رواية كاملة 19 الفصول من السابع للثاني عشر

طرف سلمى بنت خالة حنين بنت عمى 
_ نعمم 
_ قصدى انتى اللى جايه للوظيفه 
_ ايوه انا فى حاجه 
_ لا اصل انا اللى لطعتك ...قصدى انا المدير 
_ ايه !! انت المدير ازاى !!
_ المطلوب منى اجاوب مثلا !
_ مش قصدى ...انا قصدى... اااا
_ ايوه.. ايه هو قصدك 
_ انت مالك انا اصلا كده كده ماشيه 
خطت ناحية الخروج ليصدح لها صوته 
_ رايحه فين ..ايه مش ناويه تبدأى شغل ولا ايه 
وقفت تنظر له بذهول كانت تتصور انه لا يستحمل فكرة وجودها بجواره فكيف بعملها معه !
_ ايه هتفضلى بصالى كتير كده ..مش ناويه تبدأى شغل 
_ لأ ..انا اللى مش عاوزه اشتغل معاك ..مش هاشتغل مع واحد مش بيحترم المواعيد 
استدارت ذاهبه ليوقفها صوته مره ثانيه 
_ عندك مشكله انك تشتغلى مع واحد مش بيحترم المواعيد ...بس ماعندكيش مشكله انك تشتغلى مع واحد مش بيحترم الحريم ..صح 
ترقرت دمعه فى عينها وتمتمت پقهر 
_ انتوا الاتنين احقر من بعض 
لم يقصد قول ذلك ولا چرح مشاعرها بتلك الطريقه فاعتذر سريعا 
_ انا اسف مش قصدى ..انا اقصد يعنى انى اتأخرت يعنى ما اجرمتش ..وهى مره وان شاء الله مش هتتكرر ..اسف مره تانيه 
لم تعلم لما استسلمت ... لكنها وافقت 
 
استيقظت سلمى لتجد نفسها بين ذراعى حسام ..هو يجلس ممسكا هاتفه وفاردا ذراعه الأخرى التى تضم سلمى كطفل صغير 
كانت قريبه من صدره ..ومن ضلوعه ..لكنه بدى غير مبالى 
انتفضت عندما استوعبت وضعها ..وحاولت ان تعدل من وضعيتها وهى تفتح جفونها بصعوبه .. بكلمات امتلئت بالحرج قالتها لتخفى توترها 
_ صباح الخير 
كان لا يزال على وضعه لم يحرك له جفن .. ظل ساكنا وكأنها هواء .. لم يحدث فى وضعيته تغيير سوى يده التى ارتفعت ليضعها خلف رأسه حاولت النزول من السرير وهى تتمتم 
_ يا ساتر ..وكمان اطرش انا قولت الواد ده فيه العبر محدش صدقنى 
حاولت القيام لكنه كان الاسرع ..فجذبها من ذراعها لتسقط فوق الفراش .. ليكون مجرى نظرها يتمحور حول وجهه التى تراه الان بالمقلوب 
_ بتبرطمى تقولى اي 
كانت اول مره ترى وجهه من هذا القرب ...عينيه الواثقه بها حزن وقلق دفين ..ذقنه النابته بإهمال .. بشرته القمحيه الغامقه ..بسمته الساحره ..كل شئ به ساحر .. هذا الرجل الذى لطالما تمنت قربه وخشيت من اقترابه 
ربت باصبعه على وجنتها برفق ..لتفيق من شرودها على نظرته المخترقه لها فقامت سريعا تلملم خصلات شعرها الهاربه من اسفل حجابها 
وقالت تخفى ارتباكها 
_ انت مش هتبطل هزارك البايخ ده 
_ مش هيكون هزار لوماكانش بايخ 
_ يعنى انا مش هاخلص منك 
_ بالظبط كده
زفرت بضيق وهى تدلف للخارج ...ليوقفها صوت هاتفه بإتصال فتلتفت مقتربه من الغرفه تستمع لكلماته والتى كانت معظمها مقتضبه ..لم تفهم منها سوى جمله علقت بببالها فلم تستطع فهم مفادها مافيش حاجه حصلت امبارح ..بس لو مشينا على الخطه احتمال اللى احنا عاوزينه يحصل انهارده 
عندما توقفت لتسمع كلماته ظنت انه سيحدث تلك البغيضه ..حبيبته المجهوله ..لكنها لم تفهم من ذلك الحديث شئ ايكلمها ام احد اخر وماذا سيحدث الليله 
وقفت تقضم اصابعها بتوتر وعينيها زائغه .. يخطر ببالها فكره ثم تنفضها سريعا وتحدث نفسها ب..
_ تقريبا كده الهندى بتاع البت سهيله اثر عليكى 
ربت على كتفها بهدؤ لتلتفت له پذعر وخضه .. صاړخه بطفوليه مما جعله يبتسم لمحياها ..وفجأه كأنه اخر نطق بكلماته 
_ اتصلى على حنين واعزميها انهارده على الغدا 
وتخطاها ذاهبا ..وقفت للحظات تستوعب كلماته ..وعندما لم تعى شئ ركضت خلفه متسائله 
_ ليه ..ها ...اعزمها ..ليه ..ها ...قول يالا 
_ يا ساتررر...ايه الزن ده اعزميها عشان انا عازم محمود كمان 
_ اااه ..فهمت ..بس ..ااااا...هوااا
_ فيه ايه تانى 
_ انا مبعرفش اطبخ 
_ هنطلب دليفرى 
_ يا سلام كده لو كل الرجاله زيك بالبساطه دى ..مافيش واحده كانت هتطلق 
_ ليه يعنى 
_ اصلك مش اعترضت على انى مش بعرف اطبخ 
تنهد بقوه 
_ روحى اتصلى عليها واعزميها وجهزى نفسك 
كطفله فرحه ركضت ناحية الغرفه لتطلب حنين ..التى وافقت على المجئ... وبدأت هى فى تجهيز المنزل ..خطړ ببالها فكرة تجهيز الحقائب فخطت ناحيته وبصوت مرتجف 
_ تحب اجهزلك الشنطه 
_ شنطة ايه 
_ شنطة السفر 
_ ليه !!
_ مش احنا هنسافر بكره 
_ ايوه هنسافر نروح فين 
_ ايه ياابنى انت نسيت ..احنا مش المفروض نسافر نعمل شهر عسل وناخد حنين معانا ..زى ما اتفقنا ولا انت لحقت نسيت 
_ اااه ..افتكرت ..خلاص بقى مش مهم ممكن ما نروحش واللى احنا عاوزينه يحصل من غير ما نضطر نسافر 
قالت بغيظ 
_ اهو انتوا كده يا صنف الرجاله ...مالكوش كلمه ..تعشمونا بحاجه وبعدين ترجعوا فيها ..وبتسألوا ايه سبب الطلاق ..هو اللى احنا بنشوفه شويه 
جلس يقلب كفيه على تلك المجنونه التى لا تلبث يكون لها رأى حتى تغيره ... متجاهله ما قالت ..قرر تجاهل افكارها 
_ روحى يا سلمى البسى ..الناس قربت تيجى 
غادرت متأففه ټضرب بقدميها الأرض كطفل أخذ منه