رواية جديدة مطلوبة الفصول من الثاني عشر للخامس عشر

تنظر له .... شكرااا .. وتوصل بالسلامة 
هيثم وهو يبادلها الإبتسامة .... الله يسلمك 
... سلام 
سهر بخجل .... سلام 
ليذهب هيثم ثم أغلقت الباب وهي تبتسم بحب .. فدلفت للداخل نحو جدتها الذي فتحت لها زراعيها .. لترتمي به وهي تشعر بالخجل ..
الجدة .... ربناا يفرحك يا حبيبتي ويتتملك علي خير
.................................................
مر يومااان .. ونزل هيثم وعائلته وحدد معاد مع صلاح .. وها هو اليوم الذي يذهب إليها ويحدد معاد الفرح .. نظر لإنعكاس صورته في المرآة ليتأكد من هيئته فكان يرتدي تيشرتاا باللون الأبيض وباليزر كحلي وبنطالاا من الچينز .. ووضع من عطرة الخاص وصفصف شعرة .. ثم أخذ مفاتيحه وهاتفه وإتجه لهم للأسفل .. ليتحركوا معاا لمنزل سهر ..
كانت سهر تتأكد من هيئتها في المرآة .. وكانت ترتدي بنطالا من الچنز باللون الاسود وكنزة بأكمام باللون الابيض وقد عقد شعرها علي هيئة ذيل حصان ووضعت القليل من أدوات التجميل .. فاليوم تشعر بالسعادة فهذا اليوم الذي يحدد موعد زواجها من هيثم .. لتسمع طرقات علي الباب فتعالوا نبضات قلبها لتخرج للخارج .. ثم ذهب عمها لكي يفتح .. ووجدهم أمامه ليصافحهم بود .. وصافحتهم سعر والجدة ثم جلسوا يتحدثون ..
الجد .... طبعا إحنا جايين عشان نحدد موعد الفرح 
لينظر لهيثم فتابع بخبث .... أصل إبننا مستعجل أووي 
ضحكوا علي حديثه ليشعر هو بالحرج وكذلك سهر .. بينما ماجدة تفاجأت بهذا القرار فهي أدركت إنهم جائوا لكي ينهوا كل شئ ..
إبتسم صلاح بتوتر .... كده مممكن نتسرع .. وكمان الأولاد علي ما أعتقد لسه ماعرفوش بعض كويس 
نظر له هيثم وشعر بالڠضب فهو يود أن ينهض ويضربه عما فعله بسهر ولكن هدأ نفسه .. فنظر لجده وهو يقول إحتراماا له .... بعد إذن حضرتك يا جدي .. أنا وسهر عارفين بعض كويس وكماان مع العشرة هنعرف بعض أكتر 
صلاح و تفاجأه من رده .... تمام أنا موافق .. إمتي 
الجد بجدية .... ممكن بعد إسبوعين .. الخميس إللي جاي لا إللي بعده 
تدخلت الجدة رقية في الحديث .... بس ده بسرعة أووي وإحنا لسه مالحقناش نجهز حاجه 
الجد بجدية .... إحنا يا حاجه مش هنتخلف .. إحنا بس عايزنها بشنطة هدومها 
جاءت أن تتحدث ولكن قطعها هيثم برزانة .... أنا عارف يا تيتا إنك تتمني تشوفي حفيدتك متجهزه من كلة .. بس ده مالوش لازمه لأننا نعيش في القصر .. وكفايه شنطة هدومها بس 
تنهدت الجده وقد تفهمت مقصده .... ماشي يا بني علي خيرة الله 
الجدة مديحة بإبتسامة .... ماتخافيش عليها ياحاجه .. هتبقي في عنينا والله 
الجدة رقية .... ربنا يخليكي يا حاجه وأنا مش خاېفه ومطمنه لأنها ربنا رزقها ببيكوا 
إبتسموا لها .. 
صلاح .... طب المهر والمؤخر 
زفر هيثم بضيق .. ليقول الجد بجدية .... علي ما أعتقد إننا إتفقنا يا صلاح علي المهر وإن هيثم هيكتبلها خمس مليون في حسابها .. ول حصل أي حاجه أنا موجود وأكيد مش هناكل حق حد 
إبتسم له .. بينما سهر كانت تشعر بالحرج من تصرف عمها وكذلك جدتها .. ليتحدثوا في أمور عديدة ويتفقون عما سيفعلوة ..

