رواية روعة الروعة الجزء الثاني الفصول من واحد وعشرون للاخير

رغبة أحد الطرفين في فض الشراكة بيقوم بانذار الطرف التاني قبلها بشهرين بسخرية النهاردة بإذن الله هيوصلك الأنذار وعقبال ما يخلصوا الشهرين أكون كملت لك النص مليون بتاعك.
مروة باستنكار الشرط ده محطنهوش في العقد ونص مليون جنيه أيه أنا نصيبي مش أقل من اتنين مليون المكتب دلوقتي له أسمه.
صلاح بخيلاء أسمه اللي أنا عاملته بمجهودي وأفكاري في الوقت اللي أنت كنت مسلمة دماغك لسلمى ومابتهوبيش ناحية المكتب.
مروة بثورة الكلام ده تقوله في برنامج الصلح خير احنا بينا عقود والعقد شريعة المتعقدين.
صلاح بتهكم صح جدا العقد شريعة المتعقدين والعقد اللي ما بينا بينص على أنه وقت التخارج الطرف الأول المستأجر الأصلي للعين اللي هو أنا بيحتفظ بالاسم والعلامة التجارية الخاصين بالمنشأة ويحصل الطرف التاني اللي هو حضرتك على قيمة مجمل ما دفعه كمساهمة بالمشروع.
مروة بذهول أيه التخريف اللي أنت بتقوله ده مش دي البنود اللي حطنها سوا للعقد.
صلاح باستهزاء بس دي بنود العقد اللي أنت مضيتي عليه.
مروة پصدمة متذكرة ذلك الموقف الذي وقعت به العقد دون إطلاع يا حيوان بثورة أنا هافضحك وهافرج الناس عليك واخلي سيرتك على كل لسان.
صلاح بابتسامة تصدقي النوع الوحيد اللي مشتغلتش فيها من يوم ما فتحت المكتب قضايا السب والقڈف والتشهير فرصة الواحد يغير.
مروة هادرة بثورة أنا هاثبت التدليس اللي أنت عملته وأنك غيرت البنود المتفق عليها.
صلاح بهدوء عيب يا دكتورة أنت أستاذة في القانون وعارفة بابتسامة مستفزة القانون لا يحمي المغفلين.
بغرفة النوم بفيلا أحمد
تستلقي نعم باسترخاء بينما يسقيها أحمد أحد أكواب العصير بيده.
أحمد بعتاب ينفع كده يا قلبي مردتيش تاخدي اجازة عشان متشتتيش طلابك وهما داخلين على امتحانات يبقى على الأقل تاخدي بالك من نفسك وتتغذي كويس.
نعم باعتذار بجد ما قدرتيش الدادة حضرت الفطار وعملت اللي عليها بس أنا شميت راحيته معدتي كلها اتقلبت.
أحمد بضيق بس مش هينفع كده خلاص أنا هاكلم عمي وأقوله أننا جايين زي ما ماما قالت.
نعم باضطراب لا يا أحمد مش هينفع.
أحمد بدهشة مش هينفع ليه في أيه يا نعم من ساعة ما ماما قالت لنا أنك ترجعي شقتك عشان ترعاكي لحد ما تقومي بالسلامة وأنت رد فعلك مش طبيعي.
نعم بتوتر لا طبعا انا بس خاېفة أنك ما ترتحش دي شقة صغيرة في منطقة متوسطة وأنت مش متعود على كده.
أحمد بحب المهم أنت تبقي مرتاحة وطول ما أنا مطمن عليكي هبقى مرتاح مشاكسا وأحلى حاجة أنها صغيرة على الأقل مش هتلاقي مكان تزوغي مني.
نعم باضطراب طيب خلينا هنا ولو تعبت أكتر نبقى نر وح.
أحمد بشك في أيه يا نعم هو فيه حد ممكن يضايق من وجودنا.
نعم بسرعة أبدا والله دول كلهم بيتحايلوا علي حتى نغم قالت لي أني لو جيت هتيجي تقعد في شقتها عشان تبقى جنبي.
أحمد بحسم نعم ممكن أعرف في أيه.
نعم باضطراب أنا خاېفة تكون رايح مضطر وتضايق يعني عشان دي كانت شقتي القديمة .
أحمد بهدوء مش هانكر أني باغير عليكي پجنون بس راحتك اهم من الدنيا كلها بامتنان وبعدين من يوم جوازنا ورغم أننا ما بنبتش هناك عمي محمود صمم يغير عفش شقتك كله.
نعم باعتراض بس انت صممت تشتري الفيلا دي ومحبيتش نعيش بفيلتك القديمة.
أحمد بندم عشان بتفكرني بذنبي يا نعم بصدق لكن أنت معملتيش حاجة تخجلي منها وأهم حاجة بالنسبة لي أني أكون الوحيد اللي ساكن قلبك دلوقتي.
نعم بصدق والله أنك ساكن قلبي وعقلي وما في حياتي غيرك.
أحمد بثقة عارف يا قلبي وعشان كده معرضتيش أنك تستتمري بشغلك وتكملي رسالتك أنت أعلى من أنك تتقيمي أو تتقيدي بأي ظروف مريتي بها ياقلبي.
نعم بحب ربنا ما يحرمني منك ويخليك لي.
أحمد بحب ويحفظك لي يا أغلى نعم ربنا علي.
بعد بضعة أشهر بقاعة الأساتذة بكلية الحقوق
دلف صلاح للقاعة ناظرا باستهزاء لهاتان اللتان ترمقانه بحنق فمنذ أن كان له ما أراد واستطاع طلاق مروة وفض الشراكة بينهما بشروطه وهما ناقمتان عليه ولكنهما لما تتجرءا على التعرض له ثانية منذ أن كاد أن يتسبب بفصل سلمى من الجامعة بعد أن دبر لها مکيدة كادت أن تنهي مشوارها الاكاديمي بڤضيحة واتهام بتسريب الامتحان لبعض الطلاب. 
اتجه للجانب الأخر من القاعة حيث مكانه المفضل لمراقبة شغفه الوحيد بالأيام الماضية حيث يراقب باستمتاع تلك التي تحولت لألة مضغ فمنذ أن تخطى صدمة حملها من غريمه اعتاد مراقبتها اشفاقا عليها لوهنها ونوبات قيئها المتعددة ليفاجأ بعد ذلك بتوقف كل تلك الأمور لتتحول صاحبة الشهية المنعدمة لوحش شره يتأملها بسعادة وخفاء وهي تخرج من حقيبتها تلك التي يظن أن لها نافذة سحرية على أحد المطاعم الصنف تلو الأخر