رواية رائعة فوق الوصف الفصول من الحادي عشر للرابع عشر

عالى قائلا 
ياااااااااارب .... أيه العقاپ ده بس يا ربى كانت حسناء تشعر به وتتفهم عصبيته أقتربت منه وهى تقول 
أرجوك يا راشد أهدى .. ماما نعمات وحور وكمان سليمان معاها و أن شاء الله نطمن عليها 
نظر إليها بعيون حمراء وهو يقول 
أحنى قتلنا ورد من جواها ... ورد بقت مشوه من جوه أووى ... ورد محتجانى أطمنها أضمها لصدرى 
ربتت على كتفه وهى تقول 
أنا هنادى الدكتور أنت لازم ترتاح .
وخرجت سريعا قبل أن يعترض ليدلف إليه الطبيب ويعطيه حقنه مهدئه 
جلست تنظر إليه ثم أخرجت هاتفها لابد أن تخبره .
. 
كان يقف خارج الغرفه يشعر بالضياع تذكر حين حضر إلى المستشفى ليطمئن على أخيه حين دلف إلى المستشفى وجد أمه وحور وحسناء جالسات فى كافتيريا المستشفى فخمن أن أخيه نائم فصعد إليه وفتح الباب بهدوء ليصدم بكلمات أخته ودموعها وكيف تراه .... كانت نعمات تنظر إليه بقلق ... هى خائفه على أبنتها ومن الواضح أن هناك شئ حدث بينها وبين سليمان أقتربت منه لينظر إليها نظره مبهمه خاويه لتقول هى 
إيه إللى حصل يا سليمان 
ظل صامت لثوانى ثم قال 
أنت كمان شيفانى هو .
لتشهق نعمات وهى تضع يدها على فمها پصدمه 
ليقول بصوت راجى 
قولى أنت كمان شيفانى منصور 
ثم نظر إلى حور وهو يقول 
أنت كمان شيفانى هو صح 
هزت حور رأسها بلا ليكمل هو 
ورد شيفانى منصور بس على مودرن ..
وضحك بأستخفاف وهو يقول 
بقميص وبنطلون يعنى ... معقول أنا كنت أعمى للدرجه دى ... معقول أختى بتفكر فيا كده .. بس 
وتحرك خطوتان ليقف فى منتصف الممر ويفرد ذراعيه بجانبه وهو يقول 
بس أنا مستغرب ليه .. أمتى عرفت ورد .. أمتى كلمتها .. أمتى أهتميت بيها .. كنت بشوف خۏفها منى .. كنت بشوفها بتبعد عن أى مكان أنا فيه پخوف وړعب .... كنت بشوف أبويا وهو كل يوم بيكسرها ومتحركتش .. طبيعى تشفنى هو ... طبيعى جدا 
ثم أشار إلى حور وهو يكمل 
وأنت .. أنت كمان حظرتينى .. وقولتيلى أنها مدمره من جواها ... بس أنا معملتش أى حاجه علشان هى تقرب منى معملتش 
فى تلك اللحظه خرج الطبيب لتقترب منه نعمات وحور ليقول هو 
حالة أنهيار عصبى .. محتاجه راحه وممنوع أى ضغط عصبى أو زعل .
وغادر لتلتفت كل من نعمات وحور ...فلم يجدا سليمان الذى حين أطمئن على أخته غادر سريعا .
. 
كان جالس بداخل مكتبه بديوان الأرض يتفقد الأوراق ويسجل بعض البيانات حين على صوت رنين هاتفه ... ليجدها أخته أجابها سريعا وكاد أن يشاكسها ولكن صوتها الهامس جعله يقف على قدميه سائلا 
فى أيه يا حسناء .
لتقص عليه ما حدث ليترك كل ما بيده ويركض إلى سيارته حتى يذهب إلى المشفى .
. 
كان يجلس فى حضڼ أمه وعلياء بجانبه لتقول عبله بمشاغبه 
عينى عليك يا تمام .
لتقول وداد بحسره 
تمام يا عين أمه إللى معتكف عن الجواز ده حبيبى ... بس فى الأول وفى الأخر .. لكن حمزه بيغيب عليا بالشهور 
ليقبل حمزه يدها وهو يقول 
حقك عليا يا أمى .. عارف أنى مقصر فى حق الكل بس طبيعه شغلى صعبه والله 
لتربت وداد على ظهر إبنها بحب وهى تقول 
مقدره يا حبيبى والله ... بس بتوحشنى 
لتقول رحمه التى دلفت إلى الغرفه وبيدها صحن كبير من الأرز باللبن 
أنت ورحيم أبنى بتروحوا وتقولوا عدولى أيه مش بنوحشكم .. مش خايفين فى يوم متعرفوش تشفونا خالص 
ليقول حمزه بأبتسامه وهو يقبل يد عمته 
بعيد الشړ عنكم يا عمتى ... ربنا يطول فى عمركم ... بس والله أنا القضايا واخده كل وقتى .. ورحيم دلوقتى مشغول جدا بحاله مهمه وخطيره ..بس أكيد فى أقرب فرصه هينزل 
كانت علياء جالسه معهم بجسدها لكن عقلها بعيد تماما .. تفكر هل حمزه يستحق ما تفعله به ... كيف ټخونه بتلك الطريقه كيف 
عادت من شرودها على فرقعة أصابع حمزه أمام عيونها ليقول بأبتسامه 
معقول بتفكرى فيا وأنا قدامك ... على كده بجد الله يكون فى عونك فى غيابى .
لتبتسم نصف إبتسامه وهى تقول 
أنا بفكر فيك فى كل وقت ... أنت كل إللى ليا يا حمزه .ليضمها إلى صدره وهو يقول 
قريب جدا هنكون فى بيت واحد .
. 
كانت تجلس بغرفتها تنظر إلى تلك الهديه المميزه من ذلك الشخص غريب الأطوار ... أن كامل شخص غريب حقا .. كيف يكون ثلجى المظهر ... كاره للنساء ... تزوجها بالأمر وهى متأكده من ذلك ... أن يحضر لها هديه كهذه ... حالمه و رومانسيه 
أمسكت المفكره والقلم تقلبهم فى كل الأتجاهات بأندهاش قلب أحمر يزين القلم ومفكره ورديه اللون .... أنه حقا مختل
تنهدت بضيق ثم وضعتهم على الطاوله من جديد ووقفت على قدميها تدور فى الغرفه بحيره تريد أن