوتره و لكن هي كعادتها تحفظ مشاعرها و كل شي بداخلها و تظهر وجه اخر للجميع فهي لا يبان ضعفها امام احد فهي دائما  تبدو صامده امام الجميع و هي ليست كذالك 
علي الجانب الاخر اعجب محمد بثقتها بنفسها الزائده فهي ليست متوتره نهائيه او  علي الاقل هذا ما يعتقده هو و لكنه يعلم انها تحاول ان تكون قويه
محمد جبتك هنا بقا يارب متعملش ڤضيحه زي المره اللي قاتت 
موده والله ده علي حسب  افعالك و بعدين انت ليه طلبت تشوفني  ! 
مظنش في حاجه تتقال
محمد مش لازم اتعرف علي  مراتي  المستقبليه 
موده شكلنا هنمشي بفضيحه و خڼاقه متقولش مراتي المستقبليه و ردود افعالي مش هتعجبك في الاخر
محمد هتعملي ايه يعني 
موده انتي مجرب جناني و عصبيتي
محمد و انتي لسه مجربتيش جناني انا 
موده انت جاايبني علشان تخانقني و ټعصبني 
محمد لا جايبك علشان اتعرف عليكي معني عارف انك عناديه و لسانك طويل  و .... 
موده يسلام مش اقل من نرفزتك و لسانك الطويل   و غرورك الذي لا يطاااق 
محمد ياااه معلش اسف مكنش ليها القعده لزمه الحمدلله احنا عارفين كل حاجه 
فضحكت موده  علي تلك الظروف الغريبه التي تجعلها تقعد مع شخص لا تتخيل انها تقعد معه
محمد تبتسم ايضا  فالمرات السابقه كانت مټعصبه و لا تبتسم ابداا
فانتبهت من نفسها و منعت ابتسامتها 
موده ممممم خير بقا جايبني ليه 
محمد هعرفك عليا بما انك مش هتسالي 
اخذت موده تسمع له بانتباه 
فاخذ