رواية احببتها الفصول من الثاني عشر للتاسع عشر

ياكيمو اخيرا هشوفك بتحب وكدهو بقا 
كريم.. كدهو ! طب قومي نامي يا هاله تصبحي علي خير 
هاله.. ههههه وانت من اهله بقا احلام سعيده ياكيمو 
ابتسم كريم لاخته وقال وانتي من اهله يالولو

كانت فاطمه جالسه في غرفتها تذاكر ولكن إنغلق النور فجاءه فقامت مفزوعه قائله
اعوذ بالله من الشيطان الرجيم ايه الحظ ده واشمعنا الاوضه دي تؤ دي شكلها اللمبه اتحرقت طب اعمل ايه
وقفت تفكر قليلا بحيره قائله اعمل ايه بس ياربي وكلهم نامو وانا ورايا مذاكره كتيره نظرت الي الساعه فتنهدت قائله انا هنزل اشوف هاله يمكن عندها لمبه او انزل اجيب من عند الكهربائي قبل ما بابا يجي ويعملي هوليله إرتدت إسدال الصلاه الخاص بها ونزلت درجات السلم وكادت ان تنزل البقيه ولكن وقفت امام شقه عمها متذكره حديث كريم بان لا تنزل لوحدها تنهدت وطرقت الباب وبعد ثوان فتحت هاله وقالت فاطمه في حاجه ولا ايه انتي كويسه  
فاطمه.. اه اه ياحبيبتي كويسه بس اللمبه شكلها اتحرقت وانا بذاكر وورايا حاجات مهمه اوي لازم اخلصها النهارده ومش عارفه اعمل ايه 
هاله.. طب استني هندهلك كريم كريم كريم 
فاطمه.. يا هاله لا مش مستاهله انا كنت بسالك علي لمبه بس ياما هنزل اجيب من عند الكهربائي
جاء كريم من الخلف قائلا في ايه ياه... تفاجئ بها فأسرع نحوها وقال في حاجه ولا ايه انتي كويسه  
فاطمه بتوتر اه كويسه 
كريم.. اومال في ايه وايه منزلك دلوقتي 
هاله. عايزه لمبه عشان تذاكر اللمبه اتحرقت وهي بتذاكر 
فاطمه.. خلاص انا كنت نازله اجيب من تحت وقولت يمكن الاقي عند هاله لمبه يلا انا هنزل اجيب واحده وطالعه 
كريم.. تعالي هنا راحه فين تنزلي فين دلوقتي 
فاطمه.. هنزل اجيب لمبه مش هينفع عندي مذاكره كتيره 
كريم بحزم استني هنا.. وتوجه الي غرفته ليخلع اللمبه الموجوده وخرج بعد دقائق قائلا امسكي دي ركبيها وشوفي هتركب ولا لا 
فاطمه.. طيب ماشي شكرا 
هاله.. هتعرفي تركبيها 
فاطمه.. هحاول مش عارفه لسه 
كريم. . جربي ولو مش عرفتي قوليلي 
فاطمه.. ماشي.. وصعدت مره ثانيه وتوجهت الي غرفتها وحاولت ان توضع اللمبه مكانها لكي تنير ولكن دون جدوي وقفت متوتره وخجله من ان تنزل مره ثانيه الي كريم ولكنها عزمت علي ان تنزل تستعين به وهبطت مره ثانيه درجات السلم وتنحنحت بحرج قائله 
آآ مش عرفت اركبها 
كريم.. طيب انا هشوفها وتوجه معها الي الاعلي 
فاطمه.. اهي هي دي
كريم ده علي اساس اني شايف حاجه 
فاطمه احم اه طيب هجيب كشاف 
كريم بسرعه 
أسرعت فاطمه وجلبت الكشاف معها وأنارته في وجه كريم 
فأغمض هو عيناه وقال اعميني يلا اهو ده الي ناقص.. ! 
ضحكت فاطمه ضحكات رنانه جعلت قلبه يخفق بشده من تلك الضحكه التلقائيه ..تنهد وقال بحزم اخلصي نوريلي كده علي اللمبه 
فاطمه احم طيب 
دقق كريم النظر الي اللمبه وحاول ان يوضعها بمكانها ولكن دون جدوي فتنهد قائلا العيب في الاسلاك شوفيلي كده زرديه 
فاطمه.. ايه زرديه دي قصدك المكاشه 
كريم.. مكاشه ! ايه مكاشه دي 
فاطمه.. احم البتاعه الي بيمسكو بيها دي الي هي عملاه. ........ قاطعها كريم قائلا اه هي دي روحي هاتيها 
وقف كريم يضرب كف علي كف قائلا بابتسامه ال مكاشه ال البت دي مجنونه رسمي 
توجهت فاطمه اليه بعد قليل قائله اتفضل المكاشه اهي أآآ قصدي الزرديه 
حاول كريم مع اسلاك الكهرباء مرارا وتكرارا فأطلقت شرار مع محاولاته جعلت فاطمه تشهق وتمسك في ذراعه بشده قائله انت كويس 
ازدادت ضربات قلبه قائلا بهدوء مټخافيش مفيش حاجه اهدي 
فاطمه.. طيب خلاص بلاش تعملها وانا هتصرف 
كريم.. خلاص اتعملت اهي هاتيلي لزق شريط لحام بس عشان الزق الاسلاك 
تحركت فاطمه من امامه وبعد قليل عادت ومعها اللاصق وأعطته له فأخذه منها وألصق الاسلاك ببعضها وقام بتركيب اللمبه فأنارت 
فاطمه.. الله ينور 
كريم.. خلاص في حاجه تاني 
فاطمه.. لا متشكره تعبتك معايا 
توجه كريم خارج الشقه وقاللو عندك جامعه بكره خبطي عليا قبل ما تنزلي وبلاش تنزلي لوحدك تاني لاي سبب 
فاطمه.. بس انا باخد تاكسي متخافش عليا يعني 
كريم.. ومين قالك اني خاېف عليكي  
فاطمه..  
كريم.. انا مش خاېف انا مش عايز مشاكل بس مش اكتر 
فاطمه.. اه طيب ماشي 
كريم.. يلا خشي ونزل درجات السلم وهو مبتسما علي منظرها وقلبه يدق اثر لمستها له فاصطدم بهادم اللذات وهو يهبط السلالم 
حسين.. كريم كنت بتعمل ايه فوق ! 
كريم.. كان في قفله في الشقه ومكنش في نور وصلحته 
حسين.. وانت عرفت منين 
كريم.. من فاطمه كانت هتنزل وانا منعتها 
حسين.. البت دي اټجننت تنزل دلوقتي ماشي يازفته 
كريم.. خلاص خلصنا ومفيش داعي للي بتعمله ده ومتكلمهاش انا اتصرفت وخلاص 
حسين.. ماشي يا استاذ كريم اما نشوف اخرتها ايه 
كريم.. يلا عن اذنك
عادت فاطمه لتذاكر وهي حزينه فهو يفعل كل هذا معها لتجنب المشاكل وليس خوفا عليها ولكنه يقول دائما عكس ما بداخله تنهدت قائله في نفسها يعني هو مش بېخاف عليا ايوه مش بېخاف عليا وهيخاف ليه هي الظروف الي حطتنا في مواقف
مع بعض بس ده مش معناه انه يحبني او ېخاف عليا يوووه ده انت رخم اوي ياكريم بس انا ليه شاغله بالي ماشي اما اشوف اخرتها معاك ايه .. !