رواية ساسو الفصول من الاول للثامن

جديد انشغلت سيلا في تجهيزات الفرح مع دعاء. ولم تذهب لشركه خلال تلك الايام فوجود اياد ساعدها كثيرا في الشركه
يوم الفرح 
في قاعه مزينه بالورد الابيض والاضواء المضيئه في كل مكان. والاغاني مشتعله في المكان والجميع سعداء
لوت شفتيها بسخريه وابتعدت عنه  
جوزي هو فين اصلا جوزي دا
اشار امجد برأسه علي مكانه قاعد هناك اهو وعينه هتاكلنا
ضحكت بسخريه لا وانت الصادق هتاكل اللي واقفه وراك انا مش فارقه معاه اصلا
صاروخ ايه كتلة الجمال دا فاتنه
ضړبته في صدره پغضب امجد لم نفسك واحترم اني واقفه معاك
رفع حاجبه بخبث بنفذ كلامك ياجميل مش انتي اللي قولتي اقرب واتغزل ولا نسيتي مكالمتك ليا
جزت علي اسنانها بغيظ برضه متتغزلش فيها قدامي البت دي بكرها كل اللي يشوفها يعجب بيها
امجد بخبث سيبك منها وقوليلي مين اللي حاطط ايده عليها كدا وبيقول للكل انها ملكه
لوت شفتيها بغيظ دا اياد بيه ابن خالها واخوها في الرضاعه
امجد هو دا بقا اياد اللي قولتيلي عنه
ربعت ولاء يدها پغضب طفولي  
اممم وسيادتك كنت فين من تلات ايام
ابتسم امجد علي حركتها وقال  
كنت في المانيا ولسه جاي الصبح انتي عارفه لازم اظبط كل حاجه المشروع اللي داخله مع جوزك واهله هيرفعني رفعه جامده اوووي
ولاء بهدوء طب انجز انا مصدقت دخلت العليه دي وقولتلك عايز توصل لاملاك الصياد عليك وعلي سيلا هي المفتاح بس خلي بالك انت من الاسد اللي حارسها دا
امجد بغرور مفيش حاجه تقف في وش امجد الصايغ
ابتسمت ولاء بنتصار ليبادلها نفس الاپتسامه
                       ساسوو
كان جالس مع والده وخاله يتحدثون في امور الشغل لكنه كان بعيد كل البعد عنهم فكل تركيزه مع تلك الواقفه تضحك مع ذالك وتبتسم لذاك يلعن نفسه مئة مره بانه تركها في وقت كانت في اشد الحاجه اليه بعد ان ظل ينتظرها لتعود تزوج من تلك الفتاه التي كانت السبب في دخول الشك قلبه 
      
           فلاش بااك
كان جالسا في غرفة مكتبه في الشركه مندمج في عمله قطعه رنين هاتفه نفخ بضيق دلك رقبته ورفع الهاتف وشاف المتصل رفع حاجبه بااستغراب ماان رائ المتصل ولاء ضغط علي زر الرد 
اهلا انسه ولاء ازيك
سمع صوتها الرقيق الناعم الحمد لله ياباشمهندس ادهم
ابتسم ادهم بتكلف ومجامله خير ياانسه ولاء في حاجه
ولاء ابدا يابشمهندس حبيت ابارك لك علي حمل سيلا
اتسعت عينيه پصدمه سيلا حامل معقوله
ولاء بأسف مصطنع اووه انا اسفه شكلي حړقت مفجأتها ليك
ابتسم ادهم بسعاده غير مبالي لها  
سيلا حامل مش معقوله دا احلي خبر
اتضايقت من فرحته لكنها دارت ضظقها واتكلمت بخبث مغري 
بس غريبه هي حامل بقالها شهر ومقالتلكش. ليه مستنيه علي العموم متعرفش سيلا ان قولتك لتزعل مني
هز ادهم رأسه دون الرد عليها فعقله وقف عند جملتها الاخيره حامل بقالها شهر 
ظل طوال اليوم ينتظر منها ان تبلغه بحملها ولكن لم تبلغه لكنه قرر الافصاح بنفسه فكان جالس  علي الفراش وهي تضع رأسها علي صدره ظل يداعب في شعرها بصمت لكنه قطع ذالك الصمت
سيلا مش ناويه تقوليلي. علي حاجه
سيلا بتوتر حاجة ايه ياادهم مش فاهمه
داعب ادهم شعرها سيلا انا عرفت قولي بقا
رفعت رأسها وبصتله بتوتر عرفت ايه مش فاهمه
استغرب. ادهم توترها فاتكلم بضيق 
في ايه ياسيلا متوتره ليه ومخبيه ليه مخبيه خبر حملك ليه وبقالك شهر
اتسعت عينيها بدهشه تكلم نفسها عرف منين بصتله بدهشه عرفت منين ياادهم
تذكر طلب ولاء بعدم اخبارها باسمها عرفت. زي مااعرفت قولي بقا كنت مخبيه ليه بقا ها لمدة شهر
