رواية كاملة روعة جدا الفصول من الرابع للسابع

بضيق معلش يا رامي اكيد ڠصب عنها .
زفر رامي بضيق واردف بصي خليها ملهاش دعوة بيا ولا تكلمني ولا كاننا شايفين بعض من الاساس .
رمقته باندهاش عقب جملته يالهوي دا العقل زينة والله مكلمكش علشان شوية ورق ممكن يتكتب تاني .
ضحك رامي بسخرية ماهو انا اقولك ايه وانتي واحدة جاهلة مش فاهمة دا ورق مشروعي اللي عندي اهم من واحدة زيك .
رمقته پغضب ثم تركت الغرفة دون كلمة واحدة .
رفع رامي حاجبيه ببرود و قال مالها دي اتقمصت مرة واحدة ليه .
هتفت صفاء بعتاب ينفع يا رامي تقولها جاهلة دي كلمة تقولها .
اتسعت عيني رامي باندهاش هو انتي ايه يا ماما يعني كبت الشاي على الورق اللي بقالي شهور بعمل فيه وانتي تقوليلي بتقولها كدا ليه .
جلست صفاء بهدوء اقعد يا رامي عاوزة اتكلم معاك .
جلس رامي امامها وقال خير .
قالت صفاء بحذر من ردة فعله ميمي اختك كلمتني والدكتورة حددت معاد ولادتها كمان شهر ويعني قالتلي طه جوزها هايحجزلي علشان اسافرلها.
عقد رامي حاجبيه واردف تسافريلها ليه .
تنهدت صفاء وقالت علشان يابني اكون معاها وقت الولادة وكمان بعد الولادة وارعى بناتها انت عارف كويس ظروف طه الايام دي والشركة بتنزلهم على غلطة وهو محتاج يركز علشان يثبت نفسه كويس ولو نزلها محتاج فلوس كتير اوي ليها ولبناتها .
قال رامي بضيق طيب وانا يا ماما ومشروعي وحمزة محتاج اللي يراعيه هاتسيبنا ازاي .
ردت صفاء سريعا ماهي شهد اهي ما شاء الله عليها هاتاخد بالها منكو .
هتف رامي بذهول انتي عاوزة تسيبنا مع شهد دي لوحدنا لا يا امي مينفعش وبعدين تاخد ايه دي بقالها يوم واحد وعمالة تعمل في كوارث في البيت .
اردفت صفاء بعتاب اخص عليك يا رامي امال نرميها في الشارع وهي ملهاش مكان وبعدين يابني دي ظروف ڠصب عني اول بس ما ميمي تشم نفسها وتشد حيلها هاتلاقيني جاية بص يا رامي انا هاسافر السعودية لاختك بس هاحملك امانة في رقبتك ليوم الدين وهي شهد امها سمعت كلام جوزها حسني الكلب وطردوها من بيت ابوها هي اه هبلة وتبان شعنونة بس من جواها غلبانة وضعيفة وبعدين يا رامي احنا واجبنا نحافظ على لحمنا ودمنا عاملها زي ميمي اختك .
كان على وشك الرد لولا طرق الباب ودخول شهد وفي يديها حقيبتها نظرت له بضيق ثم حولت بصرها لخالتها واردفت خالتي انا هامشي بقى شكرا على حسن ضيافتكو ليا .
هتف رامي سريعا تمشي تروحي فين .
تجاهلته شهد ووجهت حديثها لصفاء وقالت بلاد الله واسعة يا خالتي هادور على مكان اقعد فيه ومتهنش فيه .
انتفض رامي من جلسته وهتف بحدة بقولك يا شهد بصيلي وانا بكلمك انا مۏتي وسمي اللي يتجاهلني .
نظرت له بتحدي واردفت كان في حد عزيز على قلبي علمني حكمة قالي اللي يهينك يا شهد مترديش عليه الاھانة اتجاهليه ودا اقوى رد له .
اقترب رامي واردف بتحدي مماثل طب كويس انك عارفة اني هنتك .
هتفت شهد سريعا بذهول انت بتردهالي !.
غمز لها رامي بخفة وابتسم روحي ارجعي على اوضتك وبطلي جنان تروحي فين ياعسل بصي من اليوم اللي دبت رجلك فيه في البيت دا مش هاتطلعي الا على بيت جوزك .
ابتسمت صفاء بلطف خلاص بقى يا شوشو وبعدين مين هاياخد باله من رامي و حمزة وانا مسافرة .
هتف شهد سريعا بفضول ليه هو انتي هاتروحي فين يا خالتي .
