رواية روعة الروعة الجزء الثاني الفصول من الاول للرابع

و نورا أمك بالرضاعة والبنات أخواتك وده طبعا متغيرش فيه حاجة موجها كلامه لابنتيه اطلعوا أنتم دلوقتي وزي ما قولتكم بكرة هنتكلم عايز أقعد مع حسين شوية.
تحركوا للخروج ببطء فأردف مستوقفا شهاب.
محمود بهدوء شهاب ثانية واحدة عايزك.
شهاب بأدب أؤمرني يا عمي.
محمود بامتنان شكرا يابني طول عمري عارف أنك راجل بجد بس كمل جميلك وخليكم مع نعم لحد ما تدخل شقتها وتتأكدوا أن صلاح فوق وأسف يا بني أننا بوظنا لك عيد ميلاد بنتك.
شهاب بحب أنا اللي يشرفني أنك تعتبرني ابنك ياعمي ومتقلقش عربية صلاح قدام العمارة عن أذنكم.
محمود بحب اتفضل يا بني. 
أمام باب شقة نعم
نعم بتوتر صلاح صلاح.
صلاح ببرود أنا في المطبخ يا نعم.
نعم بارتياح أهو هنا يا جماعة اتفضلوا انتم كمان عشان تستريحوا.
نغم وشهاب تصبحوا على خير.
اغلقت الباب خلفها بهدوء ودخلت الي المطبخ بخطوات مترددة.
نعم بتردد بتعمل أيه يا حبيبي.
صلاح بسخافة باعمل قهوة.
نعم باضطراب طيب ارتاح وأنا اعملها لك.
صلاح بتهكم تفتكري حد فينا ممكن يرتاح بعد اللي حصل النهاردة.
نعم بدفاع بابا أكد أن فيديو ماما اللي الست قالت عليه صورته لها واحدة صاحبتها من وراها وهي بتقيس هدوم بتحريض من واحد كان بيحب ماما واتقدم لها وهي رفضته وصاحبتها دي اعترفت بكل حاجة واتحكمت كمان بعد ما ماما بلغت عنها وماما طول عمرها ست محترمة ده غير أن بابا قال أن معه رقم القضية محركة رأسها بتأكيد وهيدهوني بكرة القضية من الاجندة اللي في خزنة المعرض ونشوف ظروف القضية بنفسنا واظن دي شغلتنا المهم اننا ما نتكلمش مع ماما ولا قدامها في موضوع القضية دي لان بابا قال أنه مش هيسمح لأي حد يفتح الموضوع ده تاني.
صلاح بتهكم وياترى هيسمح لنا نتكلم في موضوعه هو كمان ولا هو ناوي يقفل على كله.
نعم بتوتر هو قال أن الموضوع مش بالشكل اللي الست دي صورته و أنه هيحكي لينا كل حاجة بالتفصيل بس مش دلوقتي عشان هو تعبان وكمان قلقان على ماما ولازم نراعي ده.
صلاح بتهكم خلاص نستنا نشوف هيقول أيه ده لو عنده فعلا حاجة يقولها بټهديد بس ياريت متنسيش اننا دكاترة جامعة وأن سمعتنا اهم حاجة في مستقبلنا ودي أكتر حاجة لازم نراعيها.
أومأت له موافقة بصمت تحاول التماسك للسيطرة على تلك الدموع التي ټصارع للنزول.
بشقة نغم
خرج شهاب من غرفة ابنته يبحث عن زوجته بعد أن وضع ابنته النائمة بفراشها ليجدها ټدفن وجهها بين ركبتيها محتضنة ساقيها بذراعيها بينما ينتفض جسدها بقوة ويعلو صوت نحيبها.
شهاب بلهفة محتضنا اياها نغم أهدي يا قلبي مينفعش كده أهدي بقى عشان نعرف نتكلم.
نغم منتحبة نتكلم في أيه هو في كلام بعد اللي حصل. 
شهاب بحنان وهو أيه اللي كان حصل.
نغم بانفعال محاولة الخروج من حضنه أيه اللي حصل عايز تفهمني أن المصېبة اللي حصلت دي مفرقتش معك في حاجة وأن أنا زي ما أنا بالنسبة لك بعد ماعرفت اللي عرفته النهارده.
شهاب بحنان مشددا احتضانه لها محتويا ثورتها بين ذراعيه بس يا نغم بس يا قلبي اهدي لو عايزة تعرفي فرق معايا ازاي اهدي وأنا هاقولك.
هدأت قليلا وبدأت بالنحيب فظل يربت عليها حتى هدأت تماما رغم استمرار دموعها بالانهمار. 
ساندها حتى وقفت وقادها بهدوء للمرآة ليقفا أمامها وهي باحضانه.
شهاب بهدوء بصي بقى اللي حصل ده مفرقش بالنسبة لك عندي في أي حاجة عارفة ليه تطلعت إليه بحيرة فأكمل مبتسما وهو ينظر لصورتها بالمرأة عشان هي دي البنت اللي أنا حبتها مش باتكلم عن الشكل وبس لا حبيت فيها كل حاجة حنانها وجنانها وعقلها وقلبها وبراءتها واللي حصل ما غيرش حاجة من ده عشان حبي لك يتغير لازم تكوني أنت اللي اتغيرتي مش ظروفك هي اللي اتغيرت ظروفك ما تفرقش معايا في حاجة الحاجة الوحيدة اللي تهمني في ظروفك أني اقدر اكون لك سند فيها.
نغم پانكسار وهي ټدفن وجهها باحضانه بس دي مش ظروف عادية دول بابا وماما وطلعوا.. ي.. يعني..
شهاب مقاطعا بحنان شششش طلعوا أيه ماما نورا وبابا حكى لنا الموضوع كله ومن غير ما يحكي أنت ممكن تصدقي حاجة زي كده عنها وبالنسبة لموضوع باباكي لو طلع حقيقي فده شئ يتحسب له مش يتحاسب عليه كلنا عارفين الناس اللي ظروفهم كده معظمهم بيبقى مصيرهم الضياع فلما هو يتحدى ظروفه ويبقى الرجل اللي احنا عارفينه احنا نحاسبه على حاجة ملوش يد فيها ممسكا بوجهها يرفعه لتواجه عينيها المنكسر عينيه وبعدين أنت نفسك ياما حكيتي لي عن جدتك نعمات وقد أيه كان بار بيها وكنتي دايما تدعي أن ولادنا يعاملونا زي ماهو كان بيعاملها أيه اللي اتغير أنها طلعت مربياه مش ولاده