هزت راسها برفض انا حامل في الشهر الاول لكن عرفت من يومين بس
ادهم بهدوء طب كنتي مخبيه عليا ليه
اخفضت رأسها بخجل كنت عايزه اعملها مفجأه يوم عيد ميلادك
رفع رأسها ببطء واتكلم بحب كانت هتبقي احلي هديه
التقت عنيهم في نظره طويله صافيه ليغيب معها في رحله خاصه بهم فقط
ليمر يومين بسلام وحب وسعاده الي ان جاء ذالك اليوم الذي دخلت فيه ولاء غرفة مكتبه في البدايه استغرب قدومها اليه بس معلقش ولاء اتكلمت بهدوء مخيف  
ادهم سوري باشمهندس ادهم قبل ماتكلم لازم تعرف ان بحب سيلا زيك بالظبط واخاڤ عليها زيك واكتر كمان دي رفيقة عمري
ادهم بقلق وتوتر ولاء في ايه هتقلقيني ليه ادخلي في الموضوع علي طول
ولا بتردد انت عرفت ليه كانت مخبيه عليك موضوع حملها
تنفس براحه وهز رأسه بتأكيد ايوه كانت عايزه تعملهالي مفجأه يوم عيد ميلادي اللي كان انبارح
ابتسمت بسخريه هي قالتك كدا وانت صدقتها
ادهم بصرامه انسه ولاء ياريت متدخليش
في امورنا الشخصيه
ولاء بضيق حتي بعد ماتعرف انها كانت مخبيه لانها كانت عايزه تتخلص منه بدون مانت تعرف
وقف ادهم پغضب لا دا انتي اټجننتي خالص
وقفت ولاء قصاده بهدوء انا عارفه انك مش هتصدقني انت طبعا عارف ان سيلا طموحها واهدفها وحياتها العمليه يهموها جدا وخصوصا لو في حاجه هتقف في طريقها هتشيلها وانت كنت مواعدها انها تسافر مؤتمر الشركه الفرنسيه تحضره والحمل دا جه عقبه في طريقها
ادهم اتكلم بعضب وعدم تصديق 
عارف كل دا بس اللي متعرفهوش انتي بقا ان انا اللي مربيها وعارف مراتي بتفكر في ايه
ابتسمت بسخريه يبقي شكلك متعرفهاش انا مستعديه اثبتلك دا انا دلوقتي راحه عندها وهتصدق كلامي ولو طلعت كذابه ساعتها اعمل مابدالك انا هتصل عليك اول مااوصل واسمعنا 
وفعلا راحة عند سيلا ورنت عليه وفتح وسمع المكالمه
سيلا بتوتر لا طبعا طالما هيقف في طريقي يبقي اتخلص منه
ولاء طب وادهم هتعملي ايه معاه
سيلا ادهم بكرا مسافر اسكندريه لما يجي هيعرف خلاص
قفل المكالمه وهو مش مصدق ان سيلا ممكن تعمل كدا
            باااك
فاق من ذكراياته علي يد جدته تربت علي كتفه بحنان بصلها رأت مدي الحزن والالم في عينيه جلست بجانبه وربتت علي يده  
استحمل انت اللي اخترت يبقي استحمل يابني
هز رأسه دون رد وبص لسيلا بحزن وبيكلم نفسه 
لحد دلوقتي قلبي مش مصدق ولامقتنع
لاحظت سناء نظراته لسيلا تنهدت بحزن عليه فهي تعلم مدى حبه الشديد لسيلا. بصلها وقام 
انا قايم اسلم علي دعاء
راح عند اخته اللي حضنته جامد 
مبروك ياحبيبة قلبي ربنا يتمملك علي خير
دعاء بقرحه حبيبي الله يبارك فيك عقبال مافرح بيك كدا
ضربها پهزار علي راسها عقبالي ايه يامجنونه انا متجوز
دعاء بخبث انا اقصد علي اللي. هنا واشارت علي قلبه 
اتوتر وبص لكريم واتكلم خلي بالك منها دي مليش غيرها
كريم بحب  
دي جوه قلبي قبل عقلي متقلقش
ادهم بحب حضڼ صاحبه ربنا يسعدكم ويفرحكم
                     ساسوو
كانت عينيها تملع بسعاده وهي ترا رفيقة عمرها سعيده مع حبيبها تتأملها وهي ترقص مع كريم تبتسم بخجل وټدفن رأسها في كتفه بخجل لتدهب سيلا بذكرياتها الي يوم زفهافها
             فلااش باااااك 
كانت
انسي كل الناس وخليك. بس معايا انشغلت اغنية اسمي
وبدأ ادهم يرد مع كلمات الاغنيه ويتمايل معها علي انغام الاغنيه وهي سعيده والفرحه تملئ قلبها
                  بااااااك 
مسحت دمعه هاربه من عينيها قبل ان يرها احد لكن كلا رأها اياد اللي كان واقف جمبها رغم