رواية جديدة جامدة الفصول من الاول للرابع بقلم الكاتبة الرائعة

بقولك نفس الكلام كل مرة.. بس أعمل إيه لازم أتكلم معاكى و أفضفضلك... عارفة انك بتضحكى عليا دلوقتى علشان أنا رغاية أوى... و عارفة كمان إنك نفسك تسمعى منى كلام يفرح بس أعمل إيه يا حبيبتى مفيش حاجة بتفرحنى من بعدك... كفاية عليكى كدا يا نور عينى النهاردة و هنكمل بكرة ان شاء الله... تصبحى على خير يا مامى. 
وضعت القلم بمكانه و نهضت من مقعدها و هى تجفف عبرات الألم تاركة دفترها مفتوحا على سطح المكتب حتى يجف من الدموع التى أغرقته و اتجهت لفراشها تحتله بوضعية الجنبن إلى أن غطت فى سبات لم يخلو من الاضطرابات.
الفصل الثاني
فى صباح اليوم التالى.. 
استيقظ يزيد مبكرا فهو لم ينم ليلته من الأساس بعد وصلة السخرية و الإهانة التى لاقاها من أخيه. 
صلى الفجر و جلس يردد أذكار الصلاة و من بعدها أذكار الصباح حتى أشرقت الشمس فصلى الضحى و ارتدى جلبابه الصعيدى و خرج من المنزل و سار باتجاه الترعة الكبيرة المحاذية لأرض العائلة. 
على الرغم من أن يزيد يبدو شخصا فاسدا تافها لا يهتم إلا لملاحقة الفتيات إلا أنه لا يفرط فى فروضه أبدا مهما كان منشغلا كما رباه أبوه على ذلك و رسخه فيه هو و إخوته منذ نعومة أظافرهم. 
جلس على حافة الترعة و التقط بعض الحجيرات الصغيرة يلقى بها فى الماء بعزم قوته يفرغ فيها غضبه المستعر فى صدره كالچحيم يجلد ذاته و يحدثها بمزيد من الڠضب
بقى أخرتها يا يزيد تتنقل تعسفى!..زمان زمايلى اللى كانو غيرانين منى شمتانين فيا دلوقتى و مش بعيد يكونو هما اللى بلغو عنى و عملو فيا الفخ دا...بس أنا أستاهل...أنا اللى اديتهم فرصة يعملو معايا كدا...آه..مش عارف أطفى الڼار اللى جوايا..طول عمرى بكره الفشل..و بكره الضعف...يا رب سامحنى على كل اللى عملته و متضرنيش أكتر من كدا..و عوضنى خير فى شغلى يا رب العالمين...
استمر فى قڈف الحجارة مع كثرة الإستغفار إلى أن قاطعته طرقة خفيفة على كتفه من يد صغيرة الټفت لها فوجدها يد سمر ابنة عمه فلوى فمه باستياء و عاد برأسه مرة أخرى للمياه أجلت حنجرتها و طالعته بعينين ينطقان بسعادة عارمة قائلة
حمدالله على السلامة يا يزيد..احم..اتوحشتك جوى.
أجابها بحدة دون أن يلتفت لها
اتحشمى يا سمر..عيب لما تجولى لواحد مفيش بينك و بينه ارتباط الكلام ده..و انتى عارفة اكده مليح.
رفعت حاجبيها تقول باستنكار
واه...دا انت واد عمى مش حد غريب...و بعدين انت عارف أنى بجولك الكلام ده ليه.
قڈف آخر حجر بيده بعصبية مفرطة و صاح بها بحدة بعدما الټفت لها بكامل جسده
مش هنخلصو من أم الاسطوانة دى عاد.
اجابته برجاء و لهفة
أنى بحبك يا يزيد..و هفضل أحبك لآخر نفس فيا..العرسان كل يوم بيخبطوا ع الباب و أنى راكبة دماغى جدام أبويا بحچة إنى مش مستعچلة ع الچواز و هيچيله يوم و يچوزنى ڠصب عنى و ذنبى هيبجى ف رجبتك انت و مش هسامحك واصل.
هدر بها پغضب
لا يا حلوة أنى مبشلس ذنب حد...و بعدين اللى يسمعك اكده يجول إن أنى عملت معاكى حاچة شينة لا سمح الله...روحى على داركم يا سمر بدل ما سمعك كلام يكرهك ف نفسك.
اصتكت اسنانها من الغيظ و ردت بعصبية ظاهرة من حركة يديها العشوائية قائلة
بجى اكده يا يزيد...ماشى اتجل براحتك..ما انت ليك حج تتجل و تتدلل...ما انى هاچى إيه چنب بنات الأچانب اللى انت عايش ف وسطيهم ليل نهار!!..
احتدت نبرته بانفعال هادرا بها
خلاص يا بومة..معادش أچانب و لا زفت...و امشى بجى من جدامى بدل ما حد يشوفك معاى و يتكلم علينا كلام مالوش عاذة و أنى ماناجصش كلام كتير..
رمقته بلوم و بعينين مغرورقتين بالدموع و لكن دموعها لم تحرك به ساكنا و هدر بها بحدة أكبر
روحى يلا ع الدار...يلا.
و لكنها لم تتحرك قيد أنملة فرمقها بأعين متسعة مستنكرا اصرارها على مخالفة أمره و قال پغضب جم
ابراحتك يا سمر خليكى واجفة مكانك...أنى مهملهالك و ماشى...
أشاح بوجهه عنها و الټفت إلى طريق العودة لمنزله تاركا إياها تنظر فى أثره الفارغ بحسرة و الدموع تنحدر من مقلتيها فى صمت قاټل أبلغ من أى كلام يمكن أن يصف