رواية نوفيلا الفصل السابع والثامن الاخير بقلم الكاتبة الرائعة

والرحمة و دول انا حساهم معك وأكيد مع العشرة الطيبة هنوصل للحب وخصوصا أني دلوقتي مش بحب حد تاني ولا مشغولة بغيرك. 
أحمد بود وأنا بحترم صراحتك جدا وعايز أستغلها وأسألك أزاي يا حياة أزاي نسيتي بالسرعة دي 
حياة بحسم أنا منستش يا أحمد ولا قلت لك أنى نسيته ولايمكن كنت هاوافق على جوازنا لو نسيته بالسرعة دي لأن اللى بينسي ممكن يجي يوم ويفتكر.
أحمد بفضول كرهتيه 
حياة بصدق لا يا أحمد مكرهتوش وبرضه مكنتش هاتجوزك لو بكرهه لأن الكره مشاعر أيوه مشاعر سلبية بس نوع من الاهتمام والتقدير ببساطة وعشان أريحك ساعة ما طلبت تتجوزني أنا قلت لك أني مينفعش أحبك لأنى فعلا بحب ماجد و مش شايفة حد غيره.
أحمد بفضول ده حقيقى طب أيه اللى جد
حياة بشرود بعد اللي عمله وحقيقته اللي أنكشفت قدامي مبقتش شايفه هو أصلا ببساطة سقط من عينى
بعد مرور عدة سنوات
تقف حياة وأحمد متجاورين في استقبال ضيوفهم لحفل مستشفهما الخاص.
حياة بسعادة أنا مبسوطة قوي بس هلكت هو أنا لازم أفضل واقفة كده.
أحمد ضاحكا طبعا حضرتك رئيس مجلس الإدارة ولازم تستقبلي ضيوفك.
حياة بعتاب بس متفكرنيش مش عارفة ليه أنت صممت أن أنت المدير وأنا رئيس مجلس الإدارة مع أن المفروض العكس أنت أقدم مني وأشطر.
أحمد بحب مين قال كده أنا مراتي أشطر دكتورة فى العالم كله وأجمل وأرق رئيس مجلس إدارة وبعدين الإدارة مش بيحددها الأقدم بيحددها نسبة رأس المال وأنت نصيبك فى المستشفى أكبر مني بكتير يبقى طبيعي أنك أنت تبقي رئيس مجلس الإدارة.
حياة بعتاب ماهو ده كمان مزعلني منك ليه مسمعتش كلامي وكتبنها بأسمنا احنا الاتنين بالتساوي وبعدين هو أنا كنت أحلم أن الأرض تجيب كل ده بعد ما عمي مختار كان مصمم ياخدها بربع تمنها لولا أنت وقفت قصاده وفهمته أنه مش هيلوي دراعنا ويأخدها بالسعر اللي يعجبه وأنه لو مش عايزها بسعرها أنك هتبيعها لعضو مجلس الشعب هناك ويبقى يقف قاصده هو بقى يعني لولا أنك معي وسندي مكنتش الفلوس دي جات وكده يبقي أنت كمان لك حق فيها.
أحمد بجدية حق أيه عايزة تديني تمن مساندتي وحمايتي لمراتي ومصالحها حياة من فضلك احنا قفلنا الموضوع ده دي فلوسك أنت وطبيعي أنها تفضل باسمك ومش أنا الراجل اللي ياخد فلوس مراته.
حياة بدلال طيب متزعلش بس أنا بس شايفة أن الأفضل أنك تكون رئيس مجلس الإدارة لأنك متفرغ لكن أنا البيت والولاد وبابا.
أحمد بحب متقلقيش يا قلبي أنا معاكي وهساعدك بكل قوتي وبعدين هما ولادك لوحدك هما ولادنا وطبيعي نراعهم سوا وبعدين هي ماما مخليهم عايزين حاجة هما وولاد منار دي سابت كل شغلها ومتفرغة لهم وبعدين متتلككيش بعمي فاروق الراجل سعيد ومستقر وهيجيب لك أخ صغير يلعب مع ولادك قريب.
حياة بسعادة الحمد لله بجد أنا مبسوطة عشانه قوي شخصيته وحياته مستقريين جدا والحمد لله مراته ست كويسة قوي خليتني مطمنة عليه بعد رفضه أنه يجي يعيش بالقاهرة.
أحمد بحب متقلقيش يا قلبي أنا بس مش عايز أغصب عليه بس مراته تقوم بالسلامة وأنا هاحاول معه تاني وأنا كمان مجهز كل حاجة ومش عايز أجر الشقة بتاعة والدتك عشان
لما يوافق ينقل فيها وهي قريبة جدا من الفيلا اللي أتنقلنا فيها كلنا.
نظر اليها فوجد عيونها تلمع وبها نظرة غريبة ترمقه بها.
أحمد بحب أيه يا يويو بتبصيلي كده ليه الناس بتبص علينا.
حياة بحب أنت كبير قوي في عيني لدرجة أني مش شايفة غيرك وكل يوم بتكبر في عيني عن اليوم اللي قبله وحبك بيكبر في قلبي لدرجة مش هيقدر كلام يوصفها ربنا يخليك لي يا أغلي حاجة لي في حياتي.
أحمد بحب ويخليكي لي يا حياتي.
تمت بحمد الله
بقلم مني الفولي
تمت بحمد الله
دي كانت نوفيلا بسيطة اتمني تكون عجبتكم وبكرة رواية جديدة