رواية كاملة قمة الروعة الفصول من الرابع عشر للسابع عشر

أذنتش وهي ما بتنمش قبل ما تصلي العشا 
يعني هي متعمدة ما تردش عليا ماشي يا رؤي ليلتك سودا
قام من مكانه واتجه إلى غرفتها وفتح الباب فوجدها علي حالتها تلك تضم ركبتيها لصدرها يرتجف جسدها بشدة حبيبات العرق تغزو جبينها اتجه ناحيتها 
جاسر رؤي انتي هتعملي نفسك نايمة قومي 
سمع بعض الكلمات تصدر منها بطريقة عشوائية بابا طمطم سمسم بابا جاسر ماما رؤي تعبانة
عقد حاجبيه باستفهام مما يحدث وضع راحة يده فوق جبينها لتتسع عينيه بفزع 
جاسر نهاااار ابيض هي سخنة ليه كدة كمان لسه بالهدوم المبلولة ما غيرتيهاش اكيد اتعدت مني 
ذهب سريعا ناحية غرفته واخرج حقيبته الطبية وعاد اليها فرد جسدها لتنام مستقيمة امامه ولكن تبقي مشكلة ملابسها المبتلة 
اخرج لها بعض الملابس من دولابها
وعاد اليها رؤي رؤي رؤي سمعاني 
فتحت عينيها بصعوبة وهزت راسها ايجابا
جاسر قومي غيري هدومك 
هزت رأسها إيجابا حاولت القيام اكثر من مرة لكن دون فائدة فكانت تشعر بخدر والم شديد في جسدها كله 
رؤي بصوت منخفض متعب مش قادرة اقوم
امسك بيدها وجذبها برفق حتي انتصفت في جلستها وهي شبه واعية 
جاسر يلا يا رؤي 
رؤي بصوت منخفض متعب ساعديني يا ماما 
ابتسم فهي تظن ان والدتها هي التي امامها ولو تعلم انه هو لصړخت في وجهه علي الفور 
بدأ يساعدها في تبديل ملابسها وهو يحاول تجنب النظر الي جسدها قدر الإمكان حتي لا تتلاعب تلك الافكار الدنيئة في رأسه حتي انتهي 
فمدد جسدها برفق علي الفراش واخرج سماعته الطبية وبدأ يفحصها وهي غير واعية بما يحدث 
جاسر زي ما توقعت اتعديتي مني وجالك التهاب في اللوز وحمي بس بسيطة الحمد لله انا بقول لمين دي نايمة اساسا 
ذهب ناحية الصيدلية في غرفته واخرج منها سرنجة ومحلول لابرة خافضة للحرارة ومحلول وريدي وعاد اليها ملئ السنرجة بالكمية المطلوبة من المحلول وحقنها في عرق يدها ثم ركب لها المحلول الوريدي وظل بجانبها طوال الليل يضع الكمادات علي رأسها 
حتي نام وهو جالس علي الكرسي بجانبها
في صباح اليوم التالي 
بدأت تفتح عينيها بصعوبة وهي تشعر پألم شديد ينخر في جسدها كله
اخيرا استاطعت فتح عينيها وضعت راحة يدها امام عينيها لتحجب عنها اشاعة الشمس ولكنها تفاجأت بوجود المحلول الوريدي في يدها 
رؤي پألم اااه هو ايه الي حصل مين اللي ركبلي المحلول دا 
نظرت حولها باستغراب وفجاءة ثبتت عينيها ورفضت التحرك ظلت تغلق وتفتح في عينيها لتتاكد انها لا تحلم ولكنه لم يكن حلم جاسر بنفسه نائم على الكرسي المجاور لسريرها بجانبه اناء به ماء وكمادات 
اعتدلت في جلستها بصعوبة فرأت ما ترتدي 
فما كان منها الا انها صړخت بصوت عالي 
انتفض جاسر من علي الكرسي مذعورا 
جاسر ايه في ايه پتصرخي ليه 
رؤي باكية ابعد عني انا بكرهك بكرهك 
جاسر انتي اټجننتي يا رؤي ولا حرارتك عليت تاني ثم وضع راحة يده علي جبينها طب ما انتي حرارتك كويسة اهو ايه بقي الي حصل
رؤي غاضبة انت ازاي تغيرلي هدومي 
جاسر ساخرا وفيها ايه يعني انا جوزك 
رؤي غاضبة انا بكره الكلمة دي بكرها بطل تقولي انا جوزك 
جاسر ساخرا كرهك ليها مش هيمنع كوني جوزك انا جوزك برضاكي او ڠصب عنك انا ليا الحق اعمل كل الي انا عايزة فيكي 
رؤي غاضبة انت ايه يا اخي ش......
جاسر مقاطعا بسخرية قبل ما تكمليها شيطان عارف دا بدل ما تشكريني دا انتي كنتي بتفرفري من السخونية طول الليل 
رؤي ما سبتنيش ليه اموت وارتاح 
انقبض قلبه بشدة من فكرة مۏتها هز رأسه نفيا ليبعد تلك الفكرة عن رأسه ثم رسم ابتسامة ساخرة علي شفتيه ما ينفعش ټموتي دلوقتي يا شيخة رؤي انا لسه ما خدتش منك الي انا عايزة 
نظرت له بكره وتشنجت قسمات وجهها پغضب 
رؤي مين الي كشف عليا اوعي يكون دكتور مش دكتورة 
جاسر ساخرا هتفرق 
رؤي آه معايا انا هتفرق 
جاسر دكتور 
رؤي غاضبة لتاني مرة بتسمح لراجل غريب انه يشوف جسم مراتك بس المرة دي انا غايبة عن الوعي فمعرفتش امنعه ياااارب انت عارف انه ڠصب عني يارب وانتي كنت تعبانة ومش في وعيي يارب سامحني
جاسر والله انتي مچنونة يعني واحدة عندها حمي وپتموت وفارق معاها مين اللي كشف عليها علي العموم انا الي كشفت عليكي
اتسعت عينيها في دهشة انت! انت ازاي يعني
هو انت دكتور 
جاسر ساخرا لا خريج هندسة حلوان زي ما قولتلك لو ما كنتش دكتور يا ذكية كنت عملتلك الإشاعة في المستشفى ازاي
رؤي بهدوء يعني انت دكتور مهمتك ووظيفتك الي اتخلقت عشانها انك تساعد الناس وتخفف عنهم ألمهم صح بس الي انا شيفاه انك بتفنن في تعذيبهم عشان ترضي رغباتك المړيضة
كلامها كالسوط ينزل علي جسده فيجلده بلا رحمة اغمض عينيه محاولة منه السيطرة علي غضبه وقبض علي كف يده بشده