رواية كاملة 17 الفصول من الاول للتاسع
هااا أخيرا كدا عملنا شغل هايل في 3 أطفال وافقوا ومضوا الإستمارة وطفلين لسه مش قراروا بس أنا واثقة إنهم هيوافقوا
هتفت بتلك الكلمات بسعادة
عاصي: بس أنا عندي اقتراح
أروي: قول
عاصي: احنا بدل مابننزل نسأل مين الأطفال اللي بيرسموا واللي أكيد في منهم كتير عندهم موهبة ومايعرفوش ممكن ننزل بأدوات رسم بدائية ونديهم يجربوا كااختبار كدا واللي عنده موهبة في بدايتها او شغف بالرسم ناخده كدا هنكسب اعداد اكتر
اروي بتصفيق: برافووو والله فكرة ازاي ماجاش في بالي تمام من بكرا نعمل كدا
المهم
عاصي: نعم
اروي: اي رأيك تيجي معايا المرسم تشوفه وتشوف المكان وتتعرف ع الناس اللي هتشتغل معاهم
عاصي:أوكيه
______________
يابابا أنا لو دخلت آلسون هضيع دي صعبة جداا
هتدخلها يعني هتدخلها
ماتسيبوا ياكمال يدخل اي حاجة ماعز خلاص ماټ
كمال بشړ: لسه الواد وأمه وأنا هجيب أجلهم زي عز
رائف بااستغراب: طب عمو عز وقولت عشان خد منك حاجات كتير وانت صغير طنط عيشة وعاصي مالهم
كمال: هتفضل طول عمرك عجبي زي أمك الواد دا مش سهل وبكرا يشتغل عشان يكبر ويبقي حاجة وانا مش هسمحله بكدا
ميرفت پحقد: وعيشة؟
كمال بنظرة استهزاء: ماانتي عارفة انها حبي الأول واللي رفضتني لما قولتلها بحبك ولما عز اتقدملها وافقت ومن ساعتها وهي في دماغي لازم آحسرها وآندمها
ميرفت پصدمة وڠضب: انت لسه بتفكر فيها بعد كل السنين دا؟
كمال: أنا صابر السنين دي كلها عشان لحظة مۏت عز
ميرفت: ومش مكسوف وانت بتقول كدا قدام ولادك يقولوا عليك اي
كمال ببرود: مش انتي اللي سألتي
ليتبادل كلاا من رائف ومني نظرات الصدمة والإحتقار
__________________
بوابة زجاجية تفتحها لتهتف بمرح: نورت ياسي عاصي مرسمنا البسيط
عاصي باابتسامة صغيرة: بسيط اي دا ماشاء الله قد حارتنا كلنا
أروي بضحك:هههههههه طب استناني هطلع الاسكتشات دي واجي افرجك المكان
عاصي متأملا المكان: تمام
لتصعد درجات السلم ويدها محملة
أما هو فأخذ يتأمل المكان كان حقاا باهر
مصنوع من الزجاج من بدايته وحتي نهايته وفي الخارج حديقة ملتفة حول المرسام والذي علي هيئة دائرة هو الآخر
ملئ بالالوان والاوراق واللوح
التي شرد فيها فقد كانت مرسوم بحرافية وفنية عالية
ليخرج من شروده علي صوت...
هيي انت
عاصي مستديرا للصوت خلفه
فتاة في بداية العشرينات بشعر أسود مجعد وبشرة قمحية وقصيرة القامة
عاصي بتساؤل: أنا؟
امم انت شايف غيرك انت مين
عاصي: انا عاصي بشتغل مع أروي هنا وفي جمع الأطفال
اها اها هي قالتلي عنك
لتمد يدها مصافحة باابتسامة: أنا شيزاد شريكة أروي في المرسام
عاصي مصافحا: آهلاا..شي..زاد
شيزاد: غريب شوية...ممكن تقولي زاد كله بيقولي كدا
عاصي: اوكيه
انت مابتسبيش حد في حاله لحقتي تتعرفي علي عاصي
هتفت أروي مازحة بهذه الكلمات وهي تنزل الدرج
شيزاد: قولت لازم أتعرف عليه بالذات وهو وسيم كدا
لتغمز له بمرح
أروي بضحك: الله يكون في عونك ياابني مع البت دي فظييعة
لتكمل: وبما انك اتعرفت علي زاد أعرفك علي باقي الشلة
لتنادي: آسر هنا جني سمير ياجماعة تعالوا كلكوا
اي يااروي؟
أروي: تعالي يا اياد فين باقي الشباب
احنا اهوو اهو اهوو اهوو
اروي: يخربيتك بطل تقل دمك بقا
تعالوا ياشباب دا عاصي شريكي في شغلي في المكتب ومع الولاد
لتكمل موجهة حديثها لعاصي: بصي ياعاصي دي جني ودي أختها توأمها لمي
ودي إياد والطويل دا آسر واللي مابيبطلش آكل دا سمير ودي هنا أصغر واحدة فينا
ليصافحهم جميعاا واحدا تلو الآخري وقد بدأو برمي النكات والمزاح معاا حتي هو شعر بشعاع من السعادة بدأ بالتسرب لروحه
فأيقن أنها بداية جديدة وعليه ملئ سطورها بكلماته...
___________________________
5:00BM
