رواية رومانسي اجتماعي كوميدي الفصول من الاول للخامس بقلم الكاتبة الرائعة

اقول غير شكرا .
دخل مرزوق تعال يا مصعب نلعب طاوله
اعتماد هو ده اللي انتم فالحين فيه
دخلت المطبخ وهي غاضبه
مرزوق يا ساتر يارب . مالهادي 
مصعب عايزه تجوزني. مش هخلص انا من الموضوع ده
مرزوق عندها حق. انت هتفضل كده . ده انا لو منك اتجوز اربعه.
ضحك مصعب لا ده انت خطېر يا حاج . ومتجوزتش ليه 
مرزوق هي امك دي حد يعرف يتنفس منها . دي مطلعه عيني 
. مصعب مسيطر يا حاج 
مرزوق اسكت دي جايه علينا 
.
اعتماد وهي بيدها الكيكه بتوشوشو في ايه 
مرزوق ابدا يا حاجه. بقوله اسمع كلام امك 
مصعب بضحك حصل
ليضربه في قدمه ضحك مصعب اكثر يا مسيطر
مرزوق الواد ده لازم يتجوز يا اعتماد علشان يتربي
مصعب كده يا حاج . افتن عليك
اعتماد هتفن علي ايه يا واد
مرزوق اه يا ابن . مفيش يا حبيبتي ده عايز يوقع ما بينا 
اعتماد لم نفسك يا مصعب
مصعب حاضر يا حاجه . هسكت اهو
بعد صلاه العشا ودع مصعب ابوه وامه ورجع الي شقته
مصعب انتي نمتي يا ديدا .
حملتها بين يدي واغلقت السياره . وبيدي شنط الاكل كل مره برجع من عند ماما بتصمم اني اخد اكل معايا.
. البواب مش موجود 
مصعب اعمل ايه انا دلوقتي. كل مره تنشف دماغه وتصمم اخد الاكل
سمعت صوت ضحكات انثويه خلفي .. نظرت لاجد فرح تضحك كالعاده
مصعب هو انا وشي مكتوب عليه مضحك
فرح سوري . اصل انت واقف تتخانق مع نفسك وشكلك مضحك
مصعب بجد. 
فرح بتتخانق ليه . قولي وانا اساعدك
مصعب الزفت البواب مش هنا
فرح اه. انا كنت عايزه بيبسي وشوكولاته ومش لاقيته. واضطريت انزل والبس الاسدال دلوقتي علشان اشتري
مصعب بيبسي وشوكولاته . انتي عندك كام سنه 
فرح ٢٥ . 
مصعب مش كبرتي علي الحاجات دي 
. فرح يا سلام هو البيبسي والشوكولاته بالسنين
تنهد مصعب . . فرح هي فين فريده 
مصعب نايمه
لفت فرح الي السياره لتجده نائمه علي الكرسي .
فتحت الباب وحملتها بين يديها اخص عليك يا مصعب 
مصعب بتريقه نينيني . اخص عليك يا مصعب
ضحكت فرح .. مصعب هششش. هتصحي 
فرح انت اللي بتضحكني . 
مصعب ممكن اطلب منك حاجه
فرح اطلب 
مصعب انتي ممكن تشيلي فريده . وانا هشيل الاكل ده. لحد الشقه فوق
فرح بس كده. موافقه.
شلت الاكل وهي بجانبي تحمل فريده. ودخلنا الاسانسير . 
. فتحت الباب. لتدخل هي اولا وانا خلفها.
وضعت الشنط في الارض . 
. مصعب شكرا جدا يا فرح . تعبتك معايا 
. فرح مفيش تعب . قولي فين اوضه فريده 
. مصعب كفايه كده وانا هدخلها اوضتها
فرح انا هدخلها عادي . قولي هي فين
مصعب هناك .. 
. 
اشار الي الغرفه . لتدخل فرح الي غرفه فريده وتضعها علي السرير وتخلع لها الحذاء
خرجت كان صوت مصعب في المطبخ. لتدخل عليه
مصعب اووف يا امي . كل مره نفس الموال . اشيل انا الاكل ده فين
فرح بضحك ابعد كده. انا هتصرف
تركتها وابتعدت عن المكان. لتضع الطعام في علب اصغر وتضعه في التلاجه
فرح ايه الاكل ده كله 
مصعب امي .كل مره بتعمل نفس الحركه وبضطر اديهم للبواب. او يبوظو وارميهم
فرح طيب ليه . ما تحطهم في علب التلاجه وفي الفريزر وطلع قبل الاكل بساعه او اتنين يفك وسخنه
مصعب ما فريده اوقات بتكون عايزه تاكول حاجات معينه
فرح بس هي محتاجه تتغذي برضو ولازم تاكل خضار . 
مصعب مش بحب اغصب عليها في موضوع الاكل ده
قطع كلامهم الهاتف. لتجد امها
فرح يا لهوووي ماما .
مصعب ضحك فيها ايه 
فرح سلام بقي . تصبح ع خير
مصعب وانتي من اهله
اسرعت وفتحت الباب . لتدخل شقتهم ..
حنان اتاخرتي ليه يا زفته وفين الحاجه 
فرح ها . اصل الفلوس وقعت 
حنان ما انتي ناصحه. اصل مخك ده مش فيكي
فرح في مين بس يا ماما 
حنان اخرسي بدل ما تتضربي . مترديش
فرح ماشي. 
. قبل ان تدخل غرفتها سمعت صوت الباب . وضعت طرحه الاسدال وذهبت لتفتح لتجد امامها مصعب
فرح بهمس في ايه
مصعب منزلتيش تشتري البيسي والشوكولاته . انا كان عندي .
شنطه في بيسبي وشوكولاته وشيبسي 
فرح وهي تنظر للشنطه بس دي حاجه فريده
مصعب ما انتي وفريده واحد. 
فرح قصدك ايه
حنان من خلفهم قصده ان مخك مخ اطفال .
ضحك مصعب مش قصدي والله . قصدي انها بتحب الحاجات دي زي فريده
حنان