رواية روعة الروعة الجزء الثاني الفصول من الثالث عشر للسادس عشر

نفس الوقت الذي ابتعدت فيه هي وقد فاقت لتوها من تأثير لمساته الحانية.
نعم متنحنحة آسفة أنا هاخد حاجة وخارجة.
حسين متجها للباب بارتباك لا يا نعوم أنا كنت باسأل ماهي على حاجة وخارج.
بينما ماهي تحتضن يديها الذي قبلهما بخجلوهي تخشى أن يكون مظهرهما قد أحزن نعم المچروحة ولكن طمئنتها تلك الابتسامة المرسومة بشفتيها.
نعم بابتسامة حنونة طيب بدل بتحبيه كده مطلعة عينه ومنشفة ريقه ليه.
ماهي بشقاوة عشان بحبه.
نعم ضاحكة فزورة دي
ماهي بغموض فزورة وسر هاقولهم لك بس بشرط.
نعم بفضول شرط أيه
ماهي بشقاوة تحلي لي أنت كمان الفزورة بتاعتك.
نعم بحيرة فزورة أيه
ماهي بغموض حاجة هتجنن وأعرف سببها بس توعديني تقولي الحقيقة لو عجبتك فزوتي وسري.
نعم بتسلية وقد جذبها حديث ماهي ماشي أوعدك.
قصت عليها ماهي حديثها مع نورا يوم قدومها وكيف تكاتف الجميع بإقناع شهاب بخطأه المزعوم حتى أقتنع تماما وبات كل همه استرضاءها.
نعم بذهول أيه ده مش ممكن أزاي ماما تعرف تفكر بالطريقة دي لا وبابا كمان يسايركم بسهولة كده.
اللي حكيته لك هو السر إنما اجابة الأسئلة دي وحكاية أني مطلعة عينه ومنشفة ريقه عشان بحبه هما دول حل الفزورة.
نعم باهتمام أيوه اللي هو أيه بقى الحل ده.
ماهي بحزن لما ماما نورا فكرت في الفكرة دي كان من حبها في حسين واهتمامها أنه يسامحني من قلبه ويبقي لي قدامه عذر يخليه ممكن ينسى أني جرحته ونقدر نرجع علاقتنا من غير ما يبقى فيها شرخ للأبد.
نعم بتفهم وعاملتوا ده ليه بقى سوقتي فيها ومطلعة عينه.
ماهي بصدق برضو عشانه حسين بعد اللي حصل في عيد الميلاد أهمل حياته كلها حتى شغله اللي كنت باغير من كتر اهتمامه به أهمله لحد ما بقى عنده مشاكل كتير في شغله وملتزمش بالتعاقدات ومواعيد تسليم اللي متفق عليها.
نعم بحزن أيوه سمعت فعلا بحاجات زي كده لما كان حابس نفسه في أوضته وبابا كان بيحاول يخرجه من اللي هو فيه.
ماهي بابتسامة لما بقى بابا حكم بأنه يسفرني ويفسحني هو اعتراض عشان شغله والمشاكل اللي فيه لكن صممنا أن مفيش صلح الا بعض ما يفضيلي نفسه وياخدني أسبوعين عسل.
نعم بتفهم فهو اهتم بشغله عشان يلحق يخلص وترجعي له بسرعة.
ماهي بسعادة أنت مش متصورة بابا لما سأله قدامك قد أيه وتقدر تفضي نفسك هو قال أن مش هينفع قبل شهر ونص شهرين مغطية وجهها بيديها وهي تضحك بخجل بابا محمود بيقول أنه اتحول جاب عمالة زيادة ومشغل ورديتين ولو أنه فضل على المعدل ده في تعاقدات كتير هتتسلم في ميعادها ومش هيضطر يدفع شروط جزئية مش بس كده ده ممكن يفضى