رواية احببتها الفصول من الاول للحادي عشر

انا هاجي اخدك بالعربيه عشان تطمني جهزي نفسك
هاله..بسرعه يا كريم الله يخليك 
كريم .. حاضر
االبارت السابع
في المدرسة الثانوية للبنات ... جلست سارة بصحبة صديقتها سها و...... 
سها مالك يا ساره فيكي ايه شكلك متغير 
ساره اختي فاطمه عرفت كل حاجه عن علاقتي بوائل 
سها ياخبر عرفت ازاي وامتي 
ساره شافت كل رسايلنا علي الفيس وكان شكلي وحش اوووووي قدامها 
سها.. واتصرفتي ازاي 
ساره..وعدتها اني مش هكلمه تاني ومليش دعوه بيه 
سها..وهتقدري تبعدي عنه بالسهوله دي 
ساره..اختي فهمتني ان كده غلط ولو بابا عرف هتبقي مصېبه وبصراحه معاها حق وانا وعدتها خلاص 
سها..بس ياتري وائل هيعمل ايه لما يعرف انك مش هتكلمي تاني 
سارة..هيعمل ايه يعني انا عارفه انه بيحبني وممكن يجي يتقدم ويخلصني من العيشه دي 
ضحكت سها بسخرية فقالت سارة بقلق  
..بتضحكي علي ايه ياسها !! 
..لا ولا حاجه عادي ..
...................................................استغربت ساره من ضحكة سها وشردت هل بالفعل سيتقدم إلي خطبتها أم أنها كانت مجرد تسلية له لا أكثر من ذلك !! 
.............
في المستشفي ...
هاله .. بابا حبيبي الف سلامه عليك 
ابراهيم.. الله يسلمك يا هاله متبكيش يابنتي انا كويس مټخافيش 
هاله.. قلقتني عليك اوي يابابا ربنا يخليك ليا وميحرمنيش منك ابدا 
ابراهيم.. مسح علي ظهرها بحنان وقال ويخليكي ليا يابنتي 
كريم.. الف سلامه عليك يابابا خضتنا عليك 
ابراهيم بنظره عتاب الله يسلمك يا كريم 
كريم.. انت زعلان مني ولا ايه يا بابا 
ابراهيم.. ما أنت مش راضي تريحني يا كريم ولا تعمل الي بقولك عليه عشان خاطري انا بس 
هاله.. في ايه يابابا 
ابراهيم.. اخوكي راكب دماغه ومش عايز يتجوز بنت عمه ولا حتي عشان خاطر ابوه 
كريم.. طب وانا فين يابابا انا فين فين خاطري انا يعني انتوا كده بتحكموا عليا بالتعاسه طول العمر الي بيحصل ده ميرضيش ربنا 
هاله.. طب جرب مش هتخسر حاجه وريح نفسك والي حواليك 
كريم.. لا هخسر كتير هخسر حياتي كلها يا هاله 
ابراهيم.. طيب ريح عمك دلوقتي عشان يبعد عنا وبعدين انت حر ابقي سيبها 
هاله.. اه ده حل كويس يا كريم عشان خاطري وافق بقي بابا مش حمل تعب تاني
شرد كريم في حيره من أمره فقد كان اخر توقعاته ان ينجبر على شئ لا يريده فهل من الممكن ان يتنازل ! ويخضع لأمر عمه ولكن همه الاكبر هو والده فانه يخشي عليه من ان يصيبه اي مكروه فهو لا يملك غيره هو وشقيقته ..
هاله.. ها يا كريم قولت ايه 
كريم.. استغفر الله العظيم هفكر في الموضوع ده والي عايزه ربنا هيكون 
ابراهيم.. بس متتأخرش عليا عشان اسكت عمك 
كريم.. حاضر يابابا 
ابراهيم.. هو الدكتور قال هخرج امتي من المستشفي انا خلاص حاسس اني كويس 
كريم.. قال النهارده بليل هروح اشوف شغلي واجي نروح مع بعض وخلي هاله معاك لحد ما اجي 
ابراهيم.. ماشي بس وانت جاي تكون جايبلي قرارك الاخير عشان نخلص من الموضوع ده 
كريم پخنقه حاضر يابابا 
....................................
جلست جميله وتركت لدموعها المجال لتنساب من عينيها لعلها تزيل عنها تلك الهموم التي اثقلت عليها ... تخشي من والدها ومن رد فعله فكل ما عليها انها سلمت امورها للذي لا يغفل ولا ينام
فاطمه.. جميلتي زعلانه ليه في حد يبكي وهو هيتجوز خلاص 
جميله.. ياتري مكتوبلي ايه وايه مستخبيلي تاني في الدنيا دي 
فاطمه.. كل خير ان شاء الله وعسي ان تكرهوا شيئا وهو خير لكم انتي سلمتي امورك لربنا يعني لازم تطمني ومش تبكي ابدا 
جميله.. مسحت دموعها وقالت ونعم بالله العلي العظيم.. وانتي قررتي تعملي ايه في موضوعك  
فاطمه بتنهيدة مش عارفه يا جميله مش عارفه انا حاسه اني ھموت من التفكير 
جميله.. اسمعي كلامي ووافقي يا فاطمه مهما كان حياتك هتبقي ايه برضو هتبقي احسن من العيشه الي عايشنها دي خلصي نفسك من تحكماته وظلمه لينا انا مش مرتاحه للجوازه دي وممكن حياتي تبقي تعيسه بس انا موافقه بس عشان اخرج من هنا وابقي حره ولعل ربنا بينجيني 
فاطمه.. انا حاسه ان كريم مڠصوب عليا لاني انا عارفه انه مش بيطيق البنات ولو هو مڠصوب هتبقي عشتي معاه مرار 
جميله. . كريم اه صعب وعصبي بس راجل وعنده اخلاق شوفتي بيعامل اخته ازاي وحنيته عليها وبيعامل عمي ابراهيم ازاي ده لو وحش من جواه مكنش يحبهم بالطريقه دي انا بحسد