رواية روعة الفصول من ثلاثون للاخير بقلم فاطمة

غيرك فى سمايا 

عامر قولتى مكة متعرفيش اسمها مكة ايه 

ووالدتها اسمها ايه 

عنان وأنت ليه بتسئل يعنى تكونش يا خويا مباحث وبترسم عليه الحب عشان توقعنى

عامر يخربيت دماغك أنت اللى عايزة تصلح مش أنا  

مباحث ايه بس 

وجاوبينى وأنا هقولك بس قوليلى الاول  

عنان طيب براحة عليه 

مكة إسمها مكة محمود وأمها الله يرحمها حكمت  

فقام عامر من مجلسه قائلا ببشاشة وجه  

معقول مكة صاحبتك تبقى مكة 

الحلقة الواحدة والثلاثون 

بسم الله ونصلى ونسلم على رسول الله  

ثق بأن الله ألطف من أن يحزن قلبك ثم ينساه

وأكرم من أن يعطيك حزنا طويلا لا يعقبه فرح

الله أعظم من أن يزرع فيك أملا ثم يميته

الله أكبر من همك

سيعوضك الله

سيقتلعك من دوامة خسائرك التي لا تنتهي

وسيكون عليك حنونا 

بشكل لم تعهده من أحد

عنان  

مكة إسمها مكة محمود وأمها الله يرحمها حكمت  

فقام عامر من مجلسه قائلا ببشاشة وجه  

معقول مكة صاحبتك تبقى مكة بنت عمى اللى بندور عليها من سنين  

إتسعت عين عنان وفتحت فمها ببلاهة قائلة بنت مين يا عمنا هو مخك فوت تانى 

عامر لا بنت عمى بس هى متعرفناش عشان كانت لسه طفلة صغيرة لما أمها خدتها ومشيت زمان واتجوزت عباس وبعدين سافرنا أنا وبابا فرنسا وحولنا نخلى حد يدور عليهم عشان نتوصل لمكانهم ونطمن عليهم معرفش يوصل لحاجة للأسف  

عنان بذهول مكة صاحبتى دى الغلبانة اللى مكنتش يا عين قلبى بتلاقى اللقمة وشافت الغلب والعڈاب كله فى حياتها تطلع فى الأخر بنت عمك أنت معقول 

تبدلت ملامح عامر من الفرح للحزن عندما وصفت له عنان حال ابنة عمه ولكن ما باليد حيلة فالظروف هى التى حالت بينهم وبينها  

عامر ايوه بنت عمى دى حكاية طويلة يا عنان  

وياريت تقوليلى فين مكانها 

عشان نوصلها ضرورى دى ليها دين فى رقبتنا كبير اوى  

وبابا هيفرح اوى ويرتاح باله اخيرا  

عنان والله الراجل الكوبارة ده يطلع عم مكة يا محاسن الصدف  

والله البت مكة دى تستاهل كل خير عشان صبرت كتير اوى وأخيرا ربنا هيعوضها  

يا حلاوة الجبر يا ولاد يا ما أنت كريم يارب  

ثم تابعت عنان 

هى دلوقتى موجودة عند الباشا ركان كممرضة لوالدته  

ومعرفش ايه أخبارها لإنى بنتظر منها هى تكلم أو تسئل عشان محرجهاش عندهم  

عامر بس لازم نكلمها عشان نتواصل معاها ونشوفها ونسلمها حقها سواء كانت عايزة فلوس بس أو تدخل شريك معانا فى الشركة  

عنان شركة ايه 

قصدك هتدخل معاكم جمعية وتقبضوها الأول  

فضحك عامر قائلا  لا قصدى شركة إستيراد وتصدير منتجات غذائية فى محطة الرمل  

عنان بفرحة يا حلاوة يا ولاد يعنى أنت زى مبيقولوا كده عليهم بسبس مان  

عامر بضحك  ايوه هو ده  

يخربيت كلماتك أنت لازم تتعلمى شوية عشان لو أتكلمتى كده قدام بابا هتشليه 

عبست عنان وأشاحت بوجهها قائلة بحزن  بلاش الجوازة دى يا باشا بدال مكسوف منى قدام الراجل الكوبارة أبوك  

الاحسن تشوف وحدة من مستواك لكن أنا وحدة على قدى ومبعرفش فى الكلام اللى مذوق ده  

شعر عامر بالندم لتفوه بتلك الكلمات بدون قصد فأردف قائلا مستوى إيه بس يا عنان 

كلنا ولاد تسعة زى مبيقولوا وأنا أصلا حبيتك بسبب كلامك وعفويتك وطيبة قلبك  

لكن يا حبيبتى أنا عشان بحبك عايزك تكونى أحسن وحدة فى الدنيا عشان كده هعدلك بس شوية كلمات عندك تنطقيهم صح  

نظرت له عنان بهيام قائلة  أنت قولت ايه يا عسل 

عامر قولت هعلمك بعض الكلمات  

عنان لا سيبك من الكلام اللى ملهوش لازمة ده أنا قصدى الكلمة اللى قبلها إنك يعنى 

فابتسم عامر وعلم ما تقصد فأعادها على مسامعها بحبك  

فأمسكت عنان برأسها قائلة بصوت خاڤت لا أنا حاسه دماغى هيست خالص وقلبى هيقع منى أطلبلى الإسعاف يا سكر  

عامر بضحك كل ده من كلمة وحدة امال يعنى لما 

عنان لا مفيش لما أنت اللى لم نفسك يا خويا  

فضحك عامر  أنت مش كنت مسخسخة دلوقتى  

عنان اه بس فوقتلك تانى أهو عشان تظبط نفسك  

عامر  طيب ممكن تكلمى مكة وتقوللها تقابلنى ضرورى فى اى مكان أو إحنا اللى نروحلها وهكلم بابا يحصلنا  

عنان  ماشى يا خويا وماله مش عيب هكلمهالك  

فاتصلت عنان ب مكة  

فاستجابت مكة على مضض وحزن فهى فى حالة لا تسمح لها بالحديث ولكنها لم تشىء تحزن صديقتها بعدم الإستجابة  

مكة  السلام عليكم  

عنان وعليكو يا مكتى يا قلب أختك  

مكة عاملة ايه 

عنان  بخير يا قلبى وأنت عاملة ايه 

تنهدت مكة پألم كل أمر ربنا حلو الحمد لله على كل حال  

عنان بقلق  مالك يا بت صوتك مش عجبنى 

مكة ظروف بس وهتعدى زى غيرها بإذن الله  

عنان بمرح  وإيه قولك فى حاجة هتعدل أمورك كلها يا مكتى