رواية رهيبة جامدة جديدة الفصول من السادس عشر للعشرين

ودي نقرة
حمزةطب ممكن بقى يااستاذه نتغدى سوا بعد الشركه
صوفيا طبعا ممكن بس دلوقتى خلينا فالشغل
على فكرة انا نزلت الاعلان اللي اتفقنا عليه
حمزة تمام
بعد مرور ساعه
يجلس حمزة وحوله الموظفين الذين التحقوا للعمل بالمصنع
حمزةالسلام عليكم ورحمة الله وبركاته
يرد الجميع وعليكم السلام ورحمة الله وبركاته
حمزة نبدأ الاجتماع
بعد مرور عدة أيام 
ليه حرام كده والله حرام
الرجلانا مليش فيه اهوه المدير عندك جوة ادخلي قوليله هو كده
ياسمين انا داخلاله عشان انا وربنا زهقت خلاص جبت اخري ده ايه الظلم ده
تطرق عليه الباب وتدخل
المدير أيوة ياياسمين في ايه عاوزة حاجه
ياسمين في ان الشهر اللي فات اتخصم مني يومين الشهر ده اتخصم عشر ايام ليه كل ده
المدير نعم يعني انتي مش عارفه انك غيبتي يومين واتاخرتي كذا مرة والا إيه
ياسمين وهو انا مش بلغت حضرتك ان امي كانت واخده جرعة الكيماوي وكانت تعبانه جدا وكان لازم افضل جمبها وكمان البيت بعيد والمواصلات بتكون زحمه اعمل ايه انا اعمل ايه قللي
المدير والله دي مشكلتك انتي مش مشكلتنا انا مش فاتحها تيكيه ودي مش عزبة ابوكي تيجي وتتاخري وتغيبي وقت مانتي عاوزة
هو ده نطام الشغل عندنا عاجبك اهلا وسهلا مش عاجبك الباب يفوت جمل
وياللا اتفضلي ورايا شغل
تخرج ياسمين وهي ټلعن حظها الذي اوقعها في ذاك المكان
زميلتها في الخارج اهدي يا ياسمين مش كده كل مشكله وليها حل متزعليش نفسك
بينما هو في الداخل وبعد ان رآها من النافذه وهي تخرج من محل العمل وتمشي برفقة زميلتها
يفتح الهاتف ليتصل به
تمام ياباشا كله تمام
عملت كل اللي حضرتك طلبته مني بالظبط
ايوة مشيت واماني زميلتها حتقوم بالواجب
العفو ياباشا طلباتك أوامر وسيف على رقبتنا
لا ياباشا ده حضرتك مغرقنا من خيرك
كله حيتم زي ماحضرتك أمرت وأماني حتنفذ المطلوب منها بالحرف
وربنا يقدرنا على فعل الخير 
الحلقه العشرون 
تسير برفقة زميلة عملها وهي في قمة ڠضبها
تتحدث إليها لعلها تجد بجوارها الراحه والسکينه
أروح فين بس ياربي انا زهقت يا أماني ده تالت مكان أشتغل فيه من وقت ماجيت القاهرة ومش مرتاحه بردو
يعني مش كفايه علية تعب ماما وبهدلتنا في المستشفى كل يوم والتاني كمان الشغل حلاقيها منين بس ولا منين ياربي
حلها انت من عندك يارب انا تعبت وفوضت الأمر ليك يارب
اماني طب واللي يلاقيلك حل لكل اللي انتي فيه ده
ياسمين حل إيه يااماني مش فاهمه
اماني وظيفه حلوة أوي وان شاء الله تكون من نصيبك
ياسمين وظيفه فين
أماني بيبي سيتر
ياسمين بيبي سيتر هي حصلت كمان اشتغل بيبي سيتر
اماني ومالها بقى البيبي سيتر مش شغلانه محترمه
ياسمين أيوة يااماني هي شغلانه محترمه بس لواحده مش مكمله تعليمها لكن انا خريجة جامعه إيه اللي يجبرني على كده
أماني اللي يجبرك عالشغلانه دي الوضع اللي انتي فيه انتي محتاجه شغلانه بمرتب كويس عشان تقدري تصرفي على نفسك وعلى علاج مامتك
ياسمين بس مش بيبي سيتر
اماني يااختي اتنيلي بس ادعي ربنا انهم يوافقو بيكي أصلا ده من شروطهم ان البيبي سيتر تكون خريجة جامعه ومثقفه كمان
ياسمين ومش عاوزنها تبقى بتتكلم لغات بالمرة
اماني بصي ياياسمين انا وحياتك عندي شايفه انها مناسبه جدا ليكي
ياسمين اشمعنى بقى
أمانى حقولك بصي ياستي عاوزين واحده تكون من خمسه وعشرين لتلاتين سنه وتكون خريجة جامعه ومش متجوزة
بمرتب مجزي جدا واقامه فاخرة مواعيد الشغل من تسعه الصبح لتسعه بالليل والجمعه اجازة وكاتبين كمان انهم حيراعوا الظروف الشخصيه هااه ايه رأيك
ياسمين رأيي فايه انتي مجنونه بتقولي من تسعة لتسعه وعاوزاني اوافق امال لو مكنتيش عارفه ظروف ماما واني مقدرش اسيبها الفترة دي كلها كنتي قلتي ايه
اماني يابنتي افهمي
ماهما قايلين انهم حيراعو الظروف 
بصي ياياسمين أنا من رايي مترفضيش كده على طول روحي وشوفي مش يمكن الوضع يعجبك
ياعبيطه ده انتي حتبقي ففيلا ومش حتعملي حاجه غير انك تقعدي مع بنوته او ولد صغيرين وانتي أصلا بتحبي الأطفال والمرتب اللي حتاخديه حينسيكي الوقت اللي حتقضيه في الشغل
وانتي بتقولي ان علاقتك بالجيران كويسه يعني ممكن ياخدوا بالهم من مامتك وانتي مش معاها
فكري ياياسمين فكري كويس دي شغلانه متترفضش
ياسمين انتي عماله تقنعيني وكأن الوظيفه متتظراني وهي أساسا ممكن تكون واحده راحت واستلمت الشغل
أماني لا معتقدش الإعلان لسه نازل النهارده يعني مش بسرعه أوي كده وانتي وشطارتك بقى متضيعيش وقت
ياسمين والله ماعارفه
أماني بصي روحي كده البيت وفكري بالراحه وقولي لمامتك وشوفي الدنيا اخبارها ايه وكلميني انا معايا التليفون والعنوان ولو كده اتوكلي على الله والله ده انتي يبقى ربنا رحمك من اللي احنا فيه بلاهم ياريتني انا كنت انفع للشغلانه دي مكنتش اترددت لحظه
ياسمين طيب يا أماني بصي انا حفكر وارد عليكي
اماني ماشي يا ياسمين
تتحرك ياسمين ناحية الميكروباص لتركبه بينما تفتح اماني هاتفها
فيرد عليها مديرهاطمنيني إيه الأخبار
أماني عملت كل اللي حضرتك طلبته متي وحاولت أقنعها على اد مااقدر
المدير يعني خلاص اقتنعت
أماني معرفش بقى اصل معاد الشغل صعب أوي وانا مضمنش موافقتها
المدير يعني إيه مضمنتيش موافقتها احنا