رواية رائعة فوق الوصف الفصول من التاسع عشر للثاني وعشرون

إحدى أروقه المستشفى تبتسم وهى تتحدث فى الهاتف . 
حقيقى يا فارس أنت دمك خفيف جدا ... شخصيه كده و كاريزما .
صمتت لثوانى تستمع إليه ثم قالت 
كل الناس بتقول عليا كده ... أنا فعلا شخصيه أستثنائية .
بتضحك بصوت عالى وهى تقول 
لا مش غرور دى ثقه بالنفس .
أمسكت خصله من شعرها تلفها حول إصبعها وهى تستمع إلى كلماته ثم قالت 
اه ياريت نفس المطعم ... أكلهم حلو فعلا ... وبعدين أنا عايزه المكان ده يكون هو مكان مقابلتنا دايما 
بتضحك بخفه وهى تقول 
لا مفيش سبب معين أنا حبيته وخلاص .
صمتت لعده ثوانى ثم قالت 
خلا هكلمك أول ما أخلص .
أغلقت الهاتف لتجد من يقف أمامها يسألها بهدوء 
لو سمحتى ألاقى د . رحيم فين
لتشير إلى غرفه فى أخر الرواق ليشكرها ويغادر 
ظلت تنظر إلى ظهره حتى دلف إلى غرفة رحيم لتخرج هاتفها وتتصل برقم ما وقالت 
فى واحد جه يسأل عليه ومعاه شنطه كبيره .
صمتت لثوانى ثم قالت 
لا معرفش ... لو عرفت حاجه هكلمك .
وأغلقت الهاتف وهى تتحرك فى إتجاه الغرفه حتى تعلم من ذلك الوسيم .
 
دلفت إلى الغرفه دون أن تطرق على الباب لينظر إليها رحيم پغضب وقال 
خير يا دكتوره مش فى باب المفروض أنك تخبطى عليه قبل ما تدخلى 
لتبتسم ببرود وهى تقول 
أنا قولت أن مفيش فرق بينا ولا أيه 
ليقف رحيم پغضب 
لا يا دكتوره فى فرق ... وفى حدود لازم تلتزمى بيها ... تقدرى تتفضلى تشوفى شغلك 
نظرت إليه پغضب ثم غادرت وهى تغلق الباب بقوه وڠضب 
لينظر عامر إلى رحيم بأستفهام ليجلس رحيم وهو ينفخ بضيق ثم قال 
دى عملى الأسود ... المهم أخبارك أنت أيه واحشنى جدا .
ليبتسم عامر وهو يقول 
أنا فل الفل الحمد لله طمنى عنك أنت وحالة مسك 
شششششش وطى صوتك محدش يعرف انى مباشر حالتها ... ولا حد يعرف عنها حاجه خلينا نروح البيت نقعد أنا وانت ونتكلم براحتنا ... أصلا نجاة مع كامل فى البلد . 
خرجا من غرفه المكتب وغادرا المستشفى دون أن يلاحظوا تلك العيون التى كانت تتابعهم بشړ .

وقف أمامها يشعر بالحيرة ... هو يريد أن ينهى ذلك الخلاف الدائم بينهم ... على أقل الأسباب ... وبدون سبب دائما ينشب بينهم خلاف 
يعلم أنه هو سبب كل ذلك ولكن حور لا تتوقف عن أستفزازه بكل الطرق 
قوة شخصيتها رغم إعجابه بها إلا أنه لا يريد تلك القوه معه هو 
أستقلاليتها وقدرتها على التصرف وأتخاذ القرار يجعله شعر أن وجوده وعدمه بالنسبه لها لا فارق بينهم ... هو يريد أن يكون كل شئ لها ... أن يكون مركز الكون لها ... إن لا تستطيع أن تمر بأى موقف دون الرجوع إليه 
لوت فمها بضيق وهى تقول 
أنت هتفضل ساكت ... طلبت تكلمنى علشان تسمعنى سكاتك
نظر لها بشړ وهو يقول 
هو أنت دايما لازم تستفزينى 
رفعت حاجبها وهى تقول 
أنا ليه عملتلك أيه ... أنا أصلا بتجنبك من أمبارح أنت إللى قولتلى عايز أتكلم معاكى 
وضع يديه حول خصره وهو ينظر ويقول 
وليه بقا تتجنبينى ها ... هو أنتى عمرك ليه ما هتميتى لزعلى منك أو غضبى عليكى 
نظرت إليه بأندهاش وهى تقول 
غضبك عليا ... على أساس أنك ولى نعمتى .. ولا أنا جاريه عندك علشان تغضب عليا فوق يا سليمان أنا مراتك مش عبده عندك ... وأنت راجلى يعنى حمايتى وأمانى ... مش الحاكم بأمره .
وغادرت من أمامه ليظل ينظر إلى ظهرها وهى تغادر پغضب ... وهو يشعر أن هناك ڼار تشتعل بداخله ... فدائما ينتهى بينهم الحوار بخلاف أكبر من الذى يسبقه .