رواية روعة الروعة الجزء الثاني الفصول من الثالث عشر للسادس عشر

جدا تأثيرك على فادي وبقية الولاد بحزن بس خاېف أن حضورك يوميا يأثر على شغلك وحياتك رغم أنك منورانا وعاملة روح جميلة للمكان زي ما قولت لك.
نعم پانكسار لا الحقيقة أني مش ورايا حاجة حاليا واخدة اجازة من الشغل وموقفة الشغل في الرسالة حاليا.
أحمد بابتسامة ربنا يوفقك بس أنت كده بتشجعيني افاتحك في موضوعين محتاج مساعدتك فيهم وكنت خاېف اعطلك.
نعم بحماس ياريت الحقيقة أن المكان هو اللي رد لي الروح مش العكس وهاكون فرحانة بأي مساعدة أقدر أقدمها.
أحمد بابتسامة وأنا هاكون سعيد وأنا باستغل كرمك ده هنبدأ بالموضوع الثاني الأول.
نعم بحماس زي ما تحب.
أحمد بابتسامة الحقيقة أن بيت الضيافة فيه حاليا قضايا كتير محتاجة مساعدتك طبعا كان في محامي بيتابع في الفترة اللي حضرتك كنت مشغولة فيها بس الموضوع مش قوانين وبس حضرتك كنت بتعرفي تتواصلي معهم بشكل انساني وبتحسي بيهم وده هو أكتر حاجة هما محتاجينها حاليا.
نعم بابتسامة مفيش مشكلة نبدأ من بكرة لو تحب.
أحمد بابتسامة لا هنبدأ بعض ما نرجع من الموضوع الأول لو وافقتي.
نعم بحيرة نرجع
أحمد برجاء هو طلب مجهد شوية وللعيلة كلها بس أنا طمعان في كرم أخلاقكم.
نعم بحيرة مش فاهمة
أحمد برجاء بصراحة بعد ما عرفت أن تعب فادي كان نفسي أكتر من عضوي فكرت ليه ما نحجزش في قرية سياحية خمس أيام نفسحهم ونرفه عنهم.
نعم بحماس فكرة ممتاز بس احنا ممكن نساعد أزاي
أحمد بحماس هنحجز تلت أو أربع فلل كل فيلا هيكون فيها عشر أطفال أو أكتر حاجة بسيطة طبعا كل فيلا هيكون فيها دادات الدار للخدمة والرعايا بس بتمنى لو كل فيلا كان فيها اتنين من الأسرة الكريمة كإشراف عشان أكون مطمن على الولاد ممكن حضرتك والوالدة فيلا ومدام ماهي ودكتورة نغم فيلا وأنا وشهاب وعمي محمود فيلا الولاد.
نعم بحماس فكرة ممتازة هاحاول اقنعهم بس بشرط.
أحمد بحنان أنت تؤمري.
نعم بخجل من أسلوبه أنا وفادي نكون في نفس الفيلا.
وافق بابتسامة وهو يحسد ذلك الصغير على حبها له.
بشقة محمود
نعم بحماس أنا شايفة أنها فكرة ممتازة الولاد هيغيروا جو ويخرجوا من روتين الدار أيه رايكم
شهاب بحدة كلنا عندنا شغل يا نعم وهو محدد الميعاد وحجز واحنا لسه مش مستعدين.
نعم برجاء لسه تلات أيام يا شهاب حاولوا توفقوا ظروفكم واللي ما يلحقش يحصلنا بعدين.
حسين بضيق بس أنا مش هاقدر أسيب الشغل حاليا وهو قال محتاج ماهي يعني كده هتسافروا من غيري.
ماهي بابتسامة أيه المشكلة على الأقل رحلة مضمونة بدل الاجازة اللي مش باين لها مجي.
حسين بضيق أنت شايفة كده براحتك.
نورا بابتسامة مشجعة وماله يا