رواية كاملة 19 الفصول من ستة وعشرين للاخير

لازم يكون فى ايثار ما بينا بس لو فضلنا كده كتير مش هيكون فى ايثار ولا حبيبه ولا صحباتها .. عن اذنك 
_ استنى خدنى معاك 
سارا خطوات قليله حتى وصلوا لحيث يقف كلا من سلمى وحسام .. وليد مرحبا 
_ اهلا ابو نسب 
_ ازيك يا عريس 
نظرت لهم سلمى مستغربه .. ودهشة ياسين لم تقل عن دهشتها .. ليقول الأخير 
_ دا اللى هو ازاى دا بقى 
حسام متسائلا 
_ اللى هو ايه بالظبط 
سلمى پحده
_ هو مش المفروض انكوا .. متزاعلين سوا .. وان الكابتن دا مكنش عاوز يحضر الفرح وحصلت مشكله كبيره ما بينا بسبب كده 
نظر كلاهما لبعض لينكر وليد 
_ الكلام دا حصل يا ابو نسب 
حسام وقد أسند ذراعه عليه ليقول بتفكير 
_ ولا فاكر اى حاجه من دى يا خويا 
سلمى وقد عقدت ساعديها أمام صدرها 
_ ولا فاكر ان حضرتك قولت انك مش هتحضر الفرح 
_ دى بقى بالتحديد فاكرها وفاكر كمان انك قولتى انى لو محضرتش ابعتلك ورقة طلاقك .. بس احب اطمنك برضو مش هحضر 
وليد بإعجاب 
_ تعجبنى يا ابو نسب .. ايوا كده اكسر للبت ضلع يطلعلها اربعه وعشرين 
_ واقف معاه ضدى يا وليد .. ماشى يا وليد 
ياسين 
_ عادى كده يا وليد .. شكلك مش عاوزه يحضر الفرح 
وليد موضحا 
_ انا الليله دى .. ولا عاوز اشوف وشه ولا وش مراته اللى هى اختى اساسا .. ولا اى حد انا النهارده عاوز العروسه .. العروسه وبس 
حسام وهو يجذبه من يده 
_ طب يالا يا خويا .. نجيبلك العروسه بدل ماتتجوز على نفسك وانت واقف 
ركضت الصغيره تود الذهاب معهم .. لينظر حسام نحو سلمى بنظره خاصه .. لم تفهمها ولكنها توحى بالكثير 
ركبا السياره وانطلقا .. ليتسائل ياسين 
_ هو فى ايه .. هى ايه حكاية المجانين دى 
سلمى متبرمه 
_ ولا اعرف .. مقلب من مقالبهم السخيفه .. فهمونى ان فى مشاكل كبيره ما بينهم وانا زى الهبله صدقت لا وكبرت الموضوع وشهدت الكل عليه انه لو محضرش الفرح يطلقنى .. وطلع فى الأخر مقلب .. ماشى يا حسام انت والزفت التانى .. ماشى 
_ سيبك منهم ويالا نكمل التجهيزات 
 
نظر لها بعشق السنين .. غير مصدق ان تلك هى صغيرته المشاكسه .. أصبحت أجمل .. نقص وزنها فبدت مفاتنها أوضح على الرغم من غضبه من إمكانية نظر من حوله لها 
وهذا الشئ لا يعجبه البته .. عبس بوجهه بينما هى تسير لها بإستحياء .. وقفت أمامه ليقول پغضب 
_ ايه اللى انتى لابساه ده 
نظرت له بدهشه بينما يد حسام قد امتدت توكزه بخفه 
_ هى دى حمدالله على السلامه 
قال من بين اسنانه 
_ الطرحه قصيره 
اتسعت حدقة عينيها .. لتتحول بعدها الى ڠضب وهى تجذب حجابها بشده اليها قائله بضيق 
_ يالا عشان انا عاوزه امشى 
هز حسام رأسه بيأس .. ثم قال مشيرا الى حنين التى وقفت تتابع فى صمت 
_ ازيك يا انسه حنين 
_ الحمد لله .. بخير .. سلمى والكتكوته الصغيره اخبارهم ايه 
_ كويسين .. دا حتى ليان فى العربيه 
_ بجد انا عاوزه اشوفها .. 
_ تعالى معايا .. اتفضلى 
سارا أمامهما تاركين لهم الفرصه للكلام .. ليبدأ وليد الحديث 
_ يالا مش عاوزه تمشى 
قالت بضيق 
_ يالا بينا 
_ ومالك بتقوليها من غير نفس كده 
_ وييد لو سمحت .. لو حابب تتعارك انا مافييش دماغ اتعارك بيها 
_ ليه يا هانم دماغك فين 
زفرت بضيق تحاول ان تمنع دموعها .. فما ظنت فى كل أبعاد خيالها ان يستقبلها بهكذا طريقه .. فما هذا استقبال عاشق لمحبوبته التى غابت اربع سنوات .. منعت دموعها بصعوبه وسارعت الخطى قبل ان تجتذبها يده تحسرها بقوه بين اضلعه 
قال بشوق 
_ من كتر ما انتى وحشانى .. مش عارف اعمل معاكى ايه حذارى تبعدى عنى تانى .. المره دى ھقتلك بجد
ركضت دموعها سريعا لتتركهم بينما تضربه بقبضتها اللطيفه فى صدره .. لكمات بعيده كل البعد من ان يتأثر بها لكن كلما ازدادت كلما احتواها اكثر فى اضلعه 
وقف حسام ينظر من بعيد تجاوره حنين التى ابتسمت قائله 
_ ربنا يخليهم لبعض 
خرجت ليان تنظر من نافذة السياره لتقول 
_ ايه دا خالو وليد حاضن بت حلوه اوى 
نظر الجميع لهم على اثر صوتها العالى .. ليدفعها حسام الى الداخل .. ناظرا لخجل حنين قائلا بمداعبه 
_ بنتى نبيهه اوى .. بتفهم كل حاجه بسرعه 
دخل برأسه الى السياره ليقول لها 
_ ينفع كده 
وضعت يدها فى خصرها قائله 
_ ينفع هو يحضنها كده 
_ وانتى مالك ياسوسه 
التمعت عيناه بفكره .. ليهمس بها داخل اذنها .. وهى بشغف اعجبتها لتقرر التنفيذ .. ضړبت كفها بكفه .. ليقول 
_ اوعى تقولى لحد 
_ عيب عليك 
نظر لها بدهشه فمن يعتقد ان هذه ابنته ذات الأربع سنوات .. فلسانها يعطيها اكثر بكثير من ذلك 
 
وقفت تجاوره وهو يرتدى حلته الأنيقه لتمرر أصابعها على ياقته وقد شردت قليلا .. لينتبه