رواية رومانسي اجتماعي الفصول من الثامن للثاني عشر

انت الوحيد اللي عملت معاه كدة دي بتحتاج زفة علشان تنام 
نظرت له روتيلا وهي تبتسم وتمسح دموعها الخفيفة 
يكمل جمال لما عرفتك كويس عرفت أن الحاج كان بيقول كدة بس علشان يشدني ليكي ولكن هو معرفش إني اتشديت ليكي من غير حاجة 
يصمت قليلا عارفة يا رورو اللي حواليا فاكريني كنت سايب خالد معاكي بهربة من حالة التار اللي هنا بس الحقيقة انا كنت مخلي معاكي حتة مني علشان تحميكي وابقى مطمن عليكي 
مش هاتصدقي لو قلت ليكي أنك أحب عندي من كل عيالي 
روتيلا وهي تبتسم بحب لأخوها عارفة يا أبيه 
جمال بجدية روتيلا إنت بجوازك عارفة إنت فديتي كام عايلة عارفة رحمتي كام أم جوازك حبيبتي رحم قريتين من عڈاب التار حطي ده في عقلك دايما كل ما تقابلك صعوبات في جوازك إعرفي أن يكفيكي ثواب اصلاح ذات البين فاهمة يا حبيبتي 
روتيلا ابتسمت لكلام أخوها وأشارت برأسها علامة إقتناعها وموافقتها على كلامة 
ربت على كتفها بحب ومسح دموعها وضحك فاكرة خالد لما كان عايز يتجوزك لما شافك وإنت صغيرة قال لينا أنا هاتجوز البنت أم عيون خضرا دي فاكرة قعد يعيط إزاي لما قلنا ليه دي عمتك يا حمار 
تضحك روتيلا بشدة هي وجمال وصوتهم علا فتدخل العمة مع محمد وخالد ويشدهم المنظر 
خالد في أيه 
روتيلا وجمال نظرا له ثم اڼفجرا في الضحك مرة أخرى حتى دمعت أعينهم 
وقف جمال بعد فترة ومسك الفستان حلو أوي بس إنت هاتحلية أكتر 
العمة قولها يا جمال مش عايزة تلبسة 
جمال ليه يا حبيبتي 
وقفت روتيلا بجانبه وشاورت علية معنى عاري 
فضحكت العمة شوفي أنا عارفة بنتي حبيبتي علشان الوقت كان ضيق معرفتش أخليهم يقفلوه ليكي بس بصي 
وأخرجت من الدولاب كاب عروس رائع الجمال يمكن أحلى من الفستان 
كده هاتلبسية وهاتغطي شعرك وممكن تنزلية على وشك شوية فتغطي المكياج قولتي إية 
روتيلا تداري دموعها عنهم خلاص موافقة وخلعت عبائة أخوها تعطيها له 
جمال خليها يا حبيبتي معاكي 
روتيلا وهي تعطية العبائه بكلامك أنت دفيت ده وهي تشير لقلبها وأقنعت ده وهي تشير لعقلها
اطلقت العمة زغروتة فرحة بابنتها وخرجوا جميعا ليتركوها لترتدي فستان عرسها
نهاية الفصل الثامن

عن زيد بن ثابت رضي الله عنه أن النبي صلى الله عليه وسلم قال لو أن الله عذب أهل سماواته وأهل أرضه عذبهم وهو غير ظالم لهم ولو رحمهم كانت رحمته خيرا لهم من أعمالهم ولو أنفقت مثل أحد ذهبا في سبيل الله ما قبله الله منك حتى تؤمن بالقدر وتعلم أن ما أصابك لم يكن ليخطئك وأن ما أخطأك لم يكن ليصيبك ولو مت على غير هذا لدخلت الڼار رواه أبو داود.
...الفصل التاسع .........
صل موكب عائلة الچارحي لبيت عائلة الشيخ يتقدمهم بهيبتة وسط رجال العائلتين ليستقبلة الحاج راشد وأولاده 
الصقر السلام عليكم 
الجمع الغفير وعليكم السلام ورحمة الله وبركاتة 
جلس الجميع في صوان كبير أعد خصيصا لحفل الزفاف المزدوج والذي كان مفروش بالكامل بالسجاد الأحمر وامتدت أمامهم موائد كبيرة مليئة بكل أنواع الضيافة و بعد الترحيب والضيافة المعتادة
تنحى الحاج راشد بصقر جانبا 
نظر الحاج راشد في عين الصقر وبنبرة حادة تغلفها العاطفة 
انهاردة هاعطيك أمانة أوعدك إنك في يوم ستجلس عند قبري تقرأ لي الفاتحة وتدعو لي بالجنة لأني اعطيتها لك..... 
أوعدني تصونها 
قرأ الصقر في عين الشيخ الصدق والخۏف على ابنته فنطق بكلمة واحدة خرجت من جوفة لا يدري هل هي جاءت كرد فعل لما شعره من صدق الشيخ أم من حميته كرجل صعيدي شهم أوعدك 
جاء جمال للحاج بعد أن أشار له وتوجه بالكلام لصقر اتفضل معايا
قام صقر مع جمال وتقدم ليدخل إلى منزل الشيخ ليأخذ عروسه
...........روتيلا...........