الفصل الخامس عشر 
في غرفة ما بداخل إحدي الفنادق المشهورة .. إنتهت الميكب أرتست من وضع اللمسات الأخيرة لها .. ثم إرتدت ثوب زفافها الذي أحضرة لها من أجلها وقد أعجبت بزوقه .. نظرت لإنعكاس صورتها في المرآة وهي تتأمل هيئتها بفستان زفافها الأبيض الذي تحلم به أي فتاة .. إرتسمت إبتسامة هادئة علي ثغرها فهي بعد قليل ستصبح ملكا له فقط رغم إرتباكها من الزواج غطي عليها فرحتها بالزواج منه فهو شخص مثالي تتمناه أي فتاة ذو قلب طيب وحنون لم تراها في شخص من قبل .. تنهدت سهر لتستدير نحوهم وهم يتطلعون عليها بإعجاب وإنبهار شديد من هيئتها .. إبتسمت لهم بتوتر ..
سهر .... إيه حلوة ولا لا 
نهي بإنبهار .... قمر يا سوسو والله .. ماشاء الله عليكي .. أحلي عروسة شوفتها 
سهر بخجل من غزلها .... ربنا يخليكي يا نونو 
أميرة .... ماشاء الله عليكي يا حبيبتي قمر تبارك الخلاق 
سهر .... ربنا يخليكي يا ميرووو والله مبسوطة إنك جيتي وقفتي معاياااا 
أميرة بتأكيد .... طبعااا يا بنت مش صحبتي وفرحها إنهاردة كنت لازم أجيلك 
سهر بإبتسامة .... حبيبتي يا ميرو
بينما كانت تنظر سما لها ببرود .. فنظرت لها سهر تنظر رأيها ..
سما بتأفف .... حلوة 
إبتسمت لها بإمتنان .. 
نهي .... إحنا خلصنا بدري .. إنتوا هتعملوا فتوسيشن صح 
سهر بإيماء .... أيوة بس مش عارفة هيثم خلص ولا لا .. قال لما يخلص هيتصل بيا 
نهي بمرح .... أكيد لسه .. إنت دلوقتي إقعدي كده عشان تأكلي لأن اليوم طويييل أوووي إنهاردة ولازم تأكلي 
سهر بنفي .... بس أنا ماليش نفس 
نهي .... لا لازم تأكلي ماتكمنيش لما تروحي .. كفايه إللي شوفته من مازن ماكانش عايز يأكلني 
إبتسمت أميرة .... طبعااا لازم تأكلي ده إنت وراكي إيه ولا بلاش أقول تشوفي إنت بقي 
تفهمت مقصدها فخجلت من حديثها 
إبتسمت لها سهر فوجهت حديثها لنهي .... بس اكيد أكلتي في الأخر 
نهي .... طبعااا يا بنتي أنا مش أي حد برضوا 
تعالت ضحكاتهم جميعااا ..
...........................................
في غرفة ما في نفس الفندق ..
إرتدي هيثم حلته السوداء ووقف أمام المرآة ليتحكم من ربطة عنقه بوبيونه .. وكان معه مازن صديقة فهم أصبحوا أصدقاء بشدة فهيثم لم يمتلك أصدقاء غير شخص واحد ولكن يعيش في الخارج .. نظر له مازن ثم غمز له ..
مازن .... أيوة بقي ياعريس إنهاردة ليلتك 
ضحك برزانه علي حديثه .. ليقاطعهم طرقات علي الباب ليذهب مازن لكي يفتح .. ليري شخص أمامة فتسائل ..
مازن .... أيوة مين حضرتك 
.... هيثم موجود 
أفسح له الطريق .... أيوة إتفضل 
دلف الشخص للداخل وما إن رأه هيثم لايصدق نفسه ..
هيثم بدهشة ..... ناادر !!!
إبتسم له نادر بحب ليقترب نحوه ثم عانقوا بعض بشده وبإشتياق .. وبعده مدة دامت سنين رأه أمامة .. إبتعدوا عن بعضهم ..
هيثم .... أنا بجد مش مصدق نفسي إنك رجعت ... جيت إمتي 
نادر بإبتسامة .... يادوبك حطيت الشنط في الشقه وجيت علي هنا علي طول عشان أحضر فرح أخوياااا 
هيثم بحب .... حمدالله علي السلامة يا حبيبي .. بجد أحلي مفاجأه 
تدخل مازن في الحديث بمرح .... إيه ياعم من لاقي أحبابه نسي أصحابه .. مش تعرفنا عشان نكمل الشلة 
ضحكوا علي حديثه .. ليقول هيثم .... لا ياعم ومين قال كده .. ده نادر أعز صديق ويعتبر أخويااااا 
مازن بتعجب .... يعني إنتوا مش إخواات 
أماء رأسه نافيااا .... لا هو صديق بس أنا بعتبره أخوياااا 
مازن .... ربنا يخليكوا لبعض 
هيثم .... ويخليك يا حبيبي .. نادر ده مازن يبقي جوز بنت عم مرااتي 
مازن وهو يقترب نحوه لكي يضافحه .... أهلااا وسهلاا 
نادر بإيتسامة .... أهلاا بيك يا صاحبي 
مازن بمرح .... إشكه خلاص بقينا صحاب .. ثلاثي إنما إيه مزز والله 
إنفجروا ضاحكين