رواية روعة الروعة الفصول من التاسع للثاني عشر

بيت نعمات القديم ويعني هتبقى تقيلة قوي عليها أنها تدخل البيت اللي ابنها ماټ فيه فلو عجبك البرج ده هاستسمحها وربنا يصبرها بس لو مش فارق معكي فالأحسن نخلينا في البرج التاني.
نورا براحة لمراعته لشعور الأخرين لا مفيش مشكلة خلينا في البرج التاني.
محمود بسعادة ربنا يكرمك ويريح قلبك زي ما ريحتي قلبي أصلي بصراحة كنت مش عايز اضايقك وكمان مش عايز اقلب عليها المواجع  باهتمام طيب شوفي بقى هتيجي امتى تتفرجي عليهم هما زي بعض بالظبط بس واحدة في الثاني والثانية في الثامن.
نورا باضطراب لا ملوش لازمة بدل هما واحد هتفرج على أيه.
محمود بحزن طيب على الأقل قولي تحبي تسكني فوق ولا تحت.
نورا بتفكير لا خلينا فوق أحسن بعيد عن دوشة الحارة والرزع والخبط.
محمود مصطنعا الحزن بشكل مضحك كده يعني ينفع تبقي بتكلمي اكتر واحد بيخبط في الحارة وتقوليها في وشي وتكسري بخاطري.
نورا بابتسامة تحاول مدراتها هاروح أشوف ماما خلصت العشا ولا لسه.
تحركت بارتباك باتجاه المطبخ ليظهر حزنه الجلي على وجهه.
محمود هامسا بحزن يارب قرب البعيد وازرع حبي في قلبها.
بشقة نورا بعد يومان
نورا بابتسامة مبروك.
محمود بسعادة الله يبارك فيكي مبروك علينا سوا.
نورا بابتسامة الله يبارك فيك.
محمود بحماس بعد ما نقعد شوية اخدكم وننزل نتفرج عليه.
نورا باضطراب لا روح أنت وماما أنا مش قادرة.
محمود برجاء ليه بس يا قمر ده خطوتين بس والعمارة فيها اسناسير.
كادت أن تخبره بأنها اصبحت تخشى النزول الى الشارع منذ مع حدث معها بذلك اليوم ولكنها آبت أن تطلعه على هشاشتها النفسية صحيح أن نظراتها له تغيرت وآلفت صحبته وزياراته اليومية ولكن ليست هي من تكاشف أي أحد بضعفها وانكسارها لذا اعتادت تغليف نفسها بالتعالي والآنفة.
نورا بتآفف لا مليش مزاج أنت مش اشتريتها وخلاص هبقى أشوفها لما تتفرش.
محمود بحزن براحتك يا نوارة.
شعرت بغصة لتسببها بحزنها وأنطفاء الفرحة التي كانت تلمع بعينيه منذ قليل.  
نورا بابتسامة عارف أني أنا اللي عملت العشا النهاردة.
محمود بسعادة بجد عشان كده حسيت وكأن دايب فيه سكر.
شعرت بالدهشة من رضاءه السريع وسعادته البالغة بأي لمحة لطف منها تجاهه لتشعر أنه بالفعل يحبها منذ زمن كما أخبرها فالمحبين فقط هما يبتلعون أخطأنا ولو كانت قاسېة كالحجارة. 
في الورشة
يعمل محمود بجد على ص تشكيل إحدى قطع الخشب بواسطة ماكينة ضخمة
خالد بود سلامه عليكم ياحوده بعت أنك عايزني أؤمرني يا غالي.
محمود بود عليكم السلام تسلم ياغالي قاصدك في شغلانة على السريع.
خالد بصدق أؤمر يا حودة أي خدمة.
محمود باهتمام فاكر لما جيت هنا تتكلم مع سالم المحامي في الوان النقاشة بتاعت شقته. 
خالد بضيق ايه لازمتها السيرة السودا دي هو وأمه طلعوا عيني وفي الأخر طهقوني عقبال ماخدت حقي.
محمود بضيق ما يولعوا الاتنين باهتمام فاكر وقتها نورا بنت حسين الجزار اختارت الوان الأوض والولية العقربة نشفت دماغها وخليتك دهنت على مزاجها فاكر بقى الألوان اللي نورا اختارتها ساعتها.
خالد بفهم اه صحيح الف مبروك ربنا يتمم لك بخير أيوه فاكرها.
محمود بسعادة خلاص عليك بقى تاخد مفتاح الشقة الجديدة وتسلمهاني زي ما هي طلبتها ساعتها بالظبط.
خالد بابتسامة أنت تؤمر ياحودة أخلص الشقة اللي في ايدي وعيني لك.
محمود بابتسامة تسلم كده كويس قوي أهو أكون ركبت السيراميك. و أول ما تخلص الشغل اللي في ايدك تبدأ عندي علطول بإذن الله.
بشقة نورا
محمود بسعادة الحمد لله خلاص كده الصنايعي جه خد المقاسات و عمل مقايسة و قال لي هنحتاج كام متر سيراميك بكرة ولا بعده بالكتير وهانزل اشتري السيراميك وأول ما يركبه النقاش هيبتدي شغل في الشقة أنا متفق معه على كده.
زينب بسعادة ربنا يملاها بركة ويكرمكم ويتم فرحتكم على خير.
نورا بغيظ مبروك.
محمود بخبث طيب مفيش كوبية شاي من ايدك الحلوة على الأخبار دي.
زينب بود طبعا يا حبيبي قومي يا نورا أعملي الشاي لخطيبك.
نورا بضيقحاضر.
تحركت على مضض لتبدأ بإعداد الشاى وهي تغمغم بحنق قعد يقول لي دي شقتك أنت وأنت