أدت صلاتها وارتدت الفستان وتزينت 
بعد أن رأتها العمة خاڤت عليها تظهر لجموع السيدات في الخارج ففضلت أن تبقيها في غرفتها وجلست تحصنها 
روتيلا بنبره حزينة ماما منيرة جمانة مشفتهاش خالص معقولة مش عارفة حالتي 
الحاجة منيرة بجدية متشغليش بالك بيها ولا تزعلي نفسك 
إزاي يا ماما إذا مكنتش ازعل على الناس اللي بحبهم ازعل على مين 
يا روتيلا يا حبيبتي سيبك منها أنا عايزة أكلمك في موضوع مهم أنا عارفة إنك تربية ناديا وراشد وعارفة إنك هاتصوني بيتك وجوزك بس خاېفة متقدريش على حياتهم المختلفة عن حياتنا ومتقدريش تقاومي تحررهم..متقدريش يا بنتي تقولي لأ لو شفتي حاجة غلط 
تتحرك روتيلا لتمسك يد منيرة وبهدوء أنا مش فاهمة حضرتك قلقانه من إية أنا عارفة إني بعبد رب واحد سواء هنا أو هناك أو في أي مكان..اطمني يا ماما أنا كمان تربيتك 
منيرة بعيون دامعه تقبل جبين روتيلا صح الله يبارك فيكي يا بنتي صح 
الحاجة منيرة تنتبة للباب أدخل 
دخلت أمل الأخت الكبرى لروتيلا جمال طالبها في الصالون الخارجي بسرعة خليها تخلص وتطلع 
وخرجت كما دخلت دون توجيه كلام لروتيلا 
نظرت روتيلا للأرض بحزن فهي كانت بحاجة لأختها ..وسرحت في أفكارها مع أمل كانت دائما أمل بعيدة جدا عن روتيلا إلا إن الأخيرة حاولت كثيرا التقرب لها 
إنت بتتصلي كثير عليا وكل مرة بقولك متتصليش تاني 
روتيلا أنا نفسي نكون قريبين من بعض 
أمل يا بنتي عمرنا ما هانكون قريبين أنا مش ممكن أقرب من بنت الست اللي خطفت أبويا من أمي 
روتيلا أنا بنت الحاج راشد 
وأنا مليش أخوات بنات 
طيب حتى صلة رحم 
أمل مع السلامة 
هذه كانت محاولة من محاولات كثيرة لم تنقطع من روتيلا لصلة أمل ....ولن تنقطع 
العمة منيرة أنا قلت ليكي معتش أشوفك حزينة كده 
روتيلا تحاول تبتسم خلاص يا ماما 
ولبستها العمة كاب العروس ورفعت الكاب ليغطي شعرها وشدتة للأمام فغطى وجهها ... 
خرجت روتيلا تمشي كأنها أميرة تخطو على السحب فراشة خفيفة رقيقة 
وقفن السيدات من حولها في صمت فرح وقد شعروا بالهالة التي تحيط بها وهي تمشي شدتهم لدرجة جعلتهم بدل إطلاق الزغاريت 
وقفن يسموا عليها ويصلوا على النبي بصوت عالي اقشعرت له الأبدان 
روتيلا أيضا نست كل ما حولها وهي تردد في سرها سور من القرأن ...تقرأ وتقرأ حتى هدأت وانفصلت تماما عن الواقع الذي حولها وتطير فراشتنا نحو الصقر
..........الصقر...........
جلس مع إخواتها في صدر الصالون الكبير وكل تفكيرة الإنتهاء من هذه الخطوة ليعود لروتين حياته التي تعود عليها ... 
فتح الباب ودخل خالد ليتأكد من عدم وجود أحد أخر غير صقر ورجع مرة أخرى للخارج 
انزلت العمة الكاب من على الفراشة ورتبت شعرها الطويل والتاج الرقيق الذي وضعته علية ووقفت سمت عليها ثم تقدموا لتدخل روتيلا الصالون .
شعر صقر كأن هناك ضوء يأتي من أمامة وقف تلقائيا وسرح في المنظر الذي يراه 
فتاة في ثوبها الأبيض تتقدم بخفة وبطئ ناحيتة تنظر إلى باقة من الورد الأبيض بأوراقة الخضراء ... و شعرها الناعم يتطاير من حولها بالرغم من خفة حركتها.... خيل له كأن الضوء ينعكس عن بشرتها وكأن هناك هالة حولها مسته ....لم يستطع صقرنا أن يحيد بعينة عنها خشى إنه لو فعل ستختفي من أمامة 
ولكنها فجأة عندما وصلت إلى منتصف الصالة وتحت الثريا تماما وقفت .
ليجد نفسة يشهق ليجلب الهواء لرئتيه وكأنه نسي كيف