رواية رهيبة جامدة الفصول من الاول للثالث بقلم الكاتبة الرائعة

تعيش مبسوطه 
الفتاه..انت بتكرههم ليه اوى كده 
الرجل بشرود..ده تار بينى وبينهم من زمان واخدت عهد على نفسي انى مخليش حد فى اولاد العيله دى يعيش مبسوط ابدا 
الفتاه..بس انت عارف ان خالد مظلوم ومحبش او اتجوز حد غير نور 
الرجل ..عارف وبطلى رغى بقى وخليكى على اتصال معايا فى عمليه تانيه قريب 
الفتاه..تخص العيله دى برده 
الرجل بابتسامه كريهه..هو انا ورايا حد الا هم
عادت نور الى المنزل ووجدت ابيها بانتظارها 
محسن پغضب..كنتى فين 
كوثر معلش سيبها وهى مش هتروح تانى صح يا نور 
لم ترد عليها نور ودخلت الى غرفتها وبدات بتكسير كل شيء فيها 
دخل عليها والدها ووالدتها وتجمع من فى المنزل على صوتهم وجاءوا جميعا ليروا ما بها
نور وهى تكسر كل شيء..اااااااااااااااه 
فزع والدها من منظرها ..اهدى يا بنتى فيكى ايه 
لم ترد عليه وظلت تصرخ وتكسر فى الغرفه فامسكها حازم وقيد حركتها
نور وهى تضربه فى صدره ..سيبنى انت عايز منى ايه 
حازم بحزن...اهدى ايه اللى حصل وبتعملى كده ليه 
بدات نور تهدا فاقترب محمد منها  
محمد..فيكى ايه انتى كنتى كويسه من شويه 
نور پبكاء..ااااااه انا انخدعت فيه اوى قعدت سنه حزينه عليه وهو طلع ميستاهلش طلع واحد خاېن 
محسن..تقصدى ايه يا نور 
نور پبكاء..مقصدش اطلعوا وسبونى لوحدى اطلعوا 
اسراء پبكاء..مينفعش نسيبك وانتى كده
اسماء ..انا مش هسيبك يا نور انتى عارفه انا بحبك قد ايه وانتى وقفتى جنبى كتير وانا لازم اقف جنبك 
امانى پبكاء وهى تمسك يديها ..وانا كمان مش هسيبك ابدا 
اما بسمه ظلت تنظر لها بحزن 
حامد..خلاص تعالوا نطلع والبنات هيفضلوا معاها
كوثر پبكاء..لا انا مش هخرج واسيب بنتى كده 
محسن..تعالى يا كوثر وسبيها كلهم معاها تعالى ونظر الى حازم وجده ينظر اليها بحزن 
ربت على كتفه واخرجه من الغرفه وخرج معه الجميع 
اغلقت امانى الباب وراءهم وجلست نور على السرير وجلسوا جميعا بجانبها 
امانى..فى ايه يا نور 
نور بشرود ...كان بيضحك عليا كل كلامه ليا كان كدب 
بسمه وقد اتضح لها انها عرفت شيء عن خالد وهذا الشيء هو من جعلها مڼهارة هكذا 
بسمه..عرفتى ايه عن خالد خلاكى كده
ارتمت نور فى حضنها وبكت بشده
امانى..مالك ياحبيبتى وايه اللى عرفتيه عمل فيكى كده
اما اسراء واسماء ينظرون اليها بحزن على حالها وما وصلت اليه 
بسمه وهى تربت على ظهرها ..اهدى وطلعى اللى جواكى علشان ترتاحى 
قصت لهم نور ما قالته الفتاه فى المقاپر 
بسمه بذهول ..بجد خالد كان متجوز عليكى وخدعك ده كله 
نور ..اه وشفت قسيمه جوازهم كمان 
امانى..حاولى تنسي النسيان فى اوقات كتير بيكون هو الحل 
نور بشرود..انسي انتوا متعرفوش الموضوع ده كسرنى ازاى انا فقدت الثقه فى كل حاجه 
اسماء نافيه حديثها..لا يا نور فى صدمات بتجيلنا علشان تقوينا مش تكسرنا والصدمه دى لازم تقويكى اوعى تخليها تكسرك 
اسراء..انا طول عمرى وخداكى قدوة ليا اوعى اشوفك ضعيفه خليكى قويه خليكى نور القويه اللى الكل بيعملها الف حساب اوعى تخلى اى حاجه تكسرك 
بسمه ..العيال دى قالوا اللى كنت عايزه اقوله بيقولوا حكم والله وكلامهم صح جدا
نور..ههحاول واطلعوا بقى عايزه انام شويه 
بسمه..احنا بننطرد بشياكه يالا يا بنات نسيبها ترتاح شويه 
خرجت الفتيات وتركوها تحاول النوم لعلها تستطيع نسيان ما حدث
فى الخارج كان يجلس رافت وحامد ومحسن وحازم ينتظرون ليعرفوا ما بها اما محمد يجلس بجانب والدته ويحاول ان يجعلها تهدا لانها تبكى منذ ان كانت نور تكسر فى الغرفه 
خرجت الفتيات فاندفعوا اليهن ليعرفوا ما بها 
محسن بلهفه ..فيها ايه وايه اللى خلاها بالشكل ده 
كوثر پبكاء..قالتلك ايه يا بسمه بنتى فيها ايه 
بسمه..اهدوا يا جماعه هى دلوقتى كويسه
حامد..امال ايه اللى حصل 
قصت لهم بسمه ما حدث مع نور فى المقاپر 
محسن پغضب..انا كنت رافض الجوازه دى من الاول بس انتوا اللى ضغطوا عليا علشان هيا كانت بتحبه وادى النتيجه قعدت سنه بعيده عن الكل وحزينه عليه ودلوقتى تعرف انه كان متنيل متجوز 
كوثر پبكاء ..يا حبيبتى يا بنتى استحملت كتير لو حد مكانها مكنتش اتحملت كل ده 
حامد..اهدى يا محسن نور قويه واقوى مما تتخيلوا وهتقدر تتجاوز كل ده متقلقش 
رافت..حامد معاه حق ان شاء الله هتنسي وتكمل حياتها 
محسن بتنهيده ..عارف انها قويه بس هيا شافت كتير فى حياتها والموضوع ده هياثر عليها اوى 
حازم..احنا ممكن ناجل كتب الكتاب فترة لغايه ما تهدى 
محسن..لا مفيش حاجه هتتاجل الا اذا كنت رجعت فى كلامك