رواية رومانسي كوميدي الفصول من الثامن للثالث عشر

دي مامتك 
انتم تعرفوا بعض !
قربت منال من وعد وحضنتها وحشتيني اوي ي وعد فينك أنتي جيتي من إسكندرية أمتي بقالي شهور مشفتكيش 
أيه دا أنتي طلعتي من إسكندرية كمان بصرا طلعنا من نفس البلد كمان
وعد كانت واقفة مش قادرة ترد ولا عارفه تجمع الكلام كل تفكيرها في خۏفها لتكون عارفه إلا حصلها  
مالك ي حببتي أنتي تعبانة ولا ايه 
بحزن ممزوج پخوف ااا أنا كويسة بس من المفاجئة متوترة شويه 
تعالي اقعدي احكيلي جيتي أمتي دي مي أختي هتفرح أوي لما تعرف أنك عندي أنا كنت دايما بسألها عليكي 
هي اخبارها أيه وحشتني أوي 
من وقت ما كنتوا بتشتغلوا في المستشفي مع بعض و صحاب وبتيجي عندنا البيت فجأة أختفيتي وهي دايما بتسأل عليكي كل إلا يعرفوكي علشان اوصلك
أنتي سبتي الشغل ليه ورجلك دي مالها حصلك ايه ي حبيبتي طمنينى عليكي
بصت لإسلام بحزن وهي مش عارفه ترد بإيه ففهم نظرتها وبسرعة رد ماما هو تحقيق ولا ايه دا وقته برضو مش نرحب بيها الأول 
أول مرة تقول حاجة صح يواد عندك حق أنا بس من فرحتي بيها نسيت كل حاجة أنتي لازم تفطري معانا ثانية والفطار يبقي جاهز 
لا مفيش داعي والله 
بقولك ايه هتعمليلي فيها مكسوفة بقي وكدا أنتي والمفجوعة مي كنتوا خاربين البيت هناك ولا تكوني مكسوفه من الواد إسلام دا أنا اطفشهولك من البيت عادي 
ايه دا هي بقت كدا أيه ي منمن دا أنا حبيبك برضو كدا بعتيني في أول محطة
ضحكوا كلهم وقامت منال تجهز السفرة  
ما أنتي طلعتي لذيذة أهو أمال الدبش دا كان معايا أنا ليه !
بصتله بتوتر أنا مش هينفع أقعد هنا أكتر من كدا هتعرف تشوفلي بيت وشغل ولا لأ 
مالك بس في حاجة ضايقتك ! 
لأ بس بجد مش حابه أبقي ضيفة تقيلة عليكم وبعدين أنت وعدتني تشوفلي السكن في أسرع وقت 
أنا مهندس معماري وعندي معارف كتير وأقدر أشوفلك مكان كويس وكل حاجة بس محتاج ع الأقل يومين
بحزن ولعند اليومين دول أنا هعمل ايه
انتي شايفة حالتي مبقدرش أخرج كتير أنا يادوب لسه بدأت أطلع من البيت إمبارح وبعدين هتعملي أيه في ايه اكيد هتفضلي هنا مع منمن دي عندها أستعداد تطردني من البيت علشانك عادي
يالا ي جماعة الفطار جاهز 
يالا تعالي نفطر وبعدها يحلها ربنا 
كلي ي حببتي متتكسفيش البت مي لو عرفت أنك هنا هتيجي جري 
لا متقوليش لحد أني هنا 
بصوا لبعض بستغراب فكملت بتوتر قصدي يعني علشان أنتي عارفه الشغل مش سهل تاخد منه أجازة ونعطلها
أيوا ربنا يكون في عونكم شغلكم صعب أوي بس أنتم تيجوا أيه جمب القرشانة إلا بتيجي لإسلام هنا
أيه ي ماما اتخانقتي مع الممرضة تاني ولا أيه 
بلعت الاكل وبضيق متفكرنيش دي عقربة قال ممرضة قال البت بكلمها وأقولها الدوا خلص هاتي معاكي علبة وأنتي جاية وهديكي تمنها تزعق فيا وتقولي أنا مش شغالة دليفري عن حد ! 
ضحك ع طريقة كلامها ي ماما سيبك منها ما عندك أي حد من البيت يروح يجيب الدوا وخلاص 
طرقتها نفسها ژبالة شايفة نفسها وزيرة الصحة بروح امها ولا أنتي ايه رايك ي وعد 

وعد ! أنتي سرحانة في أيه ي حببتي 
ها لأ مفيش كنتي بتقولي حاجة  
دا أنتي مش معانا خالص أيه الا شاغل تفكيرك ي حببتي 
لا أبدا أنا بس كنت بفتكر أيامنا مع بعض فسرحت شويه 
عندك حق دي كانت أحلي أيام إسلام كان لسه في البعثة برا مصر وكنت قاعدة عن ماما في إسكندرية معاهم
صحيح أنتي هتقعدي هنا ولا هترجعي إسكندرية ع طول 
سابت المعلقة أحم الحقيقة أنا كنت ااا
قاطعها إسلام هي بتقول أنها عاوزة تستقر هنا تشتغل وتاخد شقة هنا في القاهرة 
نعم شقة وبيتنا موجود ! 
وعد في سرها يخربيت لسانك إلا عاوز يقصر دا بصوت مسموع لا أنا لازم أشوف سكن تاني علشان أبقي قريبة من الشغل 
شغل أيه أنا همشي البت العقربة دي وتفضلي أنتي هنا منها تتابعي مع إسلام كشغل ومنها تفضلي قاعدة معايا وتسليني زي زمان ولا نسيتي 
پصدمة بصت لإسلام إلا كان بيضحك ع تعبيرات وشها أيه !! لأ مينفعش أصل أصل هو يعني 
قاطعتها بقولك ايه انا قررت خلاص وبعدين الشغل هنا هيبقي مريح جدا علشان رجلك كمان أنا هقوم أكلم الممرضة وأقولها معنتش عاوزة أشوف وشها تاني بنت المعقربة دي
ضحك إسلام بشدة وقامت منال بالفعل تكلم الممرضة
پغضب أنت بتستهبل أنت كمان 
في أيه بس أنا عملت حاجة 
حد قالك تتكلم أنت .. أنا أيه مشلۏلة مكنتش هعرف أرد لازم تقولها أني عاوزة شغل وبيت