رواية اياد الفصول من الثالث وثلاثون للاخير

ايوا عايشة يا ولدى .. تغريد جدامك اهى ...
واعتلت الصدمة كل الوجوه ... بما فيهم سلطانة التى لم تفهم شئ ...ولم يجد احدا ما يقال ...
.......................................................................................................................
.
الرابع والثلاثون
_
نظرت سلطانة پصدمة لها .. وصدم أمجد من الحديث .. فتدارك اياد للموقف قائلا ..لا لا يا دادا .. دى سلطانة اختها التؤام ...
عقدت صباح حاجبيها ثم قالت ..وايه إللى جاب اختها التؤام اهنه...
ضيق أمجد عينيه بشك وهو ينظر لها قبل أن يقول..وانتى عرفتى منين أن ليها أخت تؤام ...
ابتسمت صباح بشرود قليلا .. ورجعت بذاكرتها إلى الماضى وقالت بهدوء ...دى حكاية طويلة جوى ...
ابتسم أمجد بانبهار .. نظرت له سلطانة وكانت تلك اول ابتسامة حقيقة تراها على شفتيه منذ أن عرفته ... تحركت شفتى أمجد باسمها دون أن تنطقه فعليا .. تغريد.. .. وقلبه ينتفض داخله ... هاتفا بفرح تغريد حية .. تغريد لم تمت .. كانت أمامه كل تلك الأيام ... طفلته معه ... طفلته حية ..
تغريد يوم ابوك ما جبها هنا البيت كان لسه مولودة ... ابوك اخدها من نعمات يوم ولادتها .. لانه كان بيحبها .. كان بيعشق التراب إللى بتمشى عليه .. ولما اهليهم وقفوا ضدهم ومارضوش يجوزوهم اتفرقوا ... واذا كانت نعمات نسيته واتجوزت وخلفت فأبوك مانسيهاش يا ولدى .. ابوك فضل فاكرها عمره كله .. حتى بعد ما اتجوز بت عمه وخلفك مانسيهاش ... ولما عرف بجوازها وجه يوم ولادتها ... راح المستشفى إللى ولدت فيها ... وفضل قاعد لها لحد ما ولدت وعرف انها جابت تؤام ... رشى الدكتور ... وخلاه يفهمهم انها ولدت بنت واحدة بس ... انما هما كانوا أتنين ... واخدها ابوك ومشى بيها ... ولسلطته ونفوذه وقتها كان سهلة عليه انه يعمل اكده ... بس كان بالنسباله لازم يعمل اكده .. مايتحرمش من حبيبته طول العمر لازم ياخود حاجة من ريحتها ... وماكنتش غير حتة منها ... وهو إللى قالى بعدها انه خلى حد يوديها دار أيتام ... وفى نفس اليوم راح اخدها عشان يتكفل بيها .. ويكون كل شئ قانونى وقتها مع أن كان بعيد كل البعد عن القانون ... وجابها البيت وادهالك يا أمجد ... وډفن السر بينى وبينه ... وانتهى بمۏته وانى ماتجرأتش وطلعته بعديه محدش يعرفه غيركم .. حتى تغريد نفسها ما تعرفش ... 
كانوا الجميع فاغرين الفم .. متشعين العينين بذهول .. وكان أول من نطق منهم هو أمجد وهو يقول ...طيب عرفتى منين انها عايشة .. وازاى اصلا عايشة .. اياد ضربها بالعربية وبعدها قالوا ماټت وانا يومها كلفت ابراهيم عدلى انه يدفنها ....
خفت صوت أمجد جدا وبتر بقية عبارته .. وهو يربط الخيوط ببعضها ... وتتضح أمامه كل الحقائق التى كانت واضحة وضوح الشمس ولم يستطع أن يتقصى منها سوى القليل .. يسر ابراهيم عدلى ... تلك الندبة القديمة بيدها والتى تشبه النقطة السوداء بيده .. تجولها بالبيت وكأنها تعلمه شبرا شبرا .. معرفتها بكل انش به .. صوتها وهو يهمس له باسمه وهو شبه واعيا بالمشفى ... كل ذلك اتحد بعقله دفعة واحدة ... جعلته متبلد كالصنم امامهم ... حتى تابعت صباح قائلة ...
تغريد ما متتش يومها يا ولدى .. تغريد دخلت فى غيبوبة من شدة الضړبة ... واللى جالك خبر مۏتها كان دكتور ماهوش فاهم حاجة وجتها ... كان لسه متخرج جديد وتحت التدريب .. قالك الكلمة وقعت ابوك مكانه مېت بصډمته عليها ... وخلتك انت زى المچنون ... من كتر هووسك بيها وحبك ليها من وهى لسه صغيرة .. خلتك تهرب قبل ما تواجه حقيقة مۏتها .. وسبتها وهى مامتتش ... وبعد ما فاقت حاولنا نوصلولكم باى طريقة ماعرفناش ... انت سافرت برا البلد وانقطعت عن الكل ... واياد هرب من عمك وعياله بعد إللى كانوا هيعملوه فيه بعد ما شكوا انه كان قاصد ېقتل تغريد ... وعمك ډفن ابوك وساب البلد هو كمان ... وفضلت المسكينة وحدها مستنياك كل السنين دى ... وانت مش هنا ... وانى كنت على تواصل معاها على طول ... انى إللى مربياها وهى فضلت عايشة مع ابراهيم.. انت عارف ان بنته ومراته ماتوا فى حاډثة وخدها عاشت معاه تملى الفراغ إللى فى حياته وفضلنا على حالنا السنين دى كلها حتى لما انت قررت تنزل ورجعت مصر تانى احنا ماعرفناش حاجة لأن كل اخبارك انقطعت عننا السنين دى كلها ... 
اختلج قلب أمجد داخله .. وهو لا يفقه ولا يعى اى كلمة مما تفوهت بها تلك العجوز أمامه ... سوى حقيقة واحدة وهى ان طفلته حية ترزق تنتظره ليأتيها ... بل وكانت أمامه منذ ليلة واحدة ... انتفض واقفا فجأة .. وتقدم للخارج ... واياد خلفه يناديه