رواية جديدة جامدة الفصول من الواحد وعشرون للثالث وعشرون بقلم الكاتبة الرائعة

فين و ازاى...انطق.
اهدى يا يزيد...أنا هحكيلك على كل حاجة...
فلاش باك......
عندما تركها يزيد بصډمتها بعدما أخبرها بموعد الزفاف أصابتها حالة شديدة من الهلع و ظلت تعتصر دماغها علها تحصل على طريقة تنجو بها من ذلك الفخ الذى أوقعت نفسها به إلى أن اهتدت لأن تطلب من زايد مساعدته فهى لا تعلم أى شخص سواه هو و يزيد و هو وحده من سيستطيع مساعدتها على الهرب من بلدته لتعود لحياتها السابقة بالقاهرة.
قامت بالإتصال به و قصت عليه الموقف برمته و حديث سمر اللاذع معها المحمل بقدر وفير من السخرية من مقدار جمالها و لون بشرتها الخمرية و بعدما انتهت من سرد ما حدث دخلت فى نوبة حادة من البكاء المرير و هى تتوسل إليه
أرجوك يا زايد ساعدنى أرجع القاهرة تانى من غير ما حد يحس و بالذات يزيد...أنا لا يمكن هكمل معاه بعد اللى حصل..انت الوحيد اللى تقدر تساعدنى أرجوك.
امتعضت ملامحه بأسى و تألم قلبه لأجلها و لكنه لا يريدها أن تتسرع فى تلك الخطوة التى ربما تنهى علاقتها بشقيقه للأبد فراح يقنعها بهدوء
يا أثير ارمى كلام سمر ورا ضهرك...دى بنت صغيرة و مش عارفة هى بتقول ايه..خليكى انتى أعقل منها و متديهاش فرصة تنتصر عليكى..
أجابته باصرار من بين شهقاتها المتلاحقة
لا خلاص...أنا أخدت قرارى و مش هرجع فيه...لا إنت و لا غيرك حاسس بالقهر اللى جوايا...هتساعدنى و لا أغور فى ستين داهية تاخدنى!
قالت عبارتها الأخيرة بصړاخ و عويل و قد جن چنونها تماما و فقدت سيطرتها على إنفعالاتها الأمر الذى أثار شفقته عليها و جعله يتأكد أنها لن تتراجع عن قرارها فقال لها بإشفاق و إذعان
اهدى يا اثير...حاضر هساعدك و هعملك اللى انتى عايزاه بس عايزك تبقى هادية كدا علشان تركزى فى اللى هقولك عليه.
كفكت دموعها بظهر يديها و أومأت بحماس و هى تقول بترقب و أمل
اوكى...أنا هديت أهو...قولى بقى هخرج من البلد دى إزاى..
بصى أنا هكلم فرحة بنت عمى و أحكيلها كل حاجة...فرحة دى بنت طيبة جدا غير سمر خالص هخليها تستناكى هى و خطيبها عند الترعة اللى ورا البيت بس بعد ما الكل ينام عشان محدش يحس بيكى هياخدوكى و يطلعوا معاكى على طريق العربيات و هتركبو تاكسى من هناك او أى عربية و يوصلوكى محطة القطر و هناك هتسألى على أول قطر مكيف طالع رمسيس و هتستنى لحد ما القطر ييجى و اركبى و أنا ان شاء الله هستناكى فى المحطة و التليفون بينا و هتصل بيكي كل شوية علشان أطمن ان كل حاجة تمام.
ردت بقلق
طاب خطيبها دا هيوافق ييجى معانا.
أيوة متقلقيش منه دا صاحبى و ف نفس الوقت جارنا و أنا هكلمه بنفسى افهمه...ماهو مينفعش انتى و فرحة تمشوا لوحدكم بالليل..لازم يكون فى راجل معاكم....و كدا كدا هما مكتوب كتابهم و محدش هيمانع إنه يخرج معاها.
هزت رأسها بوجوم و هى تقول
طيب يا زايد...كلمها و عرفنى على اللى هتتفقوا عليه.
أنا هكلمها دلوقتى و بعدين هكلمك علشان أديكى الاوكى و كمان هديكى رقم موبايلها علشان تتفقوا على الميعاد اللى هتخرجوا فيه. 
تمام يا زايد...انا مش عارفة أشكرك ازاى.
مع إنى مش راضي خالص عن اللى انتى عايزاه دا...بس مقدرش أسيبك تتوهى ف البلد و لا حد ېأذيكى من ولاد الحړام.
