رواية جديدة مطلوبة الفصول من التاسع للحادي عشر

فراشها لاتشعر بأي شئ فهي مرهقه من تعب السفر .. ليعلن هاتفها علي إتصال فإستيقظت وجلبته من جانبها سريعا حتي لا تستيقظ جدتها .. فضغطت علي الزر لتجيب بصوت منخفض ..
سهر .... ألووو أيوه يا نهي .. لا لسه صاحية دلوقتي .. خلاص تمام عادي طب هو عمو هينزل عشان تيتا بس مش عايزه اسيبها لوحدها .. خلاص هشوفها هي عايزه إيه وأطلبلها الأكل وأخليها تتفرج علي التليفزيون .. تمام يلا بااي 
لتغلق الخط .. لتنظر للفراش الآخر المتسطحه عليه جدتها لتجدها إستيقظت وتحاول أن تنهض فأسرعت إليها سهر وساعدتها ..
سهر بأسف .... أنا أسفه يا تيتا إني صحيتك معلش 
الجدة رقية بإبتسامة .... لا ياحبيتي عادي أنا كده كده كنت هصحي .. قوليلي مين كان بيكلمك
سهر بمرح .... دي نهي كانت عايزاني أنزل معها تجيب حاجات ليها عايزه تستغل الخمس أيام دول قبل الفرح والله مش عارفة إيه الحاجات إللي ما بتخلصش دي 
ضحكت الجدة علي حديثها .... هههههه لما تكوني قربتي تتجوزي هتعرفي 
إبتسمت سهر بخجل .. فتابعت الجدة .... خلاص قومي إلبسي يلا وروحي عشان ما تتأخروش 
سهر بإيماء .... ماشي.. طب إنت هتعملي إيه عمي قاعد تحت لو عايزه تنزلي معايا تقعدي معاهم 
هزت الجدة رأسها نافية ..... لا لا مش قادرة خليني هناا أتفرج علي التلفزيون وخلاص لحد لما تيجي لو عايز يطلع يطلع 
سهر .... خلاص ماشي أطلبلك أكل بقي عشان إنتي ماكلتيش حاجه وعشان علاجك 
الجدة بإبتسامة .... ماشي روحي بس إنت إلبسي وإبقي أطلبي وأه ما تنسيش تبلغي هيثم إنك نازلة 
سهر بتذكر .... تتصوري كنت هنسي 
الجدة وهي تقوم بمغازلتها .... يابت عليا الكلام ده برضوا إنتي ھتموتي وتكلمية دلوقتي 
شعرت بالخجل الشديد وقد إحمرت وچتتيها .. فرأتها جدتها ..
الجدة بضحك ..... هههههه خلاص خلاص روحي يلا إلبسي وكلمية 
سهر بنفس تلك الحالة .... ماشي 
لتذهب سهر سريعا من أمامها فأخذت تضحك عليها جدتها .. ذهبت للمرحاض لتنعم بحمام هادئ وما إن إنتهت ذهبت لخزانتها لتنظر للملابس وهي تبحث عن شئ ترتديه .. فقررت أن ترتدي بنطالاأسود وتيشرتا بنص كم أبيض اللون وحذاء رياضي مريح في اللبس أبيض وقد عقدت شعرها علي هيئة كعكه كما تفعل .. لتنظر للمرأة وتتأكد من هيئتها فلا تضع أي شئ فإكتفت القليل من الروچ .. لتخرج لجدتها فنظرت لها ..
الجدة رقية .... ماشاء الله عليكي يا حبيتي 
سهر بحب .... حبيبتي ياتيتا .. أنا أروح اطلبلك الأكل وأبقي أكلم هيثم 
أماءت الجدة رأسها بإيجاب لتذهب سهر نحو الهاتف وقامت بمهاتفته وطلبت عما ستريده ثم أغلقت .. فوجهت حديثها لجدتها التي تشاهد التلفاز ..
سهر .... تيتا أنا طلبت وشوية وهيجوا أنا هقوم أكلم هيثم عشان أقوله 
إبتسامة لها الجدة .... ماشي يا حبيبتي 
لتتجه سهر نحو الشرفة وجلبت الهاتف وقامت بمهاتفته ..
هيثم .... الو 
سهر بخجل .... الو يا هيثم مساء الخير
هيثم بإبتسامة .... مساء النور إيه لسه صاحيه 
سهر ... من شوية كده 
هيثم .... نمتي كويس 
سهر .... أيوه .. أنا إتصلت بيك عشان أستأذنك إني أروح مع نهي نجيب حاجات وكده 
إبتسم علي حديثها فهي بمعني الكلمة رقيقة في حديثها ..
هيثم .... تمام ياسهر 
شعرت بالسعادة .. لتقول بتساؤل .... هو إنت روحت ولا لسة 
هيثم بنفي .... لا لسه ورايا شوية حاجات كده أخلصها وأروح 
سهر .... تمام توصل بالسلامة إن شاء الله 
هيثم .... الله يسلمك 
سهر .... إحم طب أنا هنزل بقي عشان ما أتأخرش علي نهي 
هيثم .... تمام لو خلصتي إبقي كلميني 
سهر .... تمام ماشي يلا باي 
هيثم .... باي 
لتغلق الخط وهي تتنهد لتذهب لجدتها .. وفجأة وجدت طرقات علي الباب لتتجه نحوه وقامت بفتحه لتجد أمامها شخص ويحمل الطعام فأفسحت له الطريق ثم دلف ووضعه أمام جدتها ليخرج بعدها لتنظر لجدتها ..
سهر بمرح .... أنا هنزل بقي أحسن زمان نهي ھټموټني 
ضحكت علي حديثها وهي تقول ..... هههه اه إنت هتقوليلي ربنا معاكي 
لتبادلها الضحكة .... يااارب مانتسيش تاخدي العلاج بعد الأكل 
أماءت رأسها بإيجاب .. فأكملت .... يلا باي ياقمر
ثم قبلتها في وچنتيها بحب ..
الجدة رقية بحب .... باي يا حبيبتي 
لتذهب سهر بعد أن أخذت حقيبتها وإتجهت للخارج .. لتنزل للأسفل فتجد نهي واقفه تنتظرها ..
سهر بإبتسامة .... مساء النور 
لتجيبها نهي فقط ... مساء النور إيه يا ستي كل ده تأخير 
سهر بأسف .... اسفه جدا يا نهي لحد لما قومت وجابوا تيتا الاكل ده حتي أنا سيباها بتاكل فوق من غير ما اصبر واديها العلاج 
نهي بمرح .... عشان خاطر تيتا حبيبي قلبي بس يلا يا ستي عشان نلحق 
إبتسامة سهر ..... ماشي قوليلي صح هي سما مش هتيجي معانا 
نهي بأسف ... لا قولتلها قالتلي روحي إنت قولتلها تعالي إتمشي معانا قالتلي لا ماليش نفس روحت سببتها براحتها 
سهر .... مممم ربنا يهديها يلا بينا 
فخرجوا خارج الفندق ثم قاموا بإيقاف سيارة