رواية مطلوبة جدا الفصول من السادس للعاشر بقلم الكاتبة الرائعة

بتلك الحاله ان تتحدث بعجرفتها تلك : وقعتي اغمى عليكي وانا عشان راجل شهم اضطريت اخدك علي المستشفي

مها بضيق وإستهزاء : راجل شهم! مظنش انك راجل شهم زي ما بتقول كلكم صنف واحد بتمشوا ورا غريزيتكم الشھوانيه والدنيئه يا الفلوس يا غرض تاني اخجل اني اقوله

يحي نظر لها پغضب فقد تعدت حدودها يكفي هذا فهي تطعن في رجولته وتشكك في اخلاقه ونزاهته وهو من انقذ حياتها : لو سمحتي كفايه اوي لحد كدا لولا انك ست كنت علمتك معني كلامك دا كويس انا راجل وراجل اوي كمان ومفيش في دماغي القرف الي انتي بتتكلمي عنه دا وميهمنيش الفلوس ولا طمعان في حاجه وانا غلطان اني اخدتك علي المستشفي اصلا غلطه ومش هتتكرر تاني بعد كدا لو انتي بټموتي قدامي مش هاجي جنبك انا بلغت استاذ غيث وزمانه في الطريق بعد اذنك يا فندم

وبسرعه وڠضب امسك بهاتفه ومحفظته من جانبه وخرج من تلك الغرفه بضيق وخيبة امل فهو لم يقصد لها اي سوء ابدا يمشي متجهه الي سيارته وهو غاضب منها عيناه يتطاير منها الشرار فلاول مره تشكك أمره في شهامة فهو معروف عنه النبل والرجوله تربى علي مساعدة الغير كيف تغلط عليه هكذا!!!!

_________

جوهره : ايوا يا منه عملتي اي بعد ما سيبتك امبارح

تستمر القصة أدناه

منه بهدوء : ولا حاجه يا جوجو اشترينا الشبكه ورجعنا من غير ولا كلمه

جوهره : اي دا يعني محصلش اي جديد

منه : إطلاقا

جوهره بعقدة حاجب : ولا اتكلمتوا

منه ببساطه : ولا اتكلمنا

جوهره بنرفزه : انتي عبيطه يا منه طول الطريق فضلتوا ساكتين

منه بصوت عالي نسبيا : الله يا جوجو اومااال انتي عايزانااا نعمل اي متعصبنيش

جوهره بسرعه : خلاص خلاص اهدي ولا تعصبي نفسك اعتبريني متكلمتش انتي حره اعملي الي انتي عايزاه

منه وهي تنفخ بضيق : ايوا كدا اتعدلي قال نتكلم هنتكلم في اي وهي اصلا خطوبه مسرحيه كلها كام يوم شهر بالكتير ونخلص من المسرحيه دي

جوهره بمشاكسه : مش يمكن المسرحيه تتقلب جد وتحبوا بعض

منه بدون تفكير : مستحيل

جوهره بضحكه قويه علي ردة فعلها السريعه : كل شي جايز

منه تغير الموضوع : المهم سيبك مني وقوليلي ناويه علي اي

جوهره : انا مش عارفه يا منه انا اي نعم حبيته من لما كان هنا وانا كنت صغيره اتعلقت بيه حسيته أميري ومنقذي كان علي طول بيظهر فجأه لما ببقي واقعه في مصېبه او محتاجه مساعدته كان بيلاعبني وبيعلمني ركوب الخيل والعجل وفضلت متعلقه بيه حتي لما سافر بس انا وقتها كنت صغيره مش فاهمه حاجه اتعلقت بمنقذي وتابعته وتابعت كل جديد له كنت بستني اليوم الي بزور فيه جده عشان اسمع اخباره واسمعه وهو بيكلمه واطمن عليه بنفسي واطمن روحي الملهوفه لسماع اخباره بس لما جي اكتشفت شخص تاني اتفجأت بيه عكس الي شوفته من الي بيتكتب عنه في المجالات والي جده بيحكيه شوفته وهو قد اي متكبر ومغرور قاسې وشايف نفسه ومش بيهمه حد ولا بيهمه حاجه قد انه يرضي غروره وبس .

