رواية حكاية فتاة عانس الفصول من التاسع للثاني عشر

هيحبنا زيها 
فاق من شروده على صوت عصام وعبير التي كلمتها زينب واخبرتها وجاءت لتعاونهم 
عصام بقلق من شكل معتز وعيونه الحمراء ودموعه الواضحة..مالك يامعتز قاعد كدا ليه 
معتز انتبه لهم فهو لم يشعر بهم الا عندما تكلم عصام..لأ مفيش بس زهقان شوية 
عبير..هو انت معندكش شغل انهاردة ولا ايه
معتز..واخد اجازة قولت يمكن عمي يعوز حاجة ومحمد واحمد بعيد
عبير بشك فشكله غير مطمن ..طب ربنا يخليك اكيد انت زي احمد ومحمد وعقبال ما تلاقي بنت الحلال اللي تسعد قلبك 
معتز..طب عن اذنكم وصعد الى شقتهم
نظر عصام ل عبير..انتي مصدقة الكلام دا زهقان ايه دا كان بيعيط
عبير ..عندك حق بس هيعيط ليه
عصام..وانا اش عرفني يالا خبطي وادخلي خليني أروح شغلي 
طرقت عبير الباب ودخلت هي واطفالها وسلمت عليهم وشعرت من شكلهم ان هناك خطب ما ذهب عصام وبدات عبير بتنظيف الشقة وأرادت نسرين مساعدتها 
عبير..لأ انتي عروسة روحي حطي مسك على وشك وخيار على عيونك ومال وشك انتي كنتي بټعيطي ولا ايه
وامسكت يدها وسحبتها خلفها ودخلت غرفة نسرين واغلقت الباب لتعرف مابها
عبير..في ايه مالك شكلك حزين كدا ومعتز كمان بيعيط على السلم هو في ايه
صدمت نسرين عندما سمعت ان معتز يبكي فهي شعرت انها احرجته بكلامها فسكتت ولم ترد
عبير تريد معرفة ماحدث فسكوتها وتفكيرها يؤكد ان حدث شئ..يابنتي مالك احكي انا اختك مالك هو العريس مش عجبك ولا ايه
نسرين..لأ الحكاية مش كدا وحكت لها ما حدث امس مع والدتها وبكاءها وما حدث اليوم وكلامها لمعتز وقالت..انا حاسة اني زوتها اوي وكلامي له كان جارح والمفروض ماكنتش قولت كدا
عبير ..بس انتي مي غلطانة وكل كلمة قولتيها صح وعندك حق فيها ما تحمليش نفسك ذنب انتي ما عملتيهوش هو اللي اختار هو السبب يبقى يتحمل هو فاكر ايه يروح يتجوز ويخلف ويرجع يلاقيكي مستنيةمنه اشارة يالا قومي اغسلي وشك انتي عروسة وماتفكريش غير في عريسك وبس فاهمة 
احتضنتها نسرين بشدة فهي من اعطتها الشعور براحة الضمير..ربنا يخليكي ليا يابيرو
عبير بادلتها الحضن وربطت على ظهرها..انتي هبلة انتي اختي وانا مليش غيرك انتي ياقمر يالا بقى عطلتيني 
قامت نسرين وفعلت كما قالت لها اختها نظفت عبير الشقة وساعدتها زينب والعيال كانو يلعبو بجانب نسرين بعد قليل جاء محمد وتسنيم التي صعدت لأمها لتسلم عليهم ورأت شكل معتز وعيونه وسألت امها
عنه وقالت لها انه نزل بعد ما عرف بالعريس ورجع بهذا الشكل نزلت تسنيم ووجهها متغير قالبة وشهاوجاء احمد ومي واحضر معه بعض الاشياء
وبعد قليل جاءت اماني وعادل الذي يشعر بالاحراج فهم اسرة لكنه هو غريب لكن احمد لم يتركه فهو منذ ان تعرف عليه وتزوج مي وهو يشعر ان عادل اخوه وظل يتكلم ويضحك معه وصعد الجد والجدة ونزل حمدي وفاطمة التي يبدو عليها الحزن والزعل وهي تحمل طمطم ومعتز عاقد حاجبيه وعيونه الحمراء 
..............
في غرفة نسرين 
كانت البنات معها وهي تلبس لكن اماني كادت ان ټقتل نسرين 
اماني..ايه اللي انتي لبساه دا حرام عليكي طول عمرك قمر ولبسك شيك وجاية يوم العريس تلبسي كدا حرام عليكي 
عبير..ايوة اماني عندها حق البسي حاجة تانية
مي..طب حطي شوية مكياج بسيط
لم تشارك تسنيم معهم في الحديث وتكتفي بنظرة ڠضب وحزن لنسرين كيف لها ان تكسر قلب معتز فهي مع اخيها دا انتو عيلة مستفزة انتي وامك واخوكي اللهي ټولعو كلكم
دخلت زينب..يانهار ابيض ايه اللي انتي لبساه دا 
نسرين..في ايه ياجماعة مالكم كل واحدة هتأكلني ماله الفستان ماهو لونه جميل هو فعلا فستان لونه بنفسجي غامق هادي وانيق وعليه حجاب طويل لونه رائع
زينب..يابنتي الفستان حلو وكل حاجة بس دا واسع اوي عليكي 
نسرين..كدا احسن ياماما
اماني..طب حطي اي حاجة في وشك
تسنيم بأندفاع..لأ متحطش حاجة فهي تخيلت انها هكذا لن تعجب العريس ويأخذها معتز 
نظرت لها البنات على اندفاعها وطريقتها في الكلام
ونظرت لها نسرين ورأت في عيونها كلام لكنها تجاهلته وابتسمت..لازم يشوفني على طبيعتي تسنيم عندها حق مش هحط حاجة 
زينب..طب عشان خاطري حطي كحل بس اظن بقى مفيش مانع
نسرين..حاضر ياماما ووضعت القليل من الكحل الذي يزيد جمال عيناها الواسعة بندقية اللون 
خرجت زينب لترحب بالعريس وامه رحبت بهم وجلسو في الصالون جلس ادم وامه على الكنبة وعزت