رواية احببتها الفصول من العشرين للخامس وعشرين

من طريقتها وانتبه للقياده 
فاطمه.. بتضحك علي ايه انت ! 
كريم ولا حاجه 
فاطمه.. طيب يلا سرع بقي هتاخر خلصني 
كريم.. طيب من غير عصبيه عشان بخاف
ابتسمت فاطمه وصمتت لتنظر من النافذه متنهده قائله في نفسها اه منك ومن تصرفاتك 
وصل كريم الي الجامعه وقال بجديه هتخلصي الساعه كام  
فاطمه.. مش عارفه علي حسب 
كريم.. طيب متنسيش ترني عليا ولما اكنسل تفهمي اني جاي 
فاطمه.. طيب 
كريم.. ومتخرجيش بره باب الجامعه فاهماني 
فاطمه.. تؤ خلاص فهمنا في حاجه تاني حضرتك 
كريم.. اه 
فاطمه.. اوف بقا في ايه تاني 
كريم.. احم وخلي بالك من نفسك 
نظرت اليه وقد خفق قلبها وقالت بخجل حاضر 
كريم.. يلا ادخلي 
ووقف ينظر اليها حتي دلفت من الباب الرئيسي للجامعه ومن ثم قاد سيارته متنهدا شاردا فيها 
بينما حدثت فاطمه نفسها قائله 
ده قالي خلي بالك من نفسك ياتري خاېف عليا لا بس هو قالي امبارح انا مش خاېف عليكي تؤ اومال قالي ليه خلي بالك من نفسك ونظراته ليا دي ايه بقا لا اكيد حبني باين اوي علي عيونه وطريقته تؤ حب ايه ياهبله ده قالك هو مش عايز مشاكل بس مش اكتر ينهار ابيض يعني فعلا ممكن يكون مش بيحبني وانا الي واهمه نفسي تؤ بس بقا انتي شاغله بالك بي ليه هو حر اصلا يلا الحق انا محاضراتي وبعدين اشوف حكايتك معايا ايه يا استاذ كريم 
..................................
في منزل حسين جلست رجاء وأمسكت بهاتفها لتتحدث مع ولدها أحمد قائله  
الو ايوه يا احمد وحشتني اوي 
احمد.. وانتي كمان ياماما وحشتيني اوي مش ناويه ترجعي بيتك ولا ايه ها 
رجاء.. معلش ياحبيبي انا قعده مع ولاد خالك كام يوم بس لحد ما اطمن عليهم وبعدين هاجي علي طول 
احمد.. ماشي ياماما طيب محتاجه حاجه 
رجاء.. اه يا احمد تعالي اقعد معانا شويه انت وحشتني اوي واهو بالمره تسلم علي بنات خالك بقالك كتير مشفتهمش ايه رايك 
احمد.. مش عارف ياامي عندي شغل ومعرفش هعرف اجي ولا لا 
رجاء.. لا هتعرف متتهربش ده أنا امك حبيبتك 
احمد.. حاضر ياماما هخلص شغل واجيلك
رجاء.. ماشي ياحبيبي هستناك متتاخرش بقا 
احمد.. ماشي يلا سلام دلوقتي 
رجاء.. مع السلامه ياحبيبي
أقبلت عليها هاله قائله مين ده يا عمتو الي بتقوليلو متتاخرش 
رجاء.. احمد ابني قولتله يجي يقعد معانا شويه واهو بالمره يسلم عليكو 
هاله.. ماشي بس انا هنزل بقا شقتنا عشان تعرفو تعدو مع بعض علي راحتكم 
رجاء.. ده كلام برضو يا هاله والله ازعل منك مش تسلمي علي ابن خالك ولا انتي بقا مش حابه انه يجي 
هاله.. لالا والله مقصدش انا بس كنت عايزكو تبقو براحتكم 
رجاء.. لا هنبقي علي راحتنا وياريت البت بطه تكون جات من الجامعه عشان نقعد كلنا مع بعض 
هاله.. ماشي ياعمتو هدخل ابص علي ساره لتكون محتاجه حاجه 
رجاء.. ماشي ياحبيبتي 
.....................................
دلفت هاله لغرفه ساره قائله بابتسامه احم احم ممكن ادخل ياسوسو 
ساره.. طبعا اتفضلي يا هاله 
هاله.. اخبارك ايه دلوقتي طمنيني عليكي 
ساره.. الحمدلله بخير 
هاله.. عينك مدمعه ليه انتي كنتي پتبكي 
ساره.. لالا ابدا 
هاله.. انا حاسه بيكي ومقدره الي انتي فيه عارفه انك موجوعه وزعلانه علي كل الي حصل صح 
ساره.. بدموع صح 
هاله.. بصي ياحبيبتي كلنا بنغلط احنا مش ملايكه وانتي احمدي ربنا انها جات على اد كده واهو برضو ده درس ليكي عشان تتعلمي ماهو محدش بيتعلم كده بالساهل 
ساره.. بس انا مستقبلي ضاع يا هاله وفرحتي كمان ضاعت واتكسرت
هاله.. ليه بتقولي كده دي غلطه وكل حاجه هتبقي تمام واهم حاجه انك ندمانه لان الندم ده بيبين طيبتك واخلاقك واحسن حاجه النفس اللوامه 
ساره.. للاسف ندمانه بعد ايه بعد ما سمعتي باظت وبقت في الارض ومحدش هيبصلي والكل هيبقي عارف الغلطه الي غلطها 
هاله.. لا طب ربنا كبير اوي وكريم وطالما انتي ندمانه ومن قلبك ربنا مش هيسيبك وسيبك انتي من كلام الناس وبعدين الكل عارف انك لسه صغيره ودي مرحله مراهقه وڠصب عنك بس المهم انك تثبتي للكل انك قويه وهتعدي المرحله دي وهتركزي في دراستك ومتشغليش بالك بحاجه تاني عشان تنجحي بتقدير وتخشي كليه حلوه وتحققي ذاتك واوعي تستسلمي لرغبات عمي حسين خليكي زي فاطمه كملي تعليمك وخليكي قويه فهماني ياساره 
ساره.. فهماكي يا هاله 
ابتسمت هاله ومسحت دموعها بأناملها قائله اوعديني انك تجتهدي وتبقي قويه وكمان تقربي من ربنا عشان احنا بربنا اقوي من اي حد ولو بعدنا هنبقي ضعفاء واي حاجه هتوقعنا 
ساره.. حاضر يا هاله اوعدك ومتشكره اوي علي وقفتك معانا ديما 
هاله.. هو في شكر برضو بين الاخوات انتي اختي الصغيره وربنا يعلم انا بحبكو اد ايه 
ساره.. انتي طيبه اوي يا هاله وتستاهلي كل خير 
هاله.. ربنا يباركلي فيكي ياسوسو يلا بقا روقي نفسك كده عشان احمد ابن عمتك جايلنا يسلم علينا ويقعد معانا شويه 
ساره.. ياخبر لتكون عمتي حكتله حاجه 
هاله.. لالا مټخافيش ميعرفش حاجه 
ساره.. ماشي 
هاله.. يلا انا هنزل بس اخلص الي ورايا تحت وهطلعلك تاني 
ساره.. ماشي حبيبتي.
........................
انتهت فاطمه من يومها ونظرت الي ساعه يدها