تنهدت بحيرة ثم أجابته بحزن بالغ
و لا أنا كنت أتوقع إنى أوصل للمرحلة دى مع يزيد...بس صدقني دا الصح.
بالفعل فعل زايد كما اتفق معها و رغم استغراب فرحة البالغ إلا أنها التمست لها العذر فهى تعلم كم أن سمر حقودة و أنانية خاصة فى حبها ليزيد فأشفقت عليها كثيرا و وعدت زايد بمساعدتها بأقصى ما تستطيع.
و عند تمام الحادية عشر بعدما تأكدت من استغراقهم جميعا فى النوم حملت حقيبتها حتى لا تصدر صوت و سارت على أطراف أصابعها إلى أن خرجت من المنزل بسلام و ما إن ابتعدت عن المنزل حتى تنفست بارتياح بعد عدة دقائق من حبس الأنفاس و التوتر البالغ الذى سيطر على جوارحها اقتربت من فرحة التى كانت تنتظرها عند حافة الترعة بصحبة زوجها الذى أخذهما و سار معهما باتجاه الجسر مستقلين سيارة أجرة إلى محطة القطار. 
بعدما انتهى زايد من سرد الحكاية احمرت عينا يزيد من الڠضب و ثار عليه و أخذ يوبخه بحدة و عڼف
انت ازاى توافقها على كدا...لا و تساعدها كمان...ليه يا زفت انت...ليه مقولتليش كنت منعتها بأى طريقة إن شالله كنت حبستها...منك لله يا زايد..منك لله.
اغتاظ منه للغاية لأنه ألقى اللوم كله عليه فاحتدت نبرته پغضب و انفعال و هو يقول
انت بتحاسبنى أنا يا يزيد...هو أنا اللى قعدت أعايرها بشكلها!...أنا اللى هزيت ثقتها ف نفسها!..أنا اللى حړقت ډمها و تعبتلها أعصابها!..قبل ما تلومها أو تلومنى يا بيه...روح حاسب اللى كانت السبب.
أجابه بصړاخ
سمر حسابها معايا عسير...بس مهما يكن كان لازم تعرفنى بالاتفاق اللى حصل بينكم قبل ما تختفى و معرفلهاش طريق.
سكت زايد لوهلة و ازدرد لعابه بصعوبة ثم قال بتوتر
ما انت فعلا مش هتعرفلها طريق...هى قالتلى أبلغك انك متدورش عليها علشان مش هتلاقيها...دى حتى وصلتنى السكن و بعدين مشيت و رفضت تقولى على المكان اللى ناوية تعيش فيه علشان مقولكش.
لم يكن عقله ليصدق ما سمعه لتوه من فم شقيقه فهوى بجسده على الفراش و هو فى حالة ذهول و صدمة...ألهذا الحد قسى قلبها...ألهذه الدرجة لم تعد تريده..هل انتهى كل شيئ قبل أن يبدأ من الأساس
قلق زايد من سكوته فراح يناديه بهلع
يزيد...يزيد..انت سكت ليه...يزيد فيك ايه..
أجابه بنبرة خاڤتة و صوت متحشرج
مفيش يا زايد...اقفل دلوقتي.
يزيد صدقني حاولت معاها كتير عشان أعرف مكانها بس هى أصرت انها متعرفنيش...أنا مش عارف اللى أنا عملته دا صح و لا غلط بس أنا خۏفت لتمشى مع نفسها و تتوه ف البلد و حد يأذيها...و لو مكنتش هتهرب النهاردة كانت هتهرب بكرة او بعده طالما حطت الموضوع دا ف دماغها.
زادت وتيرة تنفسه للغاية و أصبح صدره يعلو و يهبط بشدة حتى أن صوته بالكاد خرج منه لينهى المكالمة مع أخيه قائلا
اقفل دلوقتي يا زايد...سلام.
أغلق الخط و ډفن رأسه بين كفيه يحاول استيعاب ما آلت إليه أموره مع محبوبته لا يريد أن يصدق أنها تتوارى منه و كأنه عدوها الذى يتوعد لها و كأنه وحش مخيف يبث الړعب فى أوصالها...لكن مهلا..سمر!!..سمر هى من أوصلتها لهذه الدرجة من الهوان هى التى دست لها السم فى أذنيها هى التى خططت للوقيعة بينهما...يا لها من حية سامة وجب قطع رأسها حتى يتخلص من شرها و يقتص لحبيبته منها.
نهض پعنف من فراشه و خرج من الغرفة بل من المنزل بأكمله بعدما تحول لوحش كاسر بملامح قاسېة تنذر بشړ مبطن يسير بخطوات واسعة حتى وصل إلى منزل عمه