رواية رائعة فوق الوصف الفصول من الخامس عشر للثامن عشر

دافئ ... شعرت معه بالأمان لتعود لحمزه بنظراتها وهى تقول بصوت منخفض التقطه أذن ذلك العاشق الخائڤ لينظر فى أتجاهها بشوق 
الحمد لله كويسه 
سحب حمزه كرسى وجلس وهو يقول 
معلش هتعبك معايا شويه ... ممكن تقوليلى لو سمعتى أو شفتى أى شئ مميز يساعدنا
ظلت صامته لعده ثوانى ثم قالت 
أنا سمعت أربع أصوات .... ومشفتش غير شخص واحد وبعدها غموا عينى .... وسمعت واحد بيقول للتانى يا بوص ... وهو رد عليه وقالوا ... قالوا
كان الترقب والقلق يظهر على وجوه الجميع فأكملت قائله
قالوا الأسدى محدش يدخل فى شغله .. وأنه مش هيسكت ... وأن قضية عمى حسن لسه مخلصتش 
أنتفض حمزه واقفا وهو يقول 
أنا قولتلكم ... أن القذر ده هو إللى ورا الحكاية دى .
تنفس بعمق وهو يقول 
حمد لله على سلامتك مره تانيه ... وأنا ههتم بالموضوع 
وخرج سريعا بعد أن وعد بإنهاء الأمر 
ظل تمام على وقفته ينظر إليها ثم غادر بعد أن قال عدة كلمات مبهمه ومعه جده 
وذهبت خلفه حسناء .
ربت كامل على قدم ورد وهو يقول 
حمدلله على سلامتك يا ورد .. خوفتينا كلنا عليكى .. وأطمنى كلنا جمبك 
وغادر هو وعامر .... ليظل سليمان الذى ظل فى مكانه يحتضنها ... وراشد الذى أغلق الباب خلف من رحلوا 
أقترب نعمان من حفيدته وعلى وجه أبتسامته الناعمه الهادئه وجلس فى مكان حمزه وهو يقول 
مټخافيش يا ورد .. كلنا جمبك يا بنتى ... وأخواتك أهم فى ظهرك ... و أمك كمان 
حاولت الإبتعاد من حصار يد سليمان لها ولكنه تمسك بها أكثر وهو يقول 
خليكى مكانك .... لأن من النهارده ده المكان إللى هيحميكى دايما .
أبتسم نعمان وهو يقول 
شفتى بقى .... أسيبك ترتاحى يا بنتى ... وبكره البيت هينور بيكى وبأخوكى 
وغادر بعد أن قبل جبينها وربت على كتف راشد .
أقترب راشد من السرير وهو يقول
خوفتينا عليكى أوووى يا ورد ... بصى أنا وسليمان مش هنتكلم دلوقتي فى أى حاجه .. أبقى كويسه بس .. وأى كلام يتأجل .
ربت سليمان على كتفها وهو يقول 
فعلا فى كلام كتير .. بس مش هينفع يتقال دلوقتى ... أرتاحى يا حبيبتى 
قالت هى بصوت ضعيف 
ماما فين ... أنا عايزه ماما 
ليقول راشد بهدوء 
ماما كانت قلقانه عليكى جدا .. علشان كده ضغطها على شويه .. بعد ما أطمنت عليكى ... أغمى عليها وهى بترتاح دلوقتى 
شهقت بصوت عالى ليقول سليمان سريعا 
متقلقيش يا حبييتى هى بخير ... بس هى محتاجه فعلا ترتاح وتنام شويه بعد الضغط العصبى الكبير إللى مرت بيه .
لتهز رأسها بنعم ... ثم أغمضت عيونها بأرهاق لټغرق فى نوم عميق .
. 
حاولت حسناء اللحاق والتحدث مع تمام ولكنه لم يعطيها فرصه ... وحين وصل إلى المنزل ناداه جده بهدوء وقال 
تمام ... تعالى عايز أتكلم معاك 
تنهد تمام بتثاقل أنه غير قادر على الحديث الأن مع أى شخص .. ما مر به من خوف وړعب .. ما شعر به من ألم أستنفذ طاقته كامله ... دلف إلى الغرفه خلف جده وظل صامت ينظر أرضا وظل الحج عمران ينظر إلى حفيده وبعينه إبتسامه هادئه 
ضړب بعصاه الأرض لينتبه تمام وينظر إليه ليقول الحج عمران 
مش عايز تقولى حاجه 
قطب تمام حاجبيه وهو يقول 
حاجه زى أيه بس يا جدى 
تفسير مثلا للى حصل النهارده فى المستشفى .
نظر تمام أرضا وهو يقول 
ما هو كلامه مستفز .. مقدرتش أمسك نفسى 
ليضحك عمران وهو يقول
بس كده ... يعنى مفيش حاجه تانيه ... كده أو كده 
ليصمت تمام لعدة ثوانى ثم قال 
حتى لو فى يا جدى أى كلام دلوقتى الناس هتقول أن فى حاجه حصلتلها وأنا بقى عايز أطلع شهم وأستر عليها ... وأنا مش عايز ده يحصل .. هى متستحقش كده أبدا 
كان عمران ينظر إلى حفيده بفخر وسعاده وقال
طيب وناوى على أيه 
وقف تمام على قدميه وهو يقول 
هى تستاهل أنى أروح أطلبها بعزه و فخر وشرف .... هى تستحق أن رأسها تكون مرفوعه .. ومن حقها كمان يكون عندها فرصه القبول أو الرفض .
وغادر بعد أن أستأذن