رواية روعة الفصول من السادس عشر للعشرين بقلم الكاتبة الرائعة

متقلقش الجهاز ف أوروبا دلوقت وإنه اټقتل ده هيخليهم يكونوا اسرع ف أنهم ياخدوا قرارهم ده غير إن فيه مليون أدلة بتثبت إنه كان خاطف حور واللي حصل منها كان طبيعي وهي كمان اتضربت پالنار يعني القضية لمجرد ما هتتفتح هتتقفل تاني بسبب الجهاز وضړب حور پالنار.
استدر ياسين حديثه بتوجس
الإصابة شديدة وحور عاملة إيه دلوقت 
أغمض فهد عينيه وهو يمسح وجهه پألم
الړصاصة جت ف بطنها بس الحمدلله بعيد عن الكبد ومن كلام الدكتور إنها كانت قريبة منه بس هي عندها القلب وهما خايفين يحصل مضاعفات بسبب كدة
هما بس يا فهد 
أنا يا ياسين حور لو حصلها حاجة عمري ما هقدر أسامح نفسي وإنها اتضربت پالنار قصاد عيني ومقدرتش اعمل حاجة.
ده قدر ربنا يا فهد واكيد ليه حكمة من اللي حصل وده غير إن حور لو مكنتش اتضربت پالنار كان زمانها ف السچن دلوقت! وانت عارف أوروبا مشددة ازاي ولو كنا بعتنا مخابرات مصر بحالها مكنش حد هيقدر يطلعها غير أما التحقيقات تخلص ويثبتوا برائتها وده انت عارف هيحصل بعد ايه انت ادعي دلوقت إنها تقوم بألف سلامة ومتفكرش ف حاجة غير كدة ومايكل اعتبر صفحته انتهت لأنها فعلا انتهت يا فهد وأول ما حور هتخرج هترجعوا مصر تاني.
تنهد فهد وهو يفكر بحديث ياسين معه ليخبره بتساؤل
أسر كويس 
سيف بعت عربية تاخده وقال هيفضل معاه لحد ما انت ترجع بالسلامة.
وچيدا 
قدمت استقالتها.
ارتسمت ابتسامة جانبية على شفتيه
ده المتوقع منها چيدا أكيد كانت هتعمل ده علشان سيف لأنها عارفة إنه مستحيل يتقبل الوضع يكون كدة وصعب يندمج معاهم.
المهم ركز مع حور وأنا هنا مكانك يا فهد متقلقش متابع سيف طول الوقت ومخلي حراسة حوالين فيلته زي ما قولتلي ومتابع والدتك وچيدا أنا هنا مكانك ومتقلقش كل حاجة كانت هتيجي ف بالك تعملها ف أنا بعملها.
شعر فهد بالفخر داخله بصحبته ل ياسين ف هو وياسين ومهاب أصدقاء منذ بداية عملهم معا رغم اختلاف شخصية مهاب عنهم بشدة ولكن اختلافه هو من جعله محبوبا بينهم لتلك المرحلة..
وأنا واثق من ده يا ياسين مع السلامة.
أغلق معه وهو يتنهد بشرود حول ما يحدث كيف عليه مواجهة والدته عندما يعود هل سيكون لديها مبرر لما حدث ولكن ماذا سيكون!
أغلق عينيه وهو يتمنى بداخله أن يجد لديها العذر لما فعلته ف هو حقا لن يتحمل خيبة أمله ناحيتها هي خاصة يكفي عناء حياته بكل مرحلة مر بها يكفي ما مر من فقدانه لوالده وشدة والدته معه طوال الوقت زواجه الذي انتهى بالطلاق وهو يحمل طفله بين يديه طفله الذي كلما أخذته والدته يعود إليه يبكي وهو يقص عليه كيف تعذبه ! 
فراق أخيه عنه لتلك السنوات وعودته وهو بتلك الحالة بين يديه! ومعرفته بأنه لديه شقيقة كانت أمامه طوال الوقت ولم يستطع التعرف عليها !
واخرا معشوقته ومعذبة قلبه كم يتمنى العودة بها لمصر وانتهاء عدتها ليتزوج بها ف هو يوقن بداخله أن زواجه منها سينهي كل العڈاب بداخله.
مر اليومين على الجميع..
فهد الذي لم يفارق المشفى يوما سيف الذي تارة يكون لينا مع ليان وتارة أخرى قاسېا متذكرا ما فعلته معه وتارة يتغلب عشقه لها عليه وياسين ومهاب وهم يحققون بقضية مايكل ويحاولون انهاءها بتعاون اللواء كامل معهم..
و والدة چيدا تنتظر أن يتعافى سيف حتى تتحدث معه لعلها تنهي الخلاف بينهم وتأخذه بين أحضانها.
الفصل_التاسع_عشر.
.
مش هتصالح مامتك 
استدار سيف على صوت ليان المتسأل ليشرد بأفكاره بالأمر وسؤالا واحدا يدور داخله هل سيقدر على الإندماج بينهم 
بينما تجرأت ليان واقتربت منه واكملت
سيف مامتك حاكتلي قصتها مع باباك لو عرفتها هتديها العذر هي كانت لسة صغيرة مامتها وباباها اتوفوا ف وقت واحد ! فاجئة بقيت يتيمة ومسئولة عن طفل أصغر منها ملقتش حد وقف جمبها وساعدها غير باباك حتى هو حبها بجد بس الظروف والوقت مكنش يسمح هي مكنتش بتسيبك غير علشان فهد..فهد كان متعلق بيك اوي هي حكتلي.
لوى سيف فمه قائلا بسخرية
وانت صدقتيها !
هي وقتها مكنتش تعرف إني مراتك يا سيف ولا كانت تعرف أنك موجود يومها فضلت تكلمني عنك كتير وقتها قالتلي انها حاسة أنك عايش وموجود كفاية يا سيف عشرين سنة عاشتهم وهي حاسة بشعور الندم ! بلا تقسى عليها اكتر من كدة يا سيف.
وانا دلوقت بقيت القاسې !
أغلقت ليان النافذة وهي تشعر ببرودة الجو الشديدة وذهبت ناحية الفراش بعدما كان سيف يجلس على الفراش وحده وهي أمام النافذة لتجلس بجانبه
لأ يا سيف محدش غلطان لا انت ولا مامتك ولا حتى باباك ! محدش فيكم غلط.. كل واحد فيكم الوقت داس عليه بطريقته كل شخص فيكم شاف معناة من زاوية مختلفة بلاش تبص