رواية روعة الروعة الجزء الثاني الفصول من الخامس للثامن

هو أتجوز وعايش حياته متهني وأنت اللي عايشة على الذكريات.
مروة بضيق خضتيني يا سلمي حرام عليكي وبعدين بذمتك ده شكل واحد متهني.
سلمى زاجرة أنت مالك وبعدين هو في اتنين متجوزين مابيختلفوش.
مروة پشماتة قصدك ما بيخلفوش تفتكري صلاح هيفضل لحد أمتى حارم نفسه من الولاد وعايش مع واحدة عاقر.
سلمى بتهكم وأنت عملتي لها سونار بعينيكيمن كتر ما بتبصي عليهم وقررتي أن هي اللي ما بتخلفش ما هما قالوا أنهم هما الأتنين سلام بس ربنا لسه أرادش.
مروة پحقد وانت بتصدقي الكلام ده هو لو كان كده كانوا عملوا بدل العملية اتنين في خمس سنين ما كانوا صبروا.
سلمى ساخرة طيب ما احتمال هو اللي ما بيخلفش.
مروة باستنكار لا طبعا اللي أنت متعرفهوش أن دكتور ياسر زميلنا هو اللي عرفهم على المستشفي اللي هو مستشارها القانوني وعرفت منه أن الحساب بيبقى شيك من الحاج أبو الدكتورة تفتكري بقى لو المشكلة عند صلاح كان باباها هو اللي اتكفل بالعمليات ولا هو كده بيحاول يتحمل عيب بنته.
سلمى بنفاذ صبر حتى لو كده ملكيش دعوة هما حريين.
مروة پشماتة وأنا مالي يا ختي هو اللي شكله بيتخرب لوحده من الصبح جايبة له فطار وعمالة تتحايل عليه وهو ولا سأل فيها شكله عقل وبيفكر في مصلحته استني كده كفت عن الهمس وأرتفع صوتها موجها لصلاح ونعم أيه يا دكاترة مفطرتوش يعني.
نعم بضيق شوية وهنفطر.
صلاح بتحدي لا أنا مش هافطر عندي صداع ومش قادر.
مروة بلهفة سلامتك يا دكتور أنا هاطلب قهوة أطلب لك معايا.
تفتكروا نعم ممكن تتخلى عن أهلها ولو رفضت يا ترى صلاح هينفذ تهديده
لا اله الا الله
الحلقة السادسة
مروة بلهفة سلامتك يا دكتور أنا هاطلب قهوة أطلب لك معايا.
انعقد حاجبي نعم پغضب لفت نظر صلاح الذي كاد يرفض عرضها ويحرجها كما اعتاد كلما فرضت نفسها عليهما ولكن غيرة نعم الواضحة أوحت له باستخدام مروة للضغط على نعم لترضخ لأوامره وتنصاع لرغبته كما اعتاد منها دائما.
صلاح بابتسامة يبقى كتر خيرك فعلا يا مروة عزومة جت في وقتها.
مروة بسعادة أنت تؤمر يا صلاح احنا زمايل دراسة قبل الشغل ولا نسيت.
صلاح بعبث ودي برضه حاجة تتنسي.
كان يتحدث اليها وهو يتماسك الا ينفجر ضاحكا على سذاجتها وسعادتها للطفه معها وكذلك لسعادته لتحقيق هدفه حيث كانت الدموع تلتمع بعيني نعم ويحتقن وجهها ڠضبا وكان هذا عقابه لها على رفضها لطلبه وعلى تمسكها بغيره حتى لو كانوا أسرتها.
في أحد العقارات القديمة بمنطقة راقية
دلفت مروة لشقتها ببطء تود لو ماعادت إليها فقد سئمت وحدتها وذلك الصمت المحيط بها وضعت حقيبتها على المنضدة وهي تلقى بنفسها على الأريكة بجوارها.
ابتسمت بسعادة وهي تسترجع ذلك الحديث الذي تبادلته معه أثناء تناولهما القهوة معا مازال يتمتع بخفة الظل وسرعة البديهة كما كان دائما تحسد تلك التي تشاركه حياته فلطالما كان فتى أحلام الكثير من البنات وهي منهم بل أنه فضلها في يوم على الجميع ولكنها هي التي أضاعته من يديها يوم أن استمعت لنصائح أمها التي أضاعت حلمها منها لتجري وراء سراب أقنعتها أمها بحقيقة وجوده متمثلا بابن شقيقتها العائد من دول الخليج.
فلاش باك
دخلت مروة من جامعتها متجهمة القت بكتبها فوق المنضدة وهي تلقى بنفسها على الأريكة بجوارها.
سيدة باهتمام مالك يا ميرو جاية شايلة طاجن ستك ليه مين اللي مضايقك.
مروة پقهر الزفت بابا صلاح.
والدتها باستنكار وده شوفتيه فين.
مروة بارتباك صلاح ليه يومين مجاش وتيتا كانت وحشاني قوي قولت أروح أشوفها وأطمن عليه بالمرة.
والدتها بتهكم تيتا برضو هي اللي وحشاكي المهم أيه اللي حصل هناك ومال أبوه ومالك.
مروة بضيق تيتا قالت أنه أكيد ما بيجيش الجامعة لأن بابه خرشم له وشه.
والدتها بحنق هو الراجل ده مش هيتهد أبدا مش كفاية اللي كان عامله في أمهم الله يرحمها ده غير الجوازة السودا اللي راح أتجوزها.
مروة بحنق تيتا بتقول أن صلاح وهو راجع من الكلية لاقى ناس بتفرش عفش في الشقتين الفاضيين.
والدتها باستنكار مش دول الشقتين بتوعه