رواية بسبب الشبه الفصول من الثالث عشر للسادس عشر بقلم الكاتبة الرائعة

وكعب وتعمل شعرها وتاتو البنات دول توقع منهم اى حاجه
خرجت فريدة أثناء محادثتهم ولكن لم تكن فريدة أبدأ كانت نور بكل تفاصيلها 
هانى ېخرب عقلك يافريدة انتى ازاى بتعرفى تلعبى ف شكلك كدة للحظه حسيتك نور 
معتز حلو وبعدين ما عملت كدة اول يوم واول ما فتحت بؤها واتكلمت كل شئ انكشف وامل عرفتها من اول جمله 
فريدة بدءت تتكلم بأسلوب نور لا دا كان زمان اللى قدامك دى نور عبداللطيف بشحمها ولحمها 
معتز لا تون الصوت فى تقدم جامد طب يانور ياحبيبتى انتى سنانك اتكسرت ليه 
فريدة بدون تردد كنت ف مهمه ووقعت من دور عالى 
معتز كان مستغرب انتى عرفتى الكلام دا منين !!
فريدة مش قولتلك نور 
معتز پخوف طب احنا ضربنا الواد سمير الغلس دا ليه المرة اللى فاتت
فريدة بثقه عشان مشى ورايا وانا رايحه الشغل 
هانى انتى عرفتى الكلام دا ازاى يابنتى 
فريدة بتردد لو قولتلكم توعدونى متقولوش لنور 
معتز وهانى اوعدك
طلعت فريدة من جيبها موبايل نور نور كاتبه مذكراتها عل التليفون ولما ادتهولى حطت بصمتى عليه لقيتها بالصدفه وفتحتها كاتبه فيها كل حاجه يوم بيوم ولحظه بلحظه 
معتز نور لو عرفت هتقتلك 
هانى بفرحه المهم امل يلا نجرب 
معتز استنى بس نور لو عرفت هتبهدل الدنيا 
هانى ليه ورطه واتحطينا فيها وكدة كدة المفروض هما مكان بعض وهى موافقه من البدايه اما بقا معلومات فريدة ف دى عرفتها منى ومنكم لافى مذكرات ولا حاجه تمام يا فريدة 
فريدة تمام جدا 
هانى لمعتز ها يلا !
معتز ربنا يستر 
فتح هانى باب اوضه امل 
امل بزعيق امشى يا هانى مش موافقه ومتجيش غير ونور ف ايديك 
هانى جبتهالك 
امل يا سلام جبتها من دهب لهنا ف نص ساعه ازاى وامتى ومشوفتهاش ليه وهى داخله ! هتضحك عليا المرادي كمان وجايبلى فريدة 
دخلت فريدة من الباب لا المرادي انا بجد ياست الكل 
امل مكنتش مصدقه الشكل هو والصوت هو وطريقة الكلام نفسها بس جت امتى !! 
امل لا مش مصدقه اثبتيلى انك نور 
فريدة راحت وقفت قدامها وباست ايديها وقالت لها انا عارفه انها بتعاملك وحش بس بابا بيعاملك حلو وسيادة اللواء يستاهل نضحى بروحنا عشانه مش نيجى على نفسنا كام يوم والفرح مش بعيد دا الاسبوع الجاى يعنى هما كام يوم مش اكتر طولى بالك عليها ومتقلقيش اللى هيزعلك فيهم هتوصى بيه ف الشطه 
ضحكت امل بحب على دعابتها وحضنتها باشتياق فقد كانت تلك المقوله دعابه بينهم على مر السنين لا يعلمها سواهم فقد كانت نور تذيد الشطه فى اطباق من يضايق والدتها منذ كانت طفله صغيرة
امل وحشتينى جدا بقا كدة كل دا بعيد عنى 
فريدة الشغل شغل ولا اقعد جنبك اطبخ رز وبسله
امل لو الشغل كدة لا اقعدى جنبى مالها البسله بس انتى جيتى ازاى 
فريدة بالطيارة جيت بليل لما بابا كلمنى جيت علطول بس خلى بالك مش هينفع اطول فريدة ف خطړ اينعم سليم معاها بس مش كفايه وخصوصا انى بقيت الاعبهم على المكشوف ف الكل مستنى لحظه عشان ېغدر بيها 
امل يلهوى هو انتى بعتى البت الغلبانه دى ف وسط كل دا انت بتهزر ياهانى 
هانى الله مش قولتى عاوزة بنتى هاتولى بنتى أدى بنتك اهى اتفضلى 
امل قولت عاوزة بنتى اه بس مقولتش تضحى ببنتى التانيه وانت يامعتز ازاى وافقت 
معتز كان مضايق جدا من كل اللى بيحصل انا رفضت بس من امتى وكلام معتز ليه قيمه 
فريدة كانت حاسه بسعادة وامتنان لامل أنها بجد خاېفه عليها وشايفاها بنتها ودا من امتى الحب دا كله يا اموله انا فاتنى كتير ولا ايه 
امل البنت اسم على مسمى يانور ملهاش زى طيبه وحب وقلب ابيض لا ليها ف الخبث ولا اللف والدوران حاجه كدة مش موجوده ف الدنيا واخوكى معجب بيها وشاريها وانا لو لفيت عشان احيبلكم اخت مش هلاقى زيها 
فريدة الله الله انتو بقا هنا عاملين مسلسل العائله السعيده وانا بطحن هناك خلاص بقا امشى انا وارجعهالكم 
امل هو مينفعش تيجو انتو الاتنين يعنى تقولو رايحه رحله عمل اى نيله 
نور للاسف لا بس انا مينفعش اطول هنا خالص كل حاجه ممكن تتكشف ف ثوانى 
امل قولى لابوكى منين ما اخته تمشى ابقى امشى 
هانى بردو كدة عل العموم متشكر ياستى يلا يانور نروح نجيب عمتك من المحطه 
امل لا سيبلى نور اشبع منها خد معتز يونسك 
خرج معتز وهانى وهما بيبصو لبعض ولفريدة اللى طمنتهم أن كله تمام 
امل لفريدة بقا يابت ياعبيطه انتى فاكرة انك تعرفى تضحكى عليا 
الجزء الجاى من مذكرات نور 
قريت مرة أن لكل بنى ادم قسمه ونصيب من اسمه مش عارفه اذا كان الكلام دا صح ولا