رواية مطلوبة 4 الفصول من السادس عشر للعشرون بقلم الكاتبة الرائعة

واضح
هايدي فهمت عند دخوله عنود وكملت ما بدأه فهد وانا ناقصني ايه عشان تسيبني وسبتني عشان مين عشان حتت خدامة مش معروف اصلها من فصلها..
كانت عنود تسمع اليهم وعينيها تدمع..
فهد رفع حاجبيه انا بحب مراتي ومش هسيبها عشانك والي في دماغك مش هيحصل
هايدي بمكر لحقت تنسى الي بينا ب فهد
فهد مفيش حاجة بيني وبينك هي يدوب قراية فاتحة وخلصت ودلوقتي اطلعي برة مشوفش وشك هنا تاني
هايدي نظرت لعنود هتندم ي فهد هي ديه الي عامل اعتبار ليها دا انا ضفري برقبتها بس ماشي كله بوقته
وخرجت دون اي حديث اخر وفهد جلس امام مكتبه ونظر لعنود پغضب..
فهد جاية ليه مقولتيش يعني انك هتيجي
عنود بدموع كنت مع شهد بنجيب شوية اغراض يخص فرحها.. قولت اعدي عليك اخد رايك بالي جبته
فهد مش صابرة اما ارجع القصر وتوريني جبتي ايه ولا الشركة بقت عرض ازياء..
عنود بتنهيدة انا اسفة عن اذنك
فهد بتأفف استني عندك متخرجيش..
وقفت مكانها وهو قام وتقدم ووقف امامها.. ونظر اليها ورفع يديه ومسح دموعها
فهد وريني جبتي ايه
عنود مش مهم بقى
فهد رفع حاجبيه مش هعيد كلامي تاني وريني جبتي ايه
ابتسمت من طرف شفتيها واخرجت ذلك الفستان الطويل من يراه يقال انه صمم خصيصا لها..
فهد بانبهار جميل اوي وهيبقى عليكي احلى
عنود بفرحة بجد عجبك
فهد ايوا واما نرجع القصر هتلبسيه واشوفه عليكي..
لم تتحدث بل سرحت وهو شعر بها..
مد يده ومسك يديها سرحتي في ايه
عنود بدموع انت لسة بتحب هايدي هي جاية ليه
فهد بتنهيدة لو كنت بحبها زي منتي فاكرة مكنتش طردتها ولا فضلتك عليها.. مفيش بقى في حياتي غيرك انتي وبس.. متحطيش في دماغك اي حاجة..
عنود بحبك اوي ي فهد من اول مرة قابلتك فيها وانا حبيتك مقدرش اعيش من غيرك متكسرنيش بأي حاجة مهما كانت هي ايه
نظر اليها واخذها في حضنه وانا كمان بحبك..
ظل ينظر في نقطة معينة ثم بعد ثواني.. رفعها من حضنه.. ولمح احمرار شفتيها لم يتحمل..
فهد عنود
عنود نعم لم تكمل حديثها بل بلع كلامها 
فهد رجعي القصر حالا..
شعرت بالخجل منه وخرجت لشهد ونورا..
عنود بخجل يلا نمشي
شهد بتعجب بسرعة كده
عنود بتوتر فيها ايه يعني خلاص هو شاف الفستان وعجبه ويلا نمشي..
شهد بغمزة وخارجة متوترة ومكسوفة كده ليه
عنود بضيق امشي ي رخمة..
سلمو على نورا... ثم خرجه من الشركة كلها
في الداخل عند فهد..
جلس على مكتبه وشعر بدوار يعصف رأسه...
فهد بتفكير ليه لا طب ما ده حقي فيها ومراتي.. الكسرة الاولى كرهي ليها والكسرة التانية اخليها مراتي وارميها وقت منا عاوز.. هه دا انا مبكرهش في حياتي قدك.. بتحبيني ايه دا انا هكرهك بالحب نفسه والليلة ليلتك ي عنود
وابتسم بخبث.. ثم تذكر هايدي واتصل بها وشرح اليها الموقف وهي فهمت عليه واخبرته بانها فهمت مغزى الحديث معها بهذا الشكل.. 
في فيلا عامر..
كان قد وصل نبيل وملك للفيلا وكانت صفاء تنتظرهم فرحت بشدة من موافقة ملك على الرجوع.
صفاء بفرحة انا مش عارفة اقلك ايه بجد انتي فرحتيني اوي برجوعك
ملك بدموع مقدرش اعرف انك تعبانة. وارفض انا بعتبرك زي امي واكتر
صفاء بحنان وانتي بنتي ومرات ابني وست الفيلا ديه.. اوعى تزعلي من الي حصل.. دلوقتي معاكي مامتك متنقليش هم حاجة..
قاطع حديثهم دخول عامر شاهدها تجلس شعر بالڠضب ولكن قلبه كان يرقص فرحا لعودتها..
عامر پغضب انتي بتعملي ايه هنا
لم تتحدث بل وقف والده اليه
نبيل بعصبية وانت مالك هي بتعمل ايه هنا.. ده مش شغلك ومن النهاردة ملكش كلام معاها..
عامر بتعجب ماليش ازاي.. وبعدين انت ازاي ترجعها بعد الي حصل.. هي لازم تمشي من هنا
صفاء هي مش هتمشي من هنا.. هو انت هتتحكم بالي عايشين هنا ولا ايه.. خاليك في حالك ي عامر متتجاوزش حدودك
عامر بغيظ يعني ايه
نبيل يعني هي رجعت عشان خاطر مامتك تهتم بيها وتساعدها.. يعني مش شغالة عندك.. واذا فكرت تضايقها بحرف واحد هتلاقيني واقف في وشك
عامر پصدمة من امتى الكلام ده ي بابا
نبيل من النهاردة.. وبعيدها ليك تاني ملكش دعوة بيها.. انت اخرك تطلب منها فنجان قهوة او تنضف اوضتك لكن غير كده لا..
نظر اليها عامر پغضب.. ثم تركهم وذهب لغرفته..
ملك بدموع شوفت مش عاجبه وجودي ازاي
نبيل معلش اتحملي وهيرجع راكع ليكي.. مفيش حاجة بتحصل بسرعة كده كل حاجة بتاخد وقتها.. يلا روحي استريحي.. واه متناميش في اوضة الخدامين انا طلبت يجهزه اوضة ليكي فوق..
ملك براحة متشكرة
صفاء مفيش شكر يلا روحي استريحي..
ملك حاضر.. اخذت حقيبتها واتت احدى الخادمات وارشدتها لغرفتها...
صفاء تفتكر هيتغير ويندم
نبيل ليه لا بس صعب ده دلوقتي خليها. لوقتها..
نظرت اليه وصمتت.. وهو جلس بجانبها
في قصر الهواري..
رجعت شهد وعنود.. وكانو محملين بالاكياس والاغراض.. راهم اسر..
اسر پصدمة كل ديه اكياس انتو اشتريتو السوق ولا ايه
شهد سوق ايه ده يدوب شوية حاجات لكن لسة مش كل حاجة جهزت..
اسر بسخرية كل ده وشوية اومال القليل