رواية جديدة جميلة الفصول من السادس للعاشر

على الوضع دا .. من كتر التفكير تروح فى النوم .. حسام منامش طول الليل .. وكأنه اسد محپوس فى قفص .. عاوز ينطلق ويطلع ېقتل نعمه على الڤضيحه اللى عملتها دى بس فى نفس الوقت ميقدرش يعمل اى تصرف اكتر من اللى عمله مهما كان دى خالته .. ميقدرش يتخطى الحدود معاها اكتر من كده .. بتلمع فى دماغه فكره انه يطردها من البيت كله لكن برضو هى حاليا معاها امه ونرمين والاتنين اكيد هيروحوا معاها فمينفعش ياخد خطوه زى دى .. يفضل قاعد بقله حيله لحد ما النهار طلع .. فريده تجهز وتدخله .. حسام سايب باب الاوضه مفتوح من بليل فتدخل على طول وهو من قوه تفكيره محسش بيها .. تقعد جنبه وتحط ايدها على كتفه عشان تواسيه .. يتخض ويبعد 
فريده باحراج انا اسفه على كل اللى ...........................
حسام يشاورلها بمعنى تسكت 
حسام اخرجى وخمس دقايق وجاى
فريده تحرك راسها بمعنى تمام .. تخرج فريده من الاوضه وحسام يقوم ويغير هدومه ويخرج من غير ما يتكلم وهى وراه .. ينزلوا الشارع ونظره الناس اللى كانت بتسلم عليهم وتبتسملهم او بتصبح عليهم اختلفت لناس بتبصلهم بقرف وتتجاهلهم .. نظرات حسام نفسه مستحملهاش وللحظه فكر فى احساس فريده .. هو راجل والكلام والنظرات ۏجعوه اوى كده ياترى فريده هتكون اتوجعت ازاى .. بص لفريده ولمح لمعه دموع فى عينها وكأن فريده بتكابر وبتحاول متعيطش .. حسام يرجع ويلف ايده على كتفها ويضمها ليه وفضل ماشى جنبها والناس استغربت بجاحتهم .. .. يبتسم بغلب ووقف تاكسى ويركبها .. يعدى الوقت .. فريده تفوق من سرحانها على كلام المأذون اللى قلقان من انها تكون مخطوفه خصوصا بعد اثار الضړب اللى على وشها او حس ان العريس غصبها عليه 
المأذون موافقه على الجواز دا يابنتى
فريده تشاورله بمعنى اه والمأذون بالرغم من قلقه الا انه ميقدرش يتكلم كل اللى مكلف بيه هو شغله وبس .. يعدى الوقت .. وتم كتب الكتاب .. حسام يبص لمهاب صاحبه وواحد تانى شغال فى الورشه 
حسام انا اجازه اسبوع لحد ما يتم الفرح .. انتو الاتنين خدوا بالكوا من الشغل .. يبص لمهاب .. كلم المكتب الكبير وفهمه الاوضاع
مهاب يشاورله بمعنى تمام .. ياخد فريده ويروح وعلى الرغم من كل الظروف اللى بيمروا بيها بس فريده من جواها هتطير من الفرح انه اخيرا بقى جوزها وملكها .. ماشيه معاه وهى بصاله وكأنها بتحفر ملامحه جواها .. نظرتها ليه اختلفت المرادى كتير .. هو شاريها وخاېف عليها .. ومستعد يعمل اى حاجه عشانها وفعلا مشاعره ابتدت تظهر .. لمسته ليها وعلى الرغم من ضيقتها الا انها حست بمشاعره وكأنه عاوز يثبتلها بكل فعل وكل حركه انه بيحبها من غير ما ينطقها .. حسام تفكيره مختلف تماما عنها .. بيفكر فى كل احداث اليوم واللى ممكن يعمله عشان يسكت الناس .. يعدى الوقت .. فى مكان تانى بعيد ومجهول .. مكان فى الصحرا جوه كهف كبير .. قاعد على الكرسى وحواليه رجالته 
............. تفيده لو فضلت بالوضع دا هتكشف كل حاجه وكل حاجه عملناها هتنتهى .. يسكت شويه وبعدين يكمل .. تفيده لازم ټموت
دنجل واحد من الرجاله سهل يا باشا .. سم فى الشاى او الاكل او اى مشروب ونخلص منها وهى كده كده مش هتركز
................. لو ماټت فى الفيلا بسهوله هندخل فى سين وجيم .. عشان كده انا عاوزك تبعتلها رساله تانيه .. وتديها عنوان فى مكان مقطوع .. لو جت المكان لوحدها تتقتل وټدفن مكانها .. لو معاها حد متقابلهاش مفهوم
دنجل اللى تؤمر بيه يا كبير .. اعتبرها اټقتلت
................. مش عاوز غباء زى اللى حصل فى حاډثه بنتها .. كنا هنتكشف فيها بسبب غباءك
دنجل ياباشا متقلقش كنت عيل صغير لسه مش واخد على الشغلانه انما دلوقتى خلاص انا عارف هعمل ايه كويس
.................. استنى منى اشاره وبعدين تنفذ
دنجل تمام يا باشا
................ جهز العربيه عشان نمشى
يقوموا كلهم ويقفلوا المكان ويروحوا بيتهم .. عند نعمه قاعده عماله تغلى وټشتم .. وكوثر تعبت منها طول الليل 
كوثر بحزن ياختى خلاص اللى حصل حصل .. استفادتى ايه لما فضحتيهم كده .. حرام عليكى البت غلبانه ومتستاهلش مننا كده
نعمه تتجنن اكتر بقولك ايه متعصبنيش بكلامك دا .. زعلانه عليها ياختى انزليلها .. انما متجيش تنقطينى
نرمين انا خاېفه من حسام يا ماما .. هو اكيد مش هيسكت
نعمه يعمل اللى يعمله .. انا عاوزه اشوف اخره واعرف ناويلى على ايه المحترم
كوثر قاعده بين نارين .. ومش عارفه مين الصح ومين الغلط .. كل اللى تعرفه انها مش راضيه عن رد فعل الاتنين ولا نعمه ولا حسام ومش عارفه تعمل ايه