رواية رائعة فوق الوصف الفصول من ستة وثلاثون للتاسع وثلاثون

سيبيت ليلته فى المستشفى بجانب أخته
فتحت الباب برفق لتجده نائم على الأريكة بطريقه غير مريحه أغلقت الباب ووضعت ما تحمله بيدها أرضا واقتربت منه وچثت بجانبه و قبلت جبينه عده مرات حتى فتح عينيه ينظر إليها بعدم استيعاب ثم أبتسم وهو يقول
ده أنا صحيت فى الجنه بقى ومعايا حوريه من حور الجنه
لتبتسم وهى تقول
وحشتنى ... ومحبتش تفضل النهارده لوحدك قولت أكيد هتحتاجنى
ليضع يده على وجنتها يتحسسها بأصبعه ثم قال
أنا على طول محتاجك ربنا ما يحرمنى منك
قالها واعتدل جالسه لتمد يدها تخلع عنه حذائه وهى تقول
أنا جبتلك لبس مريح علشان تقدر تنام بيه
ليمسك يدها يقبلها بحب وهو يقول
ربنا ما يحرمنى منك أبدا يا فدوى
وقفت على قدميها وأحضرت الحقيبه التى معها وأخرجت الملابس وأعطتها له و وضعت خفه المنزلى أمام قدمه وقالت
ولا يحرمنى منك ...... يلا أدخل غير هدومك انا جايبه معايا أكل عمايل إيدى
قبل يدها من جديد وقال
تسلم إيدك
ثم دلف إلى الحمام لتضع هى الطعام على الطاولة الصغيره ونظرت إلى علياء التى فى عالم آخر ورغم ذلك وجدت عدة دمعات تسيل من عينيها وبطول وجنتها ليخفق قلبها شفقه عليها
دلفت حور إلى المنزل خلف سليمان وأغلقت الباب خلفها لتنظر إليه يجلس على أقرب كرسى بتعب وإرهاق واضح جلست بجانبه ووضعت يدها على كتفه وقالت
سليمان أنت تعبان بجد خلينا نروح المستشفى
نظر إليها بطرف عينه الحمراء من شده التعب وقلة النوم وقال
أنا تعبان من قلة النوم بجد نفسى أغمض عنى وأناااااام
وقفت على قدميها ومدت يدها له وقالت
طيب يلا قوم معايا
وضع يده فى يدها لتجذبه وتدلف به إلى الغرفه أخرجت له ملابس بيتيه مريحه ثم قالت
غير هدومك على ما أجبلك حاجه سريعه تاكلها وتنام 
لم يعترض أو يتكلم هو فى الأساس لا يقوى على فعل أى شىء وضع الملابس على الكرسى ثم 
نظر إلى رحيم وقال
طيب خلينى أشوف مدام مسك دلوقتى ومدام علياء الصبح
هز رحيم رأسه بنعم وأخرج هاتفه وأتصل بأمه يسألها عن مسك فعلم أنها رحلت مع جدها
قطب جبينه ونفخ الهواء بضيق ليقول أكرم مستفهما
فى أيه 
نظر إليه رحيم بحيره وعجز وقال
فى بيت جدها ومش عارف دلوقتى هينفع نروح ونشوفها ولا لأ
جدها مش كان عارف حالتها وإللى حصل مؤخرا
هز رحيم رأسه بلا وقال
لسه محدش يعرف أننا اتخطفنا
ليرفع أكرم كتفيه وهو يقول
فى جميع الأحوال الموضوع هيتعرف خلينا نروحلها دلوقتى
وبالفعل فى غضون دقائق كانوا الأثنين يقفان أمام نعمان الذى كان يشعر بالحيره والقلق قص رحيم كل ما حدث معهم وحالة مسك الأن
خيم الصمت على الجميع وظل نعمان ينظر أرضا ثم قال
طيب وأنت جايب دكتور تانى ليها ليه ما أنت موجود
ثم نظر لأكرم وقال
أنا آسف يا ابنى أنت تشرف فى أى وقت بس أنا عايز أفهم
أبتسم أكرم إبتسامه صغيره وقال
ولا يهم حضرتك بس اسمحلى أنا أجاوب
هز الجد نعمان رأسه بنعم ليكمل أكرم قائلا
المدام مسك كان مصدر الأمان ليها بعد حاډثة والدها هو رحيم ..... كان بيمثل ليها شىء كبير جدا .... ولما أكتشفت بالخطىء أنه ممكن يكون أتجوزها علشان يحميها بس وبالأمر من ابن عمته الظابط الله يرحمه حست أنها حمل تقيل عليه وبعدها حصل الخطڤ فبقت بتحس بعدم الأمان معاه ولكل الأسباب دى هو محتاج تدخل خارجى ده غير بقى أنه دلوقتى قلبه هو إللى بيتحكم فيه مش عقله ومش هيعرف يوزن الأمور
هز نعمان رأسه بنعم ثم قال
ماشى يا ابنى ثوانى انديها
وخرج نعمان لينظر أكرم لرحيم ثم قال بهدوء
أنا عارف أن إللى هقوله هيضايقك بس ده لازم