رواية رائعة 10 الفصول من الحادي عشر للرابع عشر

تلك الضحېة فقال بلهجة حانية أنا آسف فعلا عن اللي قولته ومعترف إني أخطأت بس أكيد حبك ليزيد ويزن هيشفعوا ليا وتسامحيني على اللبخ اللي قولتله
مسحت عينيها وجهها من أثر الدموع وقالت بحزن حصل خير يادكتور
قال بشرود لنفسه صدقيني مش خير أبدا ياغصون مستحيل يكون خيرطالما المرحلة وصلت معايا إني أذى اللي حواليا فأنا فعلا محتاج علاج 
ثم نظر إليها ونهض واقفا ثم قال طب ياللا قومي ادخلي جوه مينفعش قعدتك دي
رفعت بصرها إليه وقالت معلش يادكتور أنا مبقاش ليا شغل هنا المطلوب بس من حضرتك إنك تجيبلي شنطتي عشان نسيتها جوه
نظر لها بحزن على ماقالته فرفضها العمل معناه خړاب حياته مرة أخرى وعودة ولديه لحياة التشتت التي عاشاها لأشهر لذا تنازل عن كبريائه وقال بصوت حاني عايزة تتخلى عن الولاد ياغصون مبقاش ينفع يعيشوا من غيرك 
أخفضت بصرها مرة أخرى وانهالت دموعها في الهبوط ولكن تلك المرة دون صوت هو لايعلم أنها تحتاج للولدين أكثر مما يحتاجها هما.. هما أعطا لحياتها طعم ومعنى ولايمكنها الإبتعاد عنهما فعلت شهقاتها قلة حيلة.
رأي هيئتها ذلك ياسر فشعر بالعجز عن التخفيف عنها فابتلع ريقه وقال بصوت خاقت قومي ادخلي للولاد وخلي بالك منهم ... ثم تركها واتجه إلى سيارته واستقلها هاربا من المكان بكل تلك المشاعر المتضاربة التي تعصف به.
التفتت عندما سمعت صوت السيارة وعلمت أن رحيله يجبرها على الاستسلام للدخول ومواصلة العمل والاهتمام بالولدين.
تجلس ياسمين متذمرة وتتنهد بيأس وهي تنظر إلى مجموعة من البطاقات الورقية التي أمامها بقلة حيلة ولكن فاجأها دخول مراد عائدا من عمله ينظر لها متسائلا مالك قاعدة زعلانة ليه
أجابته مبقتش قادرة على كده آسر كركب الدنيا فوق دماغنا القادر خطوبة وجواز في شهر لما الكل مبقاش فاضي حتى يتنفس ومبقاش الا يومين وفيه حاجات كتير في التجهيزات ناقصة
جلس مراد بجوارها ومسح على كتفها داعما لها ثم قال شوفي ناقص إيه وأنا معاكي وكمان مش قولتوا الموضوع هيكون ع الضيق يعني التجهيزات بسيطة
ردت عليه بحماس قائلة ليه هو انا معرفتكش اللي حصل
هز مراد رأسه نافيا وقال لا معرفش هو حصل جديد
أجابته قائلة ماما رفضت طبعا وقالت أنه لازم يعمل فرح كبير لو هيستني فترة اما ظروفه تتحسن وكفاية أنها وافقت على العروسة عشان خاطره رغم أنها غير مناسبة وآسر رفض وصمم على رأيه وعشان الموضوع يتحل ياسر حجز له قاعة مناسبة وعمل كروت دعوة عشان ماما تتراضي وآسر استسلم للي بيحصل
رد عليها مراد أنا فعلا كنت عارف إن ماما هترفض بس قولت يمكن حد فيكم أقنعها 
قالت ياسمين بإستياء طب واليومين دول أنا هقدر أخلص فيهم كل حاجة 
وقبل رأسها قائلا اعتبريني في إجازة وانا معاكي كل حاجة هتتحل 
ابتسمت ثم جذبت يده تقبل باطن كفه قائلة حبيبي يامراد ربنا مايحرمني منك أبدآ 
قاطع لحظتهم الدافئة رنين هاتفها فاعتدلت تجذبه ثم نظرت إليه وأجابت أيوة ياياسر 
أجابها ياسر علي الطرف الآخر أيوة ياياسمين معلش كنت عايز منك طلب 
ردت عليه بحماس أطلب ياحبيبي
أجابها أنا كنت ناوي آخد الأولاد النهاردة واشتري لهم لبس لفرح آسر بس جاني عمليات مستعجلة ومش هعرف اروح ممكن ترني على غصون وتاخدوا الأولاد تشتروا اللبس 
نظرت لمراد بقلة حيلة لتراكم المسئوليات عليها ثم ردت علي ياسر قائلة اوك ياحبيبي انا هجبلهم اللبس
رد عليها بإمتنان شكرا ياياسمين وكمان شوفي فستان كويس لغصون وبأي سعر ولايهمك 
ردت عليه ياسمين أنا كنت ناوية أجيب فستان غصون.. متشلش انت هم 
رد عليها معارضا لا ياياسمين شوفيلها فستان مناسب تختاره هي بقالها شهر مع الولاد وتعبت معاهم ومن حقها تتكافىء
ردت عليه بإستسلام خلاص تمام بس على فكرة هي رفضت تاخد المرتب اللي أنت طلبت مني أعطيهولها وبعد معاناة اخدت نصه بس وقالت إنها متستحقش غير كده
تنهد ثم قال خلاص مش مشكله انا هتصرف سلام دلوقتي عشان عندي عملية 
ردت ياسمين سلام ياحبيبي
وقف يعدل هندامه بسعادة أمام المرآة مستعدا للنزول لعمله ولكن فاجأته أمه من خلفه تحمل هاتفها على مكالمة مرئية من أخته وابنتها.
قالت أمه بسعادة اهو ياتغريدربنا يحميه ياقلب أمه قمر 
ردت تغريد بمزاح إيه ياواد ياتميم الحلاوة اللي أنت فيها دي 
الټفت تميم للهاتف يرسل لهما قبلات في الهواء قائلا وسعي كده يابت انتي عشان كل البوسات دي لتمارا قلب خالو
ردت تمارا بصوتها الطفولي أي لاف يو خالو
ابتسم لها تميم وقال لاف يو تو حبيبة خالو
تدخل تغريد متسائلة بفكاهة سيبك ياواد من تمارا دلوقتي وقولي متشيك كده ورايح فين
رد عليها وهو يلتقط زجاجة العطر ويرش منها عن بعد رايح فرح هصوره وادعيلي كده عشان أخوكي بدأ يتشهر وبكره يبقى أعظم فوتوجرافر في مصر.
تدخلت الأم قائلة عقبال فرح ياتميم يابني وافرح بيك ربنا يوسع رزقك ويحبب فيك