منه : بس بتحبيه يا جوهره متكدبيش علي نفسك هو لسه زي ما هو زي زمان طيب وحنين ومنقذك زي ما بتقولي بس الي مر بيه الفتره الي عدت خليته عامل لنفسه قشره ظاهره للناس انه قاسې بس انتي متاكده انك تقدري تبيني الحلو الي جواه مش دا كلامك يا جوهره

جوهره وهي تنفي حديث صديقتها : لا يا منه دا مش كلامي دا الي المفروض الجد سليمان مفهمهولي ان حفيده طيب وعكس الي ظاهر

منه : طب والعمل

جوهره : مش عارفه بس محتاجه اقعد مع جده سليمان لوحدنا محتاجه افهم دماغه فيها اي وبعد كدا ربنا يسهل

منه : تمام يا جوجو هقفل انا عشان الافندي بيتصل

جوهره بمشاكسه : ايوا يا عم الله يسهلووو منه وهي تنفخ بضيق : يلا يا بت من هنا هنرش ميه سلام

جوهره : طيب طيب متزقيش سلام

اغلقت الهاتف ونظرت لشاشته وهي تضئ بأسم مراد نفخت بضيق وقررت مضايقته وتطنيش مكالمته

__________

يجلس وهو عاقد حاجبيه من كمية الملفات الموضوع امامه نفخ بضيق ونظر بجانبه ليجدها تنظر للملف الموضوع امامها وهي تقرا ما به بهتمام نفخ مره أخري وتحدث بتذمر : انا نفسي افهم بتجيبي كل التركيز والنشاط دا منين دا انا زهقت ولسه مخلصتش ملفين علي بعض نفسي اعرف بس لحقتي تخلصي كل الملفات الي كانت قدامك دي ازاااي

رفعت عيناها من علي الملف رافعه كفها امامها : الله اكبر انت هتحسدني قول ما شاء الله

عمر بتذمر وتبرير : لا لا انا مش بحسدك انا بس بسال عشان افهم بتجيبي النشاط دا منين

اسراء باستفزاز : من السوبر ماركت هااا اجيب لك معايااا

عمر بنرفزه : ها ها ها بتضحكيني اي خفة الډم دي اتنيلي وانتي حلوه كدا

اسراء : احترم نفسك لو سمحت

عمر : ما انا محترمةاهو دا انا بعبر عن اعجابي بلون الطرحه بس

اسراء بترفزه : بقول لك اي خليك في سغلك بدل ما انا الي اخد الوظيفه واتثبت فيها وانت تطرد

عمر : اي دا هو انتي فاكره انك ممكن تتعيني وانا لا دا نجوم السماء اقربلك انا لازم اخد الوظيفه دي عشان اتجوز بقا دا البت قربت تخلل جمبي

اسراء بعدم فهم : تتجوز! ومين دي الي خللت!

عمر بشهقه وبطريقه مضحكه : ههههااااا يقطعني هو انا مقلتلكيش تالا حبيبتي والمفروض خطيبتي هنلبس دبل اخر الشهر ونكتب الكتاب بعدها بأسبوعين

اسراء بذهول : انت بتتكلم جد

عمر : اه والله هبقي اعزمك علي خطوبتنا واعرفك عليها هاديه وانثي بمعني الكلمه وعاقله مش مجنونه وطايشه زيك كدا خاالص

اسراء بضيق وعصبيه : بصفتي اي وبعدين انت وانا مبقاش في كلام بينا مفهوم متحاولش تقلل مني او تقول عني طايشه انت مش قريبي عشان تاخد راحتك في الكلام معايا كدا الوقتي مفيش بينا غير الشغل وبس

عمر وهو لا يفهم لما كل تلك العصبيه هز راسه ونظر الي الملفات امامه مره اخري

اسراء وهي تحاول جمع بحور الالم المتجمعه في مقلتيها واثبات صمودها نظرت الي الملفات امامها بعقل شارد في ماضي مولم ومستقبل غير معروف ملامحه

_____________

غيث وهو يمسك بكتف اخته لاسنادها والدخول بها الي غرفتها متحدث بقلق واضح علي ملامحه وخوف عليها من ان ټجرح من الهواء : ليه ترهقي نفسك كدا هو مش احنا اتفقنا انك هتاخدي بالك من صحتك لحد ما التحاليل بتاعتك تطلع ونشوف اي الي بيحصلك دا وليه الدوخه والصداع دا

تستمر القصة أدناه

مها بتعب : انا هبقي كويس يا غيث وبعدين انا قلت لك مش بحب حد يشتغل شغلي.

غيث بحزم : وانا مبحبش الاهمال وانتي عارفه كدا وانتي معمله في حق نفسك يا مها وانا روحي فيكي ومن غيرك مسواش حاجه فكلمتي مش هكررها تاني مرواح للشركه مفيش هتاخدي راحه لحد ما نتيجه التحاليل والاشعه بتاعتك تظهر انا لازم