رواية شيقة جدا الفصل السابع عشر والثامن عشر بقلم الكاتبة الرائعة

تفرك يديها بتوتر يبقى تمن الشقة هيتخصم من نصيبي أنا وسمر بما أنك مش موجود ومحدش يقدر يجي جنب نصيبك.
ناصر محتدا فرميتوها في الشارع.
سمر بسرعة لا طبعا احنا اتحايلنا عليها تسيب الشقة واحنا هنجيب لها مطرح على قدها وندفع ايجاره احنا بس هي صممت تفضل في الشقة وهي فاكرة نفسها هتقدر تبلطج على الرجل اللي اشترى البيت وتفضل في الشقة بالعافية.
ناصر ثائرا ولما هي مترضاش تقوموا تبيعوا وتسيبوها هي تتلفق وتترمي في الشارع.
رجل بحدة وقد خرج لتوه من أحد الغرف وأنت لما رهنت البيت وسافرت معملتش حساب ليه لفلقة أمك ورميتها في الشارع.
ناصر محتدا أنا كنت أقدر أبيعه أو أخد قرض قد كده عشر مرات بس أنا أخدت اللي محتاجه وعارف أن أمي هتقدر تتصرف فيه.
الرجل بسماجة اعتبرها معرفتش تتصرف وأن البنك هو اللي باع البيت.
ناصر محتدا أنا باكلم أختي عايز أعرف مكان أمي ما وجهتلكش كلام يا مدحت.
مدحت ببرود أنت بتزعق هنا في بيتي و أنا راجل البيت هنا يعني يا تقعد باحترامك يا تمشي بالأدب.
ناصر بمستنكرا وهو ينظر لشقيقته مستهجنا عاجبك اللي جوزك بيقوله ده.
هربت باعينها من مواجهته وهي تنكس رأسها بخضوع ذلك الخضوع الذي زاد من جبروت زوجها.
مدحت شامتا أظن الإجابة واضحة ماهي مش هتخرب بيتها وتنزل معك الشارع بالشنطة اللي أنت جاررها دي بصفاقة ولعلمك لولا أني عرفت بموضع التوكيل والقرض بعد ما خلاص خدت حقها كان زمنها مشرفة معكم على الرصيف ولو حجتك أمك فهي في دار المسنين اللي في الميدان بس يارب تكون جي تشيل همها مش ترمي همك على خلق الله كالعادة.
بدار المسنين
ترتمي دعاء باحضان ابنها وقد انهمرت من عينيها دموع القهر والخذلان.
دعاء منتحبة وهي تشدد من احتضانه شوفت اللي حصل لأمك يا ناصر اترمي في دار مسنين زي المقطوعين من شجرة ولا واحدة من أخواتك عبرتني.
ناصر حانقا لا أخواتي ولا أعرفهم المحروسة بنتك سابت جوزها يطردني من غير ما تفتح بوقها.
دعاء ساخطة حسبي الله ونعم الوكيل خسارة تربيتي فيهم طوعوا بنت شهد واتفقوا معها على أمهم.
ناصر بغل أه لو أطول رقبتها والله ما هارحمها هي البت دي جرى لها أيه.
دعاء حاقدة اللي جرى لا ينحكي ولا ينقرا أنت سافرت من هنا وهي عاشت لي في دور المجذوبة صعبت علي وحاولت اساعدها لحد ما وقفت على رجلها وفاجأة البت اتشقلب حالها بهمس وهي تنفس سمومها برأسه شكلها شافت لها شوفة قوت قلبها فجأة طلع لها لسان وبقيت تقول حقي ونصيبي وأنا حرة وعيارها فلت على الأخر.
ناصر بغل كسر حقها الڤاجرة شوفة أيه اللي شافتها ده أنا
هاخرم لها عينيها هي مش على ذمة راجل.
دعاء متلهفة هو أنت ردتها بعد ما سافرت.
ناصر متعجبا لا ليه.
دعاء ساخطة امال أيه على ذمة راجل دي يا مخبول.
ناصر متعاليا ليه هي كانت تتجرأ تبوص لغيري حتى لو طلقتها أنا كنت رميها بس عشان الزفتة نشوى هي اللي شرطت كده علي لكن يعني هي هتروح فين ما هي مرمية وزي مراميتها البسها في رجلي تاني.
دعاء متهكمة ده كان زمان القطة المغمضة فتحت وكمان طلع لها خرابيش.
ناصر واثقا هاقصهم لها ومعهم لسانها اللي رد عليكي بس قوليلي هي فين دلوقتي.
دعاء حانقة ما أعرفش عنها حاجة أول ما البيت اتباع خدت نصيب الأسد ومشيت حتى نصيبي بورث أبوك جبرتني اتنازل لها عنه عشان تسد القرض.
ناصر منصدما نهى عملت ده كله وبعدين أنت أزاي سبتيها تبيع البيت وفين نصيبي.
دعاء مقهورة بعد ما اتنازلت لها عن نصيبي ڠصب بقى نصيبها هي والبنات أكتر من تلات أرباع وبيقولوا كده يبقى من حقهم يبيعوا.
ناصر غاضبا وفلوسي أنا.
دعاء منكسرة نصيبك من البيعة كان حوالي مايتين وعشرين ألف عشان البيت صغير وفي شقتين ايجار قديم.
ناصر متلهفا والفلوس دي فين.
دعاء غاضبة الباقي منها محطوط باسمك في المحكمة.
ناصر مستنكرا الباقي.
دعاء مقهورة بنت شهد بعد ما حطيت لك الفلوس في المحكمة حجزت عليهم.
ناصر منصدما ليه.
دعاء بغل أشي قايمة ومؤخر ومتعة ومتجمد نفقة من يوم طلاقها ده غير أنها طلبت بقيمة وصل الأمانة اللي أنت ماضيته وقت جوازكم ضمان لحقها على شرط الحج مهدي لما العقربة ابتسام قومته.
ناصر ساخطا يعني أنا فاضل لي أيه.
دعاء غاضبة هي بعد اللي خادته ده كله بقالها تلات سنين بتصرف منهم نفقة العيال كل شهر على نفقتي أنا كمان اللي باقي مش هيكملوا خمسين ألف.
ناصر منصدما نفقتك.
دعاء بخفوت يعني أنا كنت هاعمل أيه يا ناصر أخواتك كانوا عايزين يرموني في أوضة تحت السلم ورموا لي قرشين وقالوا هما دول اللي هنقدر عليهم كل شهر.
ناصر ثائرا تقومي تنهشي في زيهم وتاخدي اللي تقدري عليه وأرجع أنا يا مولاي كما خلقتني اترمي في الشارع.
دعاء مذعورة ليه هو أنت مش كنت
بتشتغل بره.
ناصر منكسرا كنت باشتغل دادة ياما وبلقمتي كمان.
دعاء پصدمة