رواية شيقة 11 الفصول من الاول للخامس

انتي امها 
قالتله بحزن لاء اختها ماما ماټت وهي بتولدها
بصلها الدكتور بحزن علي حالها وقال طيب خالي بالك منها هي عندها نزلة شعبية اديها العلاج بأنتظام وهي السخنية هتنزل ماتقلقيش واشوفها بعد اسبوع عشان اطمن عليها واكتبلها علي كالسيوم عشان ضعيفة 
شكرته ندى ومشيت هي والست امينة
امينة انا معرفش هي تعبت مرة واحدة ازاي كده انا اټخضيت عليها اووووي 
ندى بصتلها وحست فعلا انها خاېفة علي اختها وقالت اكيد خدت برد لما نزلت بيها بدري يلا الحمدلله وباست اختها وقالتلها انا استأذنت بدري وهخدها معايا بعد اذنك
امينة قالتلها ماشي ولا يهمك المهم صحة نداء ربنا يعلم حبتها قد ايه
شكرتها ندى ومشيت هي واختها بعد ماكلمت المدير تاخد باقي اليوم اجازة ووافق
رجع اياد بعد ماندى مشيت وكمل اليوم مع اصحابه وهو شغلاه البنت اللي كانت بتغني ورجع البيت قعد مع امه شوية وطلع اوضته وبعدين بص المراية ومسك السلسلة باسها 
وقال وحشتيني ياندى اووووووي من ساعت مارجعت من الصفر من ٥سنين وروحت عند البيت القديم ولقيتك عزلتي وانا بدور عليكي ومش عارف الاقيكي بس اكيد هلقيكي مش هسكت
سرح شوية وجه في باله البنت اللي كانت بتغني وقال هي ليه معلقة معايا ياتري انتي مين وحكايتك ايه انا هروح المطعم تاني بكرة يمكن اشوفها واعرف هي مين
فاق اياد من سرحانه ودخل الحمام اتوضي وصلي فرضه ونام
عند ندى في البيت
ندى بعد ماروحت بأختها وغيرتلها وادتها العلاج لقت الباب بيخبط راحت تفتح لقت جميلة صاحبتها
جميلة پغضب انتي ازاي تمشي من غير ماتقوليلي كده اروح الحمام وارجع مالقكيش وأسأل يقولو اختها تعبت ومشيت
ندى طيب ادخلي هتفضلي تزعقي علي الباب
دخلت جميلة وهي متغاظة من ندى بس ندى هدتها وحكتلها اللي حصل وجميلة اطمنت علي نداء وقعدو مع بعض شوية 
جميلة ماتزعليش اني اتعصبت عليكي انتي عارفة انا بحبك وبخاف عليكي ازاي ربنا يعلم انتي بنسبالي اختي مش صاحبتي
جميلة وحيدة ومن ساعت ما عرفت ندى في الثانوية وهي بالنسبالها اختها وام جميلة وابوها بيحبوها اوووي وبيسبوها تروح عندها عادى
ندى مش زعلانة طبعا انا فاهمة ومقدرة خۏفك علينا ربنا يخليحي ليا
فضلو شوية مع بعض وبعدين جميلة مشيت وندي دخلت اطمنت علي اختها وخدتها في  ونامت
نزلت جميلة من عند ندى وهي ماشية بعيد شوية عن بيت ندى كان في عربية هتخبطها بس لحقت نفسها بسرعة ووقعت علي الرصيف قامت وعدلت نفسها ومن غيظها مسكت طوبة وحدفتها جت في الفانوس بتاع العربية واتكسر
وقالت اتكسر احسن يستاهل
وعلت صوتها شوية وقالت حمار بيسوق
ومشيت وفاجئة لقت صوت فرملة جامد بصت لقيت نفس العربية لفت ووقفت جانبها ونزل اللي سايق 
وقال انتي ايه اللي عملتيه ده وكمان بټشتمي 
جميلة بشجاعة قالت مش انت اللي غلطان وكنت هتخبطني فأنا مغلطش انت فعلا حمار بيسوق
برق بعنيه من وقاحتها والجراءة اللي هي فيها وقال هو انتي واخدة حبوب شجاعة يابت ولا ايه مش خاېفة
بصتله جميله من فوق لتحت وقالت بقرف هخف منك انت ليه ان شاءالله بتنور في الضلمة ولا ايه
قالها ايه يابت الخفة دي لاء ياختي مش بنور في الضلمة بس ممكن اديكي قلمين علي وشك ده وبعدين اللي يشوفك ويشوف لبسك يفكرك قطة مغمضة
جميلة كانت محجبة ولبسها زي ندى واسع وشيك
قالتله لاء قطة بتخربش وابعد عن وشي بقي ده ايه البلاوي اللي بتتحدف علينا دي ياربي
قالها لما اكون بكلمك تقفي وتستني الاذن اني اقولك تمشي يابلوة انتي 
جميلة ليه مفكر نفسك ابن بارم ديلو ياخي اتنيل غور من وشي
بحلق بعنيه وقالها انتي مچنونة والله
جميلة بصتله وقالت جن لما يلغبطك يابعيد
قال وهو متغاظ علي فكرة بقي انا مش هسيبك اللي لما نطلع القسم واعملك محضر بسبب العربية اللي كسرتيها
جميلة معاك عنوان القسم ولا اقولهولك ياظريف وبعدين انا كمان هعمل فيك محضر بالتعدي علي انثي
قالها بقرف هي فين الانثي دي ده بس الحجاب اللي يدل علي كده لكن غير كده انتي مالكيش علاقة بالانوثة 
وضحك
جميلة بغيظ ماشي هتشوف الانثي اللي بتتريق عليها دي هتعمل ايه
قالها بزعيق ولا تعرفي تعملي حاجة عشان انا كريم الاسيوطي يعني لو حطيتك في دماغي انسفك انتي فاهمة.
جميلة كانت عارفة حكاية