رواية اعتراف الفصول من الاول للثامن بقلم الكاتبة الرائعة

اما دخلت راحت لدعاء وقفت جنبها .. ادم عينه عليها وامينه ملاحظه بس ساكته مش وقت كلام
ادم ماما هروح لفؤاد 
امينه روح
اسما كانت فرحانه اوي لدعاء.  وادم عينه عليها.  جت اغنيه وقام الكل يرقص.  
ادم اقعدي في حته 
اسما انت مالك
ادم لا ليا.  عمال تدلعي  وفي شباب  واقفين.  
اسما  خلي عندك ډم.  ومتتكلمش معايا تاني. 
ادم وشه احمر من الڠضب. وبصلها بغيظ ومسك ايديها خدها بره القاعه ووقفها قدمه
اسما انت ايه اللي عملته ده... مش من حقك تمد ايدك وتسحبني وراك كده . انت بتجر جاموسه
ادم لو مسكتيش هسكتك بطريقتي ومش هتعجبك 
اسما باستهزاء  وهتعمل ايه
ادم هعمل حاجه نفسي اعملها 
اسما كشرت 
ادم قرب منها وهو مركز علي شفايفها.  هي برقت وبحركه لا ارديا حطت ايدها علي شفايفها 
ضحك ... وهي بصتله ونزلت ايديها
اسما انت قليل الادب.  
ادم ربنا يسامحك
اسما ضړبت الارض برجليها من الڠضب.  ودخلت جواه وهو دخل وراها. 
كل اما تتحرك يبصلها . ترجع تقف مكانها
اسما لنفسها انا بسمع كلامه ليه . هو مين اصلا. 
مسكت ايد دعاء ورقصت معاها.  وهو عينه هتطلع عشان تقف ساكته وهي بتضحك بانتصار. 
ادم بيحرك شفايفه اقعدي . ما ترقصيش
هي بتبصله من فوق لتحت ومكامله رقص
البنات كتير  اتجمعو جنب ادم واتصورو معاه.  وهي حاسه بغيره وقفت تراقبه . كان مشغول بص علي مكانها ملقهاش . واقفه ... بيدور بعينه لحد اما لاقها واقفه بعيد وبتبص عليه ابتسم ليها وشاورها.  وهي اتجاهلته وراحت قعدت جنب امها اللي بتتفرج عليهم وهي بتضحك. 
امينه مش واقفه  ليه مع دعاء 
اسما عادي .
امينه الواد ادم زي القمر بالبدله . ربنا يحميه لشبابه
اسما بصتله وسرحت فيه وابتسمت بهدوء 
اسما   ربيع بردو كويس
امينه بتقولي ايه 
اسما ماما هو انتي مش بتحبي ربيع
امينه هو شاب كويس . بس هيخدك ويسافر اما تتجوزي اكيد لان شغله هناك 
اسما بس انا عمري ما هسيبك
امينه هو متجوزك بامك.  لازم هتسبيني.  

اسما فكرت في الموضوع انها لو اتجوزت ربيع هتبعد عن امها وهي ملهاش غيرها هي اللي ربتها بعد مۏت بابها
اسما مسكت ايدها وباستها مش هقدر ابعد عنك
ادم راح قعد جنبهم.  امينه كانت بتمسح دموعها حب يهزر معاها  ماما  تعالي نرقص سلو
امينه ضحكت  انت فايق يا ادم 
ادم فيها ايه.  مش عجبك
امينه ده انت تعجب القمر.  بسم الله ما شاء الله عليك
ادم ربنا يخليكي ليا . يا امي  باس ايديها
امينه بصت لبنتها واسما فهمت ان مامتها بتوريها الفرق بين ربيع. وادم .  
الفرح خلص .   وادم خد اسما وامينه ورجعهم البيت
امينه تعال ياادم اطلع عايزه اتكلم معاك 
ادم حاضر
طلعو واسما دخلت علي اوضتها علي طول من غير كلام .  ادم بص عليها وهي ماشيه وسرحان فيها .
امينه من امتي
ادم هو ايه 
امينه بتستهبل صح 
ادم ضحك مش عارف من امتي بس اللي اعرفه اني  بحبها
امينه مقولتش ليه
ادم بنتك كل اما احاول اقرب منها تبعد عني . 
امينه وبعدين
ادم بحبها وعايز اتجوزها 
امينه ضحكت مجتش ليه اتقدمت
ادم بفرحه بجد . هتوافقي
امينه وموفقش ليه.  هو انا هلاقي زيك.
ادم  كنت خاېف لترفضي. .عشان انا كنت متجوز . مستقبلي مش مضمون . حاجات كتير
امينه المستقبل بايد ربنا هو اللي قادر يفتحلك ابواب الرزق . زي ما ربنا هو الهادي.  فهو كمان اسمه الرزاق
ادم ونعم بالله
امينه . انت راجل عارف كنت هرفض امتي لو انت لسه متجوز وعلي زمتك . مكنتش هقبل ان بنتي تخرب بيتك
ادم اصلا هي اتجوزت . 
امينه ربنا يهديها.  انت زعلان انها اتجوزت
ادم لا طبعا. انا بس مستغبي نفسي.  مش عارف ازاي كنت متجوزها.  .  
امينه ربنا ليه حكمه وهو واحده عالم بيها
ادم انا عايز اتجوز اسما.  ونعيش كلنا مع بعض.   انا هبيع البيت بتاعي واشتري واحد تاني  علي زوقها وزوقك
امينه وانا مالي يا بني دي حياتكم 
ادم وانتي فاكره اني هخليكي تبعدي عني.  ده انا هتجوزها عشانك انتي
امينه يا  نصاب
ادم انتي الحب الاول والاخير. 
امينه ربنا يسعدكم يا بني . انا هكلمها
ادم ماشي.  هنزل بقي انا . تصبحي علي خير 
امينه وانت من اهل الخير يا حبيبي ...
نزل ادم وهو فرحان حاسس ان الحجر اللي علي صدره وقع . 

امينه دخلت لاسما .   كانت اسما نامت.   
عدي اليوم ..    والكل نام في اماان وسلام