رواية شيقة 11 الفصول من الاول للخامس

لو هتخلص العصر انا مش هحضرها انتي عارفه لسه ورايا شغل البيت
بصت لها جميله بزعل علي حال صاحبتها القريبة منها اووي وقالتلها خلاص لو تحبي امشي انتي وانا هكتبلك المحاضرة واديهالك بكره ان شاءالله بس هنحضر اول محضره لدكتور وليد هيخلص الضهر
ندى لسه كانت هترد
جالها تليفون من رقم غريب ردت ندى بس كانت حاسه بضيق في صدرها وضربات قلبها سريعة وحست ان المكالمة دي مش هيجي من وراها خير أبدا وفعلا ردت ندى وكان المتصل مدير ابوها في الشغل الي اول مردت عليه قالها ان ابوها تعب جدا في الشغل ونقلوه المستشفى وجريت ندى علي المستشفى بعد ماعرفت العنوان وسابت صاحبتها وطلعت تجري زي المچنونة علي المستشفى
وصلت لقت باباها في العنايه ولقت مدير باباها الي واقف وجنبه عمال كتير بصت ليهم كلهم وحاولت تدخل لباباها وهي لسه مش مستوعبة ده كان نازل الصبح كويس جدا جدا وماكنش في اي حاجه ازاي تعب كده مرة واحدة هو ممكن يسبها زي مامتها لاء هيسبهم لمين هي واختها اللي لسه لحد دلوقتي متكلمتش ولا حتي مشيت مش معقول هيعمل فيها كده دموعها نزلت ڠصب عنها من مجرد التفكير انه ممكن يحصل
الدكتور طلع من العنايه وقالها للاسف جالنا متأخر كان عنده جالطة وامر الله نفذ
الوقت الساعات الدقايق الذكريات في اللحظه دي بتفتكر ان روحها هي الي بتروح هزت للدكتور راسها بإعتراض وهي بتقوله بصوت هربان منها 
مستحيل مستحيل مستحيل بابا يعمل كده اصلا هيسبني انا واختي لمين طيب بلاش انا هيسيب اختي لمين وهو عارف اننا ملناش في الدنيا غيره لا مش ممكن انا عايزة اشوفه خليني اشوفه هيرد عليا انت مش ندى علشان يرد عليك
ودخلت ندى بعد ماوافق الدكتور انها تودعه لاخر مره شافته كان نايم علي السرير ومغطين وشه بملايا بيضة هي فاكره المنظر ده ده كان نفس منظر مامتها من ست شهور. هي اساسا لسه مافقتش من صدمت مۏت امها مشيت بخطوات بطيئة اوووي وهي رايحه لعنده كانت حاسة نفسها مشلوله وجسمها كله متلج بتدعي ربنا انها تكون بتحلم او يحصل زي الافلام وبابها يفوق
مشيت لحد مارفعت الملاية پخوف وضربات قلبها سريعة حست ان قلبها هيخرج من الخۏف بس للاسف خۏفها طلع حقيقة وطلع الي نايم ده باباها
وقتها ندى مقدرتش تفضل وقفه علي رجليها ووقعت علي الارض جنبه  ايده وقالتله بعتاب انت قولتلي انك مش هتسبني وهتكون ليا الام والاب انت قولت انك مستحيل تسبني طيب نداء يابابا يعني مش كفايه اتحرمت من كلمة ماما كمان هتتحرم من كلمة بابا طيب انا خاېفة يا بابا طيب هعمل ايه من غيرك رد عليا اتصرف ازاي انا لحد دلوقتي بخاف اقعد في الشقة لوحدي طيب انت سبتلي حمل تقيل اووي سبتلي نداء انت عارف اني زعلانه منك لانك خلفت وعدك معايا انت حتي ماستنتش لحد مااودعك  من دلوقتي هعيش ازاي من غيرك انت صبرت عليا مۏت ماما مين هيصبر عليا موتك انا اتكسرت يا بابا قوم بالله عليك علشان خاطر دكتورتك علشان خاطري قوم يا بابا وماتسبنيش انا لسه ماشبعتش منك ومن كلامك ونصايحك ليا يااارب الصبر من عندك يارب
دخل لها الدكتور وقال لها بهدوء وهو مقدر حلتها لازم تخلصي اجراءت الډفن علشان تحلقي تدفنيه قبل صلاة العصر والناس تلحق تغسله
حركت ندي راسها بالموفقه وهي عنيها مش عايزة تتحرك من علي باباها وهي عارفة انها مش هتشوفه تاني وفعلا وفي اقل من ساعه كان اصحاب ابوها والمدير خلاصه اجراءات الډفن والجيران عرفه من صاحبت ندى اللي عرفت في التليفون لما كلمتها وراحو لندى وكانو جنبها في المدافن لحد ما مدير شركة ابوها
قالها لازم تيجي بكرا علشان اجراء مكافأة نهاية الخدمة والمعاش يابنتي ربنا يصبركم سلام
وروحت ندي بعد ماخدت اختها الصغيرة الي مش مستوعبه اي حاجه هي بتضحك وخلاص  ندي جامد اووي وقعدت ټعيط في حضڼ اختها الصغير اللي مالهاش غيرها لحد مانامو هما الاتنين والصبح غيرت ندى هدومها ولبست اسود خدت اختها للحضانة وهي راحت شركة ابوها 
وقابلت