رواية بسبب الشبه الفصول من الخامس للثامن بقلم الكاتبة الرائعة

الرضى وزى ما هو يحب تمام ف المقابل سمح أنها تسكن ف بيت مستقل ومش اى بيت البيت بتاعكو القديم .
فريدة وهو صدق !
معتز لا متقلقش نور تعرف تلين الحجر بس دا طلع غلبان خالص انتى بس اللى معكيش مفاتيحه .
فريدة بعياط انت متعرفش انا عيشت ايه دا راجل قاسى معندوش رحمه .
معتز زعق فيها فاجأه على عكس توقعها 
معتز فريدة اتكلمى من غير عياط جدك مش هنا وانتى مش ضعيفه اللى تبلغ عن الماڤيا دى كلها وتساعد ف القبض عليها تبقى قويه احنا هنا بنحميكى لكن منقدرش نغيرك طول ما انتى رافضه التغير وعاوزة تعيشى ف دور الضحيه العيوطه الشاكيه البكايه المغلوبه على أمرها محدش هيقدر يساعدك .نور هتحل مكانك فترة مش طول العمر اتعلمى تواجهى لانك هتضطرى تعملى دا لأن الكل هيعرف بعد المهمه أن مكنتيش انتى اه هى هتنقلك حاجتك وتفتح بيت والدك بس متقدرش تجبرك تستمرى فيه لو انتى جبانه وخاېفه من مواجهه جدك وقتها مش هتقدر تعملك حاجه ولا اى مخلوق هيقدر يحميكى من نفسك اعتبرى هنا فرصه تاخدى نفس وترجعى بقوه . انا عارف انى كلامى قاسى عليكى بس دا لمصلحتك صدقينى انا عاوزك تعيشى بجد مش ف رسوماتك بس. الحياه العاديه مش سهله ابدا . 
سكت معتز وهو مترقب رد فعل فريدة اللى كانت بتستوعب كل كلمه قالها هو فعلا عندة حق بس هى كمان ڠصب عنها اللى مرت بيه مش قليل مسحت دموعها وبدءت فى محاوله تبرير موقفها ..
فريدة انا مش زيك ولا زى نور انا مريت ...
قاطعها معتز بسرعه ثوانى بس هو انتى فاكرة انى انا ونور عيشين ف كوكب زمردة ف دنيا الاحلام !! يابنتى كلنا مرينا بظروف صعبه انتى متخيله أن وفاه باباكى ومامتك ف الحاډثه معاكى وقدامك دى نهايه الحياه ! طب انتى عارفه انا أو نور المرفهين ف نظرك كام واحد عزيز علينا ماټ بين ادينا واضطرينا نكمل المهمه مجبرين من غير ما يرمشلنا عين . انتى عارفه كام صاحب وكام زميل ماټو قدامنا طب تعرفى أن اخونا الكبير ماټ معانا ف مهمه بين ادينا احنا الاتنين واضطرينا نشيل جثته طول طريق الرجوع لمدة ٧ ساعات ودا طبعا بعد ما خلصنا المهمه اصلا وهو دمه ف أيدينا .
معتز كان متأثر جدا والدموع ف عينه وامل كانت واقفه ورا الشباك بتراقبهم ف صمت وعينيها مليانه دموع على ابنها اللى راح ف عز شبابه أما فريدة ف كانت مصدومه ومش مصدقه ..
فريدة انا اسفه صدقنى مكنتش اعرف حاجه من دى .
معتز متعتزريش المصاېب بتخلينا نقوى بصى لنور بقت عامله ازاى قويه ومبيهماش حد وناجحه ف شغلها استثمرت ڠضبها ف المكان الصح عشان تنجح بيه لو كانت استسلمت وسابت الشغل يومها مكنش حد يلومها بس هى كانت هتخسر حياتها اللى بتحبها . بصى لماما كدة واحدة تانيه كانت رفضت أن ولادها الاتنين يكملو ف الطريق دا لكن هى صبرت واحتسبت الاجر عند ربنا لأنها مؤمنه بالله وعارفه أنه قدرة وأنهم بيعملوا حاجه مهمه للبلد كلها بصى لبابا اللى ډفن ابنه ب ايديه وهو بيبعت نور مكانك للمۏت بقلب مؤمن أنها هترجعله باذن الله بالسلامه بصيلى انا اللى بالرغم من كل دا لسه قاعد بديكى نصايح وانا اصلا على الله حكايتى .
ابتسمت فريدة بتنهيدة وهى بتمسح دمعه جريت على خدها ممكن تساعدني طيب .
معتز شاور على أمل اللى عامله نفسها بتسقى الزرع لا مش انا خالص هى اللى تقدر تساعدك دكتور امل . 
واضاف بوشوشه دكتورة نفسيه بس متقوليش لحد بقا السر دا .
اڼفجرت فريدة ف الضحك ولا اول مرة تضحك من قلبها طب بتهمس ليه اى المشكله .
معتز ابدا ياستى بس هى بتتقمص مبتحبش حد يقولها كدة بتحب تتنادى برتبتها .
فريدة ايه دا ثوانى هى طنط كمان ظابطه زى نور .
معتز ضحك وقال اه ظابطه دى ظابطه البيت دا كله وممشياه عل عجين ميلخبطوش . ياستى امى دكتورة اه بس 
هى شغاله ف الشرطه بتأهل الظباط نفسيا ضد فواجع الاقدرا زى ما بيقولو