رواية روعة الروعة الجزء الثاني الفصول من السابع عشر للعشرين

تانية تكون بحرج بلبس مكشوف وياما كده يا ينفذ تهديده ومديني مهلة أخرها بكرة.
نعم بقلق وأنت رأيك أيه.
سامية بحيرة مش عارفة بافكر اقابله يمكن اقدر احنن قلبه وكنت باقول لو جيتي معايا يمكن تقدري تقنعيه.
نعم باستنكار وأنت متخيلة أنه هيسيبك بالسهولة دي.
سامية باڼهيار يعني مفيش حل.
نعم بثقة لا طبعا في.
سامية برجاء دليني عليه أبوس أيدك.
نعم بهدوء أننا نسمع كلام العقل والعقل بيقول أن أي تنازل جديد هيكون ضدك يعني لو هو دلوقتي بيهددك بمكالمات وصور شبه عادية متخيلة هيعمل فيكي أيه لو صور مقابلتكم ولا باعتي له صور ڤاضحة.
سامية بانفعال كل اللي بافكر فيه أزاي اسكته دلوقتي.
نعم بصدق بس هو بيفكر أزاي يورطك معه أكتر حتى لو هيسكت مؤقتا ويمكن لما تقابليه يضغط عليكي ويجبرك تروحي معه.
سامية بفزع يا خړابي يارب خدني ولا تفضحنيش وتفضح عيالي بي.
نعم باستنكار أنا مش باقولك كده عشان تخافي وتضعفي بالعكس أنا عايزكي تجمدي قلبك وأنا معكي متقلقيش. 
سامية بشك وأنت يعني هتقدري تقفي قدامه.
نعم بثقة أكيد اللي زي ده مفيش اجبن منه بس غلطك هو اللي خلاكي اضعف وجه الوقت تصلحي غلطك.
سامية بلهفة ياريت كان ينفع بس اللي اتكسر ما بتصلحش. 
نعم بهدوء لا بيتصلح وأول حاجة تصلحيه بيها أنك تعرفي غلطك وتنوي التوبة وأنك لا يمكن ترجعي للغلط تاني. 
سامية باستنكار واللي فات وتهديده.
نعم بصدق زي ما قلت لك ده مفيش اجبن منه بس لو عملتي له قيمة هيتفرعن عليكي الصح بقى أننا نبعت له اللي يعرفه مقامه ويكسر شوكته.
سامية بحيرة بلطجية يعني! 
نعم بهدوء الغلط ما يتصلحش بغلط يا سامية الصح أنه مچرم والمجرمين بنبلغ عنهم البوليس. 
سامية باستنكار بوليس أيه أنت عايزني افضح نفسي بنفسي. 
نعم بثقة ما فيهاش فضايح الچريمة اللي من النوع ده تبع مباحث الانترنت والحقيقة أنهم بيقوموا بشغلهم على اكمل وجه وفي منتهى السرية.
سامية باستنكار مفيش حاجة بتستخبى يا دكتورة وده ورق ومحاضر ونيابة. 
نعم باقناع اهدي بس متقلقيش ولو ده اللي مخوفك ليها حل أخو واحدة صاحبتي ظابط في مباحث الانترنت ممكن اطلب منه يحل القضية بشكل ودي ويمكن الموضوع ينتهي من غير ما نضطر نعمل محاضر.
سامية بتردد بس أنت ملية ايدك منه.
نعم بجدية ده انسان محترم جدا وياما ساعد زملا وبعدين برضه لازم تبقي عاملة حاسبك انه لو ما ارتدعش هنضطر نمشيها رسمي. 
سامية پذعر لا أبوس أيدك بلاش حكاية الرسمي دي.
نعم بصدق أن شاء الله مش هنوصل لده بس لازم تبقي عارفة أن حتى لو ده حصل فالڤضيحة من شوية كلام وصور مهما كانت مش زي الڤضيحة اللي هتحصلك بعد ما يوصل للي هو عايزه. 
سامية پذعر ربنا يسترها معي وما يفضحنيش لا دي ولا بدي وأنا والله هاعيش اكفر عن ذنبي وهاشيل شوقي فوق راسي.
نعم بابتسامة ايوه كده ادعي انت ربنا بس واخلصي التوبة وهو عمره ما هيردك. 
سامية پانكسار اللهم لا اله الا أنت سبحانك أني كنت من الظالمين.
بمكتب أحمد بدار الرعاية
أحمد بابتسامة لا بجد برافو عليكي مكنتش متخيل أنك هتقدري تقنيعها تتنازل عن موضوع الطلاق ده دي من أول ما جات الدار وهي مصممة وأنا مرضيتش اضغط عليها تتخيل أني رافض وجودها.
نعم بهدوء وهي تنظم بعض الاوراق داخل ملف ضخم الطلاق مش لعبة ولا حاجة سهلة ده ابغض الحلال والمفروض أنه يكون حل أخير زي البتر بالظبط وهي تناوله ذلك الملف وده مينطبقش على حالة هبة هي اللي بينها وبين جوزها مشاكل عادية محتاجة بس مرونة من الطرفين وأكيد لو اطلقت كانت هتندم بعد فوات الأوان.
أحمد باندفاع وأنت ندمانة يا نعم.
نعم بتردد ندمانة على أيه.
أحمد بتلعثم وقد غلب فضوله ندمه على تسرعه ندمانة على طلاقك من صلاح.
نعم ببساطة فاجأتها هي نفسها وهي تظن أنها لربما عنفته على تدخله بامر خاص ما أنا قلت برضه أنه احيانا بيكون حل أخير ملوش بديل زي البتر بالظبط وتقدر