دفعهم رامي خارج الغرفة وقال لا اتكلمو برا براحتكو انا ورايا شغل كتير ولازم اخلصه.
تقلبت ليلى في الفراش يمينا ويسارا عينيها لم تذق طعم النوم لمدة يومين حتى النوم يجافيها تنهدت بصعوبة نظرت لكريم وجدته مستغرقا في نومه قامت بهدوء من الفراش وخرجت بهدوء من الغرفة نظرت في ارجاء المنزل الضخم ابتسمت بسخريه سألت نفسها هل هذا تعويض عن ما حدث لها ام انها سوف تعيش خسارة ثانية سمعت صوت يتحدث بهدوء تحركت نحو مصدر الصوت اكتشفت انه خارج من غرفة والد كريم السيد جمال طرقت الباب بهدوء ودلفت وجدته ينظر لصورة في يديه والدموع تسيل من عينيه شعرت ليلى بالاحراج لدخولها فهتفت اسفة يا عمو بس سمعت صوتك كنت بحسب محتاج حاجة .
اشار لها ان تاتي دون ان يزيل دموعه تقدمت نحوه ووقفت على مقربة منه اشار لها مرة ثانيه ان تجلس بجانبه شعرت بالتوتر ثم جلست رفعت بصرها نحو تلك الصورة التي في يديه وجدت امراءة غاية الجمال ممكسة بطفل صغير يضحك بسعادة انتبهت على صوته قائلا دي ام كريم ناني ودا كريم وهو صغير .
نظرت له ليلى باستغراب واردفت اسمها ناني كدا علي طول .
ابتسم جمال بحب اه كان اسمها الحقيقي كانت تحب اسمها اوي لدرجة هنا في سلاسل باسمها باشكال دهب وفضة وصتني اشيلهم لبنت كريم ووصتني كريم لما يتجوز ويخلف بنت اخليه يسميها ناني ويديها السلاسل دي ليها .
حركت ليلى اصابعها على وجه ناني والدة كريم واردفت شكلها كانت طيبة .
هز جمال رأسه مؤكدا طيبة اوي طب اقولك كانت اختي كريمة تدايقها بالكلام وكانت تضحك في وشها ولا تزعل ولا تشتكيلي تعرفي ماټت وكريم عمرة ١٠ سنين عاش عمره من غير ام دايما يشوفها في الصور تعرفي وهو صغير كان بيجي ياخد صورها ويقعد في اوضته يتكلم معاها بس لما كبر بطل يعمل كدا معرفش نسيها ولا زهق .
ترقرقت الدموع في عينيها مفيش حد بينسى ابوه وامه بس تلاقيه مشغول بالحياة بس هاتلاقيها جواه محفورة جوا قلبه .
هتف جمال بأسف انا أسف يا بنتي نسيت اعزيكي البقاء لله .
اندفعت ليلى نحو حضڼ جمال وبكت واردفت بصوت متقتطع انا تعبانة اوي ابويا ماټ سندي ماټ .
ربت جمال على رأسها وحدثها اهدي يا بنتي دا قضاء ربنا احنا مش في ايدينا حاجة مسيرنا ھنموت ونشوف كل اللي بنحبهم وبعدين ربنا بيقطع من هنا وبيوصل من هنا ربنا اخد منك ابوكي وعوضك بكريم كريم ابني حنين اوي وبيحبك اوي يا ليلى كان بيجي يحكلي عنك وعن جمالك و ادبك بس دايما كان حزين علشان خطوبتك الاولى بعدها جه وقالي ان خطيبك فسخ خطوبته معاكي.
تلعثمت ليلى وقالت اه ماهو بعد مۏت بابا محدش من اهله جه عزاني ودايما امه بتعاملني وحش اوي وهو مكنش مهتم لمۏت والدي وكدا وبعدين كريم لقيته بيقولي يتجوزني الصراحة استغربته اوي لانه والدي كان لسه مټوفي .
هتف جمال موضحا ماهو حكالي عنك وانا قولتله لو بتحبها اتجوزها متسبهاش لوحدها يا كريم هاتها هنا وهي هاتحبك واحدة واحدة .
اردفت ليلى كاذبة اه ماهو طردوني من الشقة وانا وافقت لان كنت عارفة ان كريم بيحبني .
وضع جمال كفيه على وجنيتها مالك يابنتي وشك بقى كله احمر ليه .
اردفت ليلى بتوتر مش عارفة انا هاقوم اغسل وشي وانام.
ابتسم لها جمال طيب تصبحي على خير .
هتفت ليلى وهي