رواية جديدة روعة 2 الفصول من العشرين للخامس وعشرين بقلم الكاتبة الرائعة

ويخليني اثق فيك هكلم بابا وارد عليك 
اوصله شادي إلى السيارة وعاد إلى نانا في المكتب كانت تجلس شاردة 
شادي ايه سرحان في ايه
نانا بحب كلام بدر جميل قوي وافعال كمان ماتخيلتش ابدا انه سافر عشان كده. 
شادي بس انت فاهمه معنى كلامه ولا لاء 
نانا ايه اللي في كلامه مش مفهوم واحد بيقول بيحبني وعايزني معاه دنيا واخره. 
شادي بالظبط دنيا واخره والاخره عشان توصلي لها لازم تلتزمي بحاجات مستعد لده 
شادي يعني ممكن يطلب منك تلبسي الحجاب مستعده لده 
نانا بتردد مش عارفه هو لمح لده قبل كده وكلمني عن الحجاب بس ما طلبهاش مني. 
شادي ممكن يطلبها منك دلوقتي وانا حبيت افهمك قبل ما تردي وعلي فكره ده انسان ما محترم وبيحبك ودي حاجه لازم تحطيها في حسابك وانت بتفكري 
نانا هفكر وارد عليك. 
شادي طب انا هسافر دلوقتي عشان ماما كلمتني وقالت عم شوكت تعبان وعايز يشوفني فاهروح ازوره وهبقي اتصل بيكي اطمن عليكي 
خرج شادي وجلست نانا تفكر في كلام شادي 
نانا لنفسها عشان كده كان كل ما يبصلي وتيجي عيني في عينو يهرب وعشان كده كنت بحس انه خجلان من حاجه عملها حاسس بالذنب اننا خرجنا مره سوي وده كان غلط بس هل انا عندي استعداد اغير لبسي وشكلي بس هو قالي اني جميله جدا بالحجاب لازم افكر كويس قبل ما اخد قراري 
بعد عدة ساعات وصل شادي الأسكندرية وذهب لزيارة زوج والدته كما طلبت منه والدته رن جرس الباب فتحت له العامله سالها عنه فأخبرته انه في غرفته فصعد له دق الباب فسمح له بالدخول فدخل 
شادي السلام عليكم ازيك ياعم شوكت الف سلامه عليك. 
شوكت الله يسلمك يا بني انا كويس الحمد الله بس كنت عايز اتكلم معاك تعالي اقعد جنبي هنا 
وأشار علي الكرسي الذي بجواره جلس شادي علي الكرسي 
شادي خير ياعم شوكت انت كده قلقتني اكتر 
شوكت بص يا بني انا كنت عايز اطلب منك تسامحني انا عارف اني ظلمتك كتير حرمتك من ابوك غصبتك تغير اسمك وتخلي الكل يناديك باسمي بس ده كان ڠصب عنى يابني الغيره اللي عندي دي مرض وحاولت اتعالج منه لكن مفيش فايده امك اتحملتني وعمرها ما اشتكت بس كنت بحس انها تعبانه بس مش بايدي يا بني 
شادي انا مش زعلان منك كفايه انك ربتني وسط عيالك عمرك ما فرقت بيني وبينهم وتغير الاسم انا عملتها بإرادتي صحيح تحت ضغط منك بس انا مش زعلان منك اصلا حضرتك زي والدي و مراعاة لشعورك كان واجب عليا. 
شاكر كلامك ده حسسني بالذنب اكتر بس ربنا غفور رحيم وعايزك تطلب من امك هي كمان تسامحني وعايزك تخلي بالك من اخواتك لو جرى ليا حاجه انت بردو اخوهم الكبير 
ف 
شادي انت ابويا اللي رباني وعمري مازعل منك وامي انا هكلمها وهي قلبها طيب وبتحبك 
شاكر ربنا يطمن قلبك يابني زي ما طمنت قلبي
الحلقه الثانيه والعشرون
شادي ازيك يا ماما عامله ايه وحشتيني. 
رباب الحمد لله ازيك انت يا حبيبي وازي مراتك وابنك 
شادي بخير والحمد لله كلمتهم قبل ما اجي لقيتهم لسه نايمين قلت اسبهم ينامو شويه واجي اشوفك انت عمي شاكر 
رباب قولي هو كان عايزك في ايه 
شادي تعالي نقعد بره ونتكلم. 
رباب ماشي يلا كملي الاكل انت يا ام عبدو 
وكانت تنظر الي احدي العاملات في المطبخ وخرجا الاثنان معا وجلسا في البهو 
رباب هو بقاله فتره مش طبيعي ومعرفش ماله. 
شادي هو خاېف حاسس ان تعبان خليكي جنبه وهو هيبقا كويس هو طلب مني اطلب منك تسامحيه عشان موضوع الغيره بتاعته يعني. 
رباب بابتسامه وهو انا زعلت منه عشان اسامحه بص يا شادى بعد ما اطلقت من ابوك ناس كتير لاموني قالولي ربنا هينتقم منك قصاد اللي عملتيه فيه ولما جه شركت واتقدملي ولقيته طيب وحنين قولت الحمد لله  عصمت وعشان كده عمري ما كنت بلوم عليه او ازعل منه وانا كنت بزعل عشانك انت 
شادي بابتسامه وانا مش زعلان منه هو اللي رباني. 
رباب ربنا يسعدك يا حبيبي 
شادي طب انا همشي بقي. 
رباب ده اسمه كلام تمشي من غير ما تتغدي 
شادي الايام جايه كتير بس سايب ليلي لوحديها من امبارح وانت عارف