رواية روعة الروعة الفصول من الثالث عشر للسابع عشر

تتظاهر بالأكل بينما هي تلهو بالطبق مد يده بملعقته لفمها فتناولتها بخجل بينما هو ينظر لها بسعادة غير مصدق لما يحدث له اليوم صحيح أنها وقد سبق وتناولت طعاما بيده بالمطعم ولكنه ظن أنها لم تستطع احراجه علنا أو أن سعادتها بالنزهة جعلتها تتغاطى عن تصرفاته ولكنهما الأن بمفردهما ېلمس بعينيها سعادة لقربه كما يسعد لقربها.
نورا بخجل وسعادة شكرا يارب الأكل يكون عجبك.
محمود بسعادة يجنن يا قلبي فتح نفسي على الأخر وعايز أكله هو وصاحبته.
نورا محاولة تغيير دفة الحديث بخجل أنت كملت الأوض بتاعتي.
محمود بسعادة شغال عليها ليل ونهار.
نورا بدهشة ليه ده المفروض أنها كانت خلصت باضطراب قبل ما يحصل اللي حصل.
محمود بمرواغة أيوه بس أنت عارفة أن الأوض كانت معمولة على مقاس شقة اللي ما يتسمى وكان لازم تتظبط وتتعدل ولا يضايقك أني عدلتها من غير ما أخد رأيك.
نورا بصدق بالعكس أنت عملت النقاشة على ذوقي وحقك الفرش يبقى على ذوقك بس نصيبك بقى أن ما تتيمى هي اللي نقته وبعدين أنا متأكدة أن ذوقك حلو.
محمود بسعادة لمراعاة لمشاعره ومجاراته بتلقيبه لسالم طبعا مش اخترت القمر.
ابتسمت بسعادة وظل هو يغازلها حتى انصرف وكلا منهما يعلو فوق سحابة من النشوة لا يصدق ما يشعر به تجاه الأخر. 
خرج من منزل حبيبته تكاد لا تلامس اقدامه الأرض من فرط سعادته يحمد الله على أن رزقه قلبها بعد طول اشتياق دلف لغرفة القبو تحت انظار نعمات المتفحصة.
نعمات بخبث ما لك يا حودة من ساعة ما جيت مش على بعضك.
محمود بسعادة يا قلب حودة يا عين حودة يا أم حودة.
نعمات ضاحكة لا والله ده ربنا استجاب دعايا والجميل شكله حن.
محمود بسعادة يا بركة دعاكي ياما أدعي لي بقى ربنا يتمم لي بخير.
نعمات بسعادة ربنا يتم لك على خير ويفرحك وسعد قلبك ويراضيك يا ابن قلبي.
محمود بحب ويخليكي لي يا احن  وأطيب أم في الدنيا.
نعمات بسعادة يبارك لي فيك يا غالي قولي بقى نويت على امتى.
محمود بلهفة بصراحة بقى أنا خلاص هتجنن مش قادر استحمل أكتر من كده وعايز الفرح النهارده قبل بكره.
نعمات ببساطة وأيه اللي مانعك شقتك وجاهزة والفرش وجاهز والفرح والدبيحة فلوسهم مع الشيخ أحمد يبقى تحدد ميعاد الفرح أيه رأيك في أول خميس من الشهر اللي هيهل.
محمود پصدمة ده كده حوالي عشرين يوم أنا هتجوز نورا بعد عشرين يوم بقلق تفتكري هتوافق على الجواز بالسرعة دي.
نعمات باستنكار  ولا سرعة ولا حاجة أنت من يوم كتب الكتاب وأنت قلت أنكم هتتخطبوا شهرين تلاتة عقبال ما تجهز وبعدين تحدد الفرح على طول وأديك جهزت وكل حاجة تمام هتستنى أيه بقى تحب أنا اروح اتكلم مع أمها.
محمود باضطراب لا بلاش هي اصلا متعقدة من الحموات أن شاء الله بكرة اتكلم معها وربنا يستر.
نعمات بحنان متقلقش يا قلبي طيب أن قلبي حاسس أنها هتوافق وتفرح كمان.
ابتسم بتوتر دون رد وهو يتمنى أن يصدق أمه فلن يحتمل رفضها له بأن أدخلته اليوم لجنة رضاها.
اليوم التالي بمنزل نورا
احست بتوتره منذ حضوره وشعرت بتردده باخبارها بأمر ما قررت أن تبادره هي بالحديث فبالامس اڼهارت الحواجز بينهما ولن تتركها تبنى ثانية.
نورا مداعبة مالك يا حودة من ساعة ما جيت وأنت مش على بعضك شكلك عامل عاملة.
محمود بقلق عاملة أيه بس يا نوارة.
نورا ضاحكة لتكون اتجوزت علي ولا حاجة.
محمود بلهفة مش لما اتجوزك الأول ابقى اتجوز عليكي.
نورا مشاكسة يا نهار أسود يعني أنت ناوي عليها بس مستني نتجوز لا خلي بالك أنا ابويا جزار ومعنديش أكتر من السواطير.
محمود بحب تفتكري بعد ما كنت مش ناوي اتجوز غيرك وأنا عارف أنك مش لي ممكن اتجوز غيرك بعد ما ربنا استجاب دعايا وكتبك من نصيبي.
نورا بخجل ربنا دايما يكتب لك الخير بس قولي بقى أيه اللي شغلك من أول ما جيت.
محمود بسرعة وتوتر مزيحا حمل على عاتقه   يوم كتب الكتاب احنا اتفقنا أننا نتخطب شهرين تلاتة عقبال ما اجهز ودلوقتي كل حاجة جاهزة بتلعثم وكنت عايزك تشوفي ميعاد يناسبك الشهر الجاي بحزن بس لو مش عايزة دلوقتي نأجلها لحد ما...
فوجئ بها تنهض من جانبه بسرعة متجهة لغرفتها لتقف على بابها وبعينيها تلمع السعادة وعلى ملامحها أيات الخجل لتصيح قبل أن تغلق الباب خلفها.
نورا بخجل يا ماما تعالي محمود عايزك.
لم يصدق رد فعلها لېصرخ بسعادة يا بركة دعاكي ياما.  
كان الإعداد لفرحه على قدم وساق كان وقته مزدحما ما بين عمله وتأثيث شقته لكنه لم يتكاسل يوما عن زيارة محبوبته رغم إرهاقه فتعبه كله ينتهي برؤيته للحماسة بعينيها وهو يخبرها بخطواته لإنهاء عشهما السعيد