رواية جديدة ممتعة الفصول من الاول للسابع بقلم الكاتبة الرائعة

الباب ليأذن لها بالدخول.
حبيبى سمر بنت عمك برا و طالبه تقابلك
تحدثت هنا بمياعه و هى تقف أمام زين الذى قطب حاجبيه بتساؤل.
طيب خليها تتفضل
نطق زين بهدوء و بداخله فضول كبير عن سبب تواجد ابنه عمه فى شركته.
السلام عليكم و رحمه الله و بركاته
ألقت سمر تحيه الإسلام فور دخولها مكتب زين و هى ترسم على شفتيها ابتسامه بسيطه رقيقه.
وعليكم السلام و رحمه الله و بركاته اهلا يا سمر
رد زين التحيه و هو ينهض من مجلسه مادا يده بإتجاه سمر التى ابتسمت بإحراج.
اظاهر انك نسيت انى مبسلمش على رجاله يا زين
انهت سمر حديثها و هى تنظر بعتاب إلى زين الذى ارجع يده للخلف ليحك مؤخره عنقه بإحراج.
اظاهر كدا انا اسف
تحدث زين بإحراج و هو ينظر بوجه سمر التى تغض البصر بعيدا عن وجهه.
اتفضلي اقعدى يا سمر تشربى ايه
تحدث زين بعد أن جلس على مقعده مره اخرى لينهى حديثه بسؤال و هو يرفع سماعه هاتفه منتظرا اجابه ابنه عمه.
و لا اى حاجه انا كنت جايه طالبه منك طلب
تحدثت سمر بنبره هادئه بعد ان جلست على احد المقاعد أمام مكتبه.
أؤمرى
تحدث زين و هو يستند بمرفقيه على سطح مكتبه و هو ينظر بوجه سمر يتمعن به.
الأمر لله وحده شركتك ما شاء الله ليها سمعتها فى السوق و انا كنت اشتريت مكان علشان اعمله عياده ليا بس محتاجه حد يظبط الديكور على مزاجى لانى كنت عايزة اعملها على نظام مستشفى أطفال 
تحدثت سمر بهدوء و زين يستمع لها و يومئ لها من حين لآخر رغم أنها لم ترفع نظرها لوجهه و لو للحظه لترى اذا كان يتابعها ام لا.
المكان ده بيت من دورين و الدور فيه تقريبا ٣ اوض فأنا كنت عايزة افتح الدور الأول كله على بعضه و الدور التانى أخلى اوضه مخزن و أوضه للكشف و الاوضه التالته عايزة احط فيها سرير او اتنين و انا جايه و طالبه مهندسين و عمال ممتازين يشتغلوا معايا علشان نوصل المكان للوضع اللى بتخيله
تحدثت سمر مره اخرى شارحه وضع المكان و ما تريد أن تفعله بالمكان من تغييرات و توسعات.
تمام يا سمر قوليلى العنوان و هبعت افضل مهندسين الشركه يشوف اذا كان اللى انتى عايزاه ده ينفع و لا لا
تحدث زين بهدوء بعد أن تنهد بقوة لتندفع سمر فى الحديث.
اللى انا عايزاه يتعمل هيتعمل و بسهوله كمان
قطب زين حاجبيه بإستغراب بسبب ثقه ابنه عمه الكبيره هذه.
و انتى عرفتى منين 
تسائل زين متربع لتجحظ عينا سمر پصدمه تحاول البحث بين طيات عقلها عن اجابه ما فهى بالتأكيد لن تخبره انه أحبت مجاله و قرأت فيه بسبب حبها له.
كنت اتعرفت على واحده فى أمريكا و كانت مصممه ديكور و كانت معايا اول بأول و انا بدور على مكان مناسب للتغيرات اللى كنت عايزة اعملها و هى اللى اكدتلى على سهوله اللى انا عايزاه علشان كدا اشتريته
حمدت سمر ربها بداخلها على تفكيرها بتلك الفكره سريعا و التى يبدو أن زين اقتنع بها.
تمام سيبى العنوان و انا بنفسى هباشر على الشغل
تحدث زين بهدوء لتومئ له سمر بحياء و هى مازالت تغض بصرها.
تمام و المصاريف 
تسائلت سمر على مصاريف ما تريد فعله بمكانها.
مصاريف ايه بس عيب ده هيبقى هديتى ليكى بمناسبه المكان الجديد
تحدث زين بهدوء و هو يبتسم لتومئ له سمر نافيه لما قاله.
لا مش هينفع و لو مقولتليش على المصاريف انا هدور على شركه تانيه
تحدثت سمر بهدوء و معالم وجهها اخذت فى الجمود.
عيب على فكره اللى انتى بتقوليه ده
تحدث زين بعتاب و هو ينظر إلى سمر التى حملت حقيبتها و نهضت ناويه الرحيل.
يبقى الحق ادور على شركه تانيه بسرعه
تحدثت سمر و هى ترتدى حقيبه يدها لينهض زين واقفا هو الاخر.
طيب أهدى بس و اقعدى نتفاهم
تحدث زين و هو يشير لها بأن تجلس على المقعد مثل ما كانت.
هتقولى على المصاريف و لا اخدها من قصرها و ادور على شركه تانيه
تحدثت سمر متشبثه بقرارها و هى مازالت تقف أمام زين الذى تنهد بقوة.
طيب اقعدى و انتى دماغك انشف من الحجر كدا
تحدث زين پغضب لتبتسم سمر بهدوء جالسه بمكانها السابق بينما زين ظل ينظر لها قليلا.
اتفقا الاثنان على كل شئ و اتفقا ان يتقابلا بالمكان فى اليوم الموالى لتغادر سمر المكان و لكن لم تغادر عقل زين الذى اخذ يفكر بها كثيرا.
هى تغيرت بل تغيرت جدا أصبحت أجمل و جمالها يزداد كل حين.
Part 3
فى المساء كان زين يتمدد على سريره و هو يسند ظهره على ظهر السرير يفكر كثيرا بسمر.
عيناها التى تماثل فى زرقتها زرقه البحر بشرتها الحليبيه الناعمه انفها الصغير المدبب رموشها الكثيفه شفتيها المكتنزه وجنتيها دائمه الحمره و جسدها الرشيق الذى