رواية روعة الروعة الجزء الثاني الفصول من واحد وعشرون للاخير

دلوقتي واحدة محترمة وأعمل عليها راجل وأقولها البسي ده ومتلبسيش ده ووطي صوتك وده بيبوصلك ليه پقهر تفتكر أنا نفسي هصدقني وأنا باحتقر نفسي كل ما أبوص في المرايا.
صلاح بتعاطف ده كان ڠصب عنك يا وليد حاول تنسى وتعيش حياتك.
وليد بندم لا ده اختيار غلط بسبب التربية في ملايين غيري ظروفهم أصعب ولا يمكن يقبلوا بحاجة زي كده بعزم وأنت كمان يا صلاح اختارت المصلحة والفلوس على العشرة الطيبة والمودة والرحمة ودلوقتي بتدفع تمن اختيارك .
صلاح باستنكار لا أنا كنت خاېف من الڤضيحة وكلام الناس.
وليد بمرارة ما هي دي المصلحة يا صلاح وزاد عليهم الفلوس بجري مروة وراك لكن أحمد أختار نعم ورضي بظروفها رغم أنه رجل أعمال وسمعته رأس ماله بس هو حبها بجد.
صلاح بانفعال أنت بتتكلم كده ليه عايز أيه عايز تثبت انه أحسن مني وأن كان عندها حق لما سابتني وراحت له.
وليد بصدق عايز مصلحتك يا حبيبي عايزك تفوق لنفسك وترضى بنصيبك مشكلتنا من الأول كانت الرضا كان ممكن نعيش كويس ونبدأ حياتنا زي ناس كتير أهلهم ما سبوش لهم حاجة بندم لكن أحنا اتحدينا أبوك اللي ساب فلوسه لمراته وقررنا أننا هنعمل غيرها في أقرب وقت ونسينا أن أبوك ماټ وأن احنا اللي هندفع تمن اختياراتنا دي. 
صلاح بحيرة مش فاهم ومش عايز أفهم ومش عارف أعمل أيه. 
وليد برفق أرضى بنصيبك يا حبيبيهي اختارت حياتها وبتعيشها بلاش أنت تعيش بالوهم وتوقف محلك سر تراقب حياتها بتمشي وتوقف حياتك بعزم أرضى يا صلاح ولو اختارت المرة اللي فاتت غلط أختار المرة الجاية صح. 
صلاح محاولا تغير مجرى الحديث هاحاول هاحاول المهم أنت ناوي على أيه دلوقتي. 
وليد بحسم ناوى اهدى وافكر في اللي فات واحاول اختار المرة الجاية صح بلهجة ذات مغزى ولو لاقيت نفسي محتاج مساعدة ممكن الجأ لأخصائي نفسي لا عيب ولا حرام. 
صلاح بابتسامة باردة أه طبعا مفيش مشكلة ربنا يوفقك.
وليد بهدوء ويوفقك يا أخوي ويصلح حالك. 
بشقة محمود
يجلس جميع أفراد الأسرة حول مائدة الطعام في جو من المودة والانسجام.
محمود بامتنان على فكرة أنا مضيت عقد تويد الغرف مع صاحبك بتاع الفندق النهاردة.
أحمد بابتسامة ربنا يوفقك يا عمي متقلقش هو أنسان محترم جدا.
محمود بامتنان لا يا حبيبي أنا مش قلقان أنا بس مش عايزك تحرج نفسك مع أصحابك عشان تجيب لي شغل أنا المصنع مش ملاحق على طلب المعارض الحمد لله فامتشيلش نفسك جمايل. 
أحمد بابتسامة يا عمي ده شغل الموضوع مافيهوش أي مجاملة. 
حسين بحرج أنا كمان رأيي من رأي بابا وأنا وافقت أعمل الديكورات المرة دي عشان حاسيت قد أيه هو مزنوق في ميعاد التسليم لكن الأحسن ماتشغلش نفسك بينا.
أحمد بصدق يا جماعة أنتم ناس بروفشنال فعلا وعندكم ضمير في كل حاجة بتعملوها وشغلكم كله برفكت يعني لو الموضوع فيه مجاملة يبقى أنا جاملت صاحبي. 
نورا بسعادة تسلم يا حبيبي كلك ذوق بس بطلوا كلام بقى وكلوا باهتمام وأنت يا شيبو مالك ياحبيبي من ساعة ما قعدنا على الأكل لا بتأكل ولا بتتكلم.
نغم بضيق شهاب سمع حاجة كده وهو في الشركة هي اللي مضايقاه.
نورا بقلق اللهم اجعله خير في أيه يا شهاب.
شهاب بتردد الطب الشرعي أكد أن البنت اللي كانت بتشتغل عند رامي المنصوري واڼتحرت هي كمان عندها اېدز.
نورا پصدمة لا حول ولا قوة إلا بالله يعني كده ممكن رامي ده يكون فعلا عيان بهلع وبنت هيام.
شهاب بتلعثم آنت هايا أخدت بنتها قبل نتيجة التحليل ما تظهر ورجعت المانيا ورامي مختفي.
محمود بحزن لا حول ولا قوة إلا بالله اللهم لا شماتة.
ماهي بذهول دي آنت هايا هي اللي سرعت بجوازه من ميرا عشان تنفي الإشاعات ساعة موضوع البنت اللي اڼتحرت وهي متعرفش أنها بتقدم بنتها كمان للمۏت بمرض زي ده.
حسين بخشوع صدق رسولنا الكريم عليه الصلاة والسلام إذا جاءكم من ترضون دينه وخلقه فزوجوهإلا تفعلواتكن فتنة في الأرض وفساد كبير .
بقاعة الأساتذة بكلية الحقوق
جلس صلاح يراقب نعم بقلق فقد شحب وجهها فجأة ومالت على صديقتها شيرين پذعر تهمس لها ببعض الكلمات لتنتفض الأخيرة على أثرها.
شيرين بقلق ياجماعة حد ينده سواق نعم دي بتولد.
ساد الهرج والمرج بين الجميع بينما نزلت كلماتها عليه كصاعقة شلت حركته فثبت مكانه يراقب فزعها وهي تراقب تلك المياه المنسكبة أسفل مقعدها.
سيدة بفزع أنا هبلغ الأمن يشوف السواق راكن فين ويبلغه.
رجل وقور قومي معي يا دكتورة وأنا هاوصلك.
شيرين بامتنان شكرا يا دكتور قومي يا نعم ونكلم السواق يحصلنا.
نعم بفزع لا أنا عايزة أحمد كلميه يجي.
شيرين باستنكار هنكلمه يا حبيبتي بس الأهم دلوقتي نوصلك