رواية رائعة فوق الوصف الفصول من السادس للعاشر

هترسملى صوره يا عمران عارف أن عندك كلام قوله على طول
أبتسم عمران وهو يقول 
طول عمرك فاهمنى ... وأكيد كمان عارف أنا عايز أقولك أيه 
نظر له نعمان پألم وحصره 
حسن يا عمران حسن ... الحنين والطيب الهادى ... عمره ما قالى لأ .. عمره ما عمل حاجه تزعلنى ... أتحرم من أمه طول عمره وعمره كان قوليل 
أستغفر الله يا نعمان مينفعش كده 
قالها عمران قاطع سيل كلمات نعمان المؤلمھ 
أستغفر الله العظيم وأتوب إليه .... أنا بس قلبى وجعنى كل ما أتخيل إللى حصل لحسن ومراته وابنه إللى كان فى بطنها أستغفر الله اللهم لا أعتراض ... الحمد لله الذى لا يحمد على مكره سواه 
ربت عمران على قدم نعمان برفق ثم قال 
أيوه كده ... خلى ديما ذكر الله على لسانك وأسأله الصبر ...والرحمه لحسن ومراته وبعدين 
نظر إليه نعمان باهتمام ليكمل عمران قائلا
أنت شفت ولادك وأحفادك ... نزلت شوفت بيتك بقى عامل إزاى .... الكل تحت ماټ يا نعمان مش حسن بس .
ليقف على قدميه بعد أن قال ذلك وربت على كتف صديقه وغادر 
لقد صدمت نعمان تلك الكلمات وظلت تتردد فى عقله
الكل ماټ يا نعمان مش حسن بس  
ظل نعمان باقى اليوم يفكر فى كلمات صديقه وما عليه فعله من أجل باقى عائلته وأيضا مسك 

فى بيت النادى كان الكل مجتمع على طاولة الطعام كالعاده حين تحدث عامر قائلا 
أخبار الحج نعمان أيه يا جدى 
لم يجيبه الحج عمران ولكن أجابه والده قائلا 
هيكون عامل أزاى يا ابنى الله يكون فى عونه ويصبره 
هز عامر رأسه بنعم كان الجميع يقدر ما حدث ويتألم 
أنتفضت نجاة حين قال تمام 
بس الحقيقه كامل راجل حقيقى قدر يسند كل عيلته ويسد جمب والده وعمه فى كل الإجراءات .. ده غير أحتوائه لأمه وأخواته البنات حتى بنت عمه .
ليقول عبد العزيز 
طبعا يا ابنى ...راجل من ظهر راجل من ظهر راجل .
ثم نظر إلى ابنة أخته وقال 
حقيقى يا نجاة أحنى هنطمن عليكى معاه ونحس أن أحنى مقصرناش معاكى 
كانت تنظر إليه بصمت ولكن من داخلها تؤل كلماته معنى أخر أنهم وأخيرا سيتخلصوا منها ويلقوها لكاره النساء يذيقها العڈاب ألوان فخلال الفتره الماضيه عرفت عنه بعض المعلومات التى جعلتها تشعر بالخۏف والرهبه منه ... وتستطيع أن تتوقع شكل حياتها القادمه معه .
كانت حسناء تنظر إلى أخيها الذى يتجاهلها منذ ذلك اليوم رغم مرور ما يقرب من الثلاث أشهر .... 
وقف تمام حتى يذهب إلى عمله وهو ينظر إلى أبيه وقال 
أنا هنزل النهارده يا حج أجيب الحاجات إللى أتفقنا عليها ويمكن أرجع متأخر 
لتقف وداد وهى تقول 
خلى بالك من نفسك يا أبنى ربنا يرجعك لينا بالسلامه .
ليقبل يدها وهو يبتسم ثم قال 
ربنا يخليكى ليا يا أمى حاضر ربنا هيستر أن شاء الله .
و غادر مباشرة لتلحق به حسناء وهى تنادى عليه قائله
آبيه تمام ... يا آبيه .
وقف مكانه دون أن ينظر إليها لقد أشتاق إليها حقا وإلى شقاوتها ومرحها .
وقفت أمامه وهى تنظر أرضا ظل ينظر إلى رأسها المنكس لتفاجئه وهى تنحنى تمسك بيده تقبلها ودموعها ټغرق يده ليسحب يده سريعا زقال 
أهدى يا حسناء أهدى حبيبتى .... أهدى .
أنا أسفه يا آبيه ... والله زعلك عندى غالى اوووى وبعدك عنى مؤلم موتنى أضربنى بس بلاش تعاقبنى ببعدك عنى ... أبوس إيدك يا أبيه سامحنى ... والله ما هعمل حاجه تزعلك منى تانى .... علشان خاطرى أنت أبويا وأخويا أنت صاحبى ... أنت إللى فتحت عينى على الدنيا من عينيه ... أرجوك يا أبيه سامحنى
ربت على كتفها وهو يقول 
خلاص يا حبيبتى أهدى .. أنا سامحتك ومش زعلان منك ... بس توعدينى تحافظى على نفسك وقلبك ... خليكى ديما غاليه وكبيره 
.لتهز رأسها بنعم ليقبل أعلى رأسها ثم غادر ... ركب سيارته وكاد أن يخرج من باب البيت الكبير ليجد راشد يقف أمامه .

غادر منصور المنزل باكرا ... لقد قرر أن ينفذ ما هدد به ... لابد أن يؤلمها ... سيقتلها